Yibraniyeku 6:17 - Mewar Alqawarang

¹⁷ Wanang tu̱k, nu̱ Magham shimki ku̱ wut nji ye nduki nu̱ke a ma zu̱m ɗye mbu̱ ge alqawarang nu̱ ɗyine, shwat ɗyi nyin daki ye memu̱naran ɓu̱ shi paata ɓa. Wut zhire ɓu̱ alqawar nang nu̱ ku̱nshe ku̱mndar nu̱ shiki.

Yibraniyeku 6:17 ပူးပေါင်းရင်းမြစ်များ

Yokhana 10:10

Nu̱ Muuru ka ɗa ɓakya ba ma muuru, ndu̱ tlaghar mu̱ti, ndu̱ su̱bu̱rti. Yang nga ɓakya ma ku̱ gwa nyifi ku, ku̱ yang gwa ndu̱ yele.”

Romeku 11:29

Jiwa Magham nu̱ka gaɓ men nu̱ gana mbe vu̱rti ɓaran ndu̱ qar ɓaran ɓa.

Romeku 8:17

Yang nu̱ke chem qusonggi ɓaran, chem wa kha ma nu̱ gwar shakhti ɗye mbu̱ ge. Nang wa wut nu̱ ɗyine, chem ka gwa ɗye mbu̱ ge barkeku ɓu̱ Magham, chem a khar mu̱dlenki ndu̱ Masiya mbe shakhti ɗye mbu̱ gerang. Yang mbu̱ chem ka gwa zhaaji su̱yen ndu̱ Masiya wa ku̱s ku̱ zami bonye su̱yen ndu̱ chin.

Galatiyeku 3:29

Yang mbu̱ tun ɓu̱ Masiya, tun wa kha ma pooni ɓu̱ Yibram, tun ka gwa ɗye mbu̱ ge ɓu̱ Magham viɗ ɗyine alqawarang.

Afiseku 1:11

Magham wa daaterem ku̱ kha mi ma nduki ɓaran, nu̱ ku̱nshe Masiya. Wa woɗa daasa ɗyen vu̱ nggarsan, Ai, chin ke nu̱ tlu̱na ɗyiku ɓaran wa nyin shimki.

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

Yibraniyeku 11:9

Maito saki tu̱ shi khar runggi mbu̱ maa nu̱ Magham shiki alqawaran yenda. Wa kha mbu̱ shekhɗekhku, Yishaku ndu̱ Nyagham kha wanang tu̱k, wor nu̱ zu̱mki ɗye mbu̱ ge alqawar nang su̱yen ndu̱ chin.

Yibraniyeku 6:12

Nyem shim kha nu ma tu̱sku̱n ɓa, yang mbu ma ɗyin sari wor nu̱ke nu̱ ku̱nshe maito ndu̱ kanaɗyi tu̱ dlu̱ ɗye alqawar nu̱ Magham shiki ye wora.

Yibraniyeku 6:16

Nduk ka ku̱mnda ndu̱ njif nu̱ dukki nda gwaari. Ku̱mndarang ka sa tu̱ alqawarang kha zhire keele su̱ ɓa.

Yibraniyeku 6:18

Yang ɗo, ɗyiku a nje rap nu̱ke nu̱ka shi paata ɓa, yang ɓu̱ shi tu̱ Magham shi song zhire ɗyinan ɓa. Nu̱ke ɗyinang ɗya ɗye par du̱mbu̱r ye memu̱narem maɗyi, chem nyem ɗaki ku̱me gwami chem khuɓ maitwang, chem ka gwa par du̱mbu̱r maɗyi.

Yaqub 1:17

Aa nyi vu̱rti mbarkandi, ndu̱ vu̱rti nyeelkandi a vi mbu̱ viɗi. A zhur she Magham Zhinkir nu̱ du̱ngki fu̱ɗa, ndu̱ chera ndu̱ anjinjeku kap. Yang chin nu̱ka shi nggot ɓa.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.

1 Biturus 3:7

Wanang tu̱k tun khuzuku, tun shi khar ɓaanu ndu̱ nusuku ɓaanu ndu̱ kwaari. Vu̱r ma gorkir ye wora, nu̱ke du̱mbu̱ran ku wa tun ɓa. Jiwa tun ndu̱ nusuku ɓaanu kap, tun dlu̱ mu̱nkir gwaanji nu̱ nyifiri ɓu̱ Magham su̱yen. Shi ma wanang ma ku̱ ɗyi nggur nggu̱tl barar ɓaanu gwar dlu̱r ɓa.