Yibraniyeku 5:5 - Mewar Alqawarang

⁵ Wanang tu̱k Masiya nu̱ da varan ma ku̱ kha nji ma gorkir ɓu̱ kuruku ɓa. Me ɓu̱ nang, Magham wa ze nda za, “To Yi ɓanga, nga kha ma Zhu meeni.”

Yibraniyeku 5:5 ပူးပေါင်းရင်းမြစ်များ

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 7:18

Njif nu̱ke a shoga ɗyi nu̱ke ɓaran ɓara, a shimkya gwar zhaaji she nduki. Yang njif nu̱ke a shim ku̱ njif nu̱ ɗa ru̱kki nda gwa zhaaji, chin ke nu̱ shir zhire, yang nu̱ka shi song zhire ɓa.

Yokhana 8:54

Tu̱ Yesu tlogha ye wor za, “Mbu̱ nga vu̱r zhaaji ye ɗyina, zhaajyang ɗya ɗyi nggur ɓa, Zhinkir ɓang kya vu̱r zhaaji ya, nun ka qaki nda za ɗya Maghamndi ɓaanu nggwang.

Tlu̱nar ɓu̱ Pudeku 13:33

wa nyel yerem, chem nu̱ke chem a khar qusonggi ɓaanda sarchi nu̱ daki Yesu nu̱ viɗi mbe mu̱ti. Ba wa nu̱ bu̱laki nu̱ gha mbu̱ Zabura san nu̱ rap za, ‘To Yi ɓanga; Nga kha ma zhu meeni.’

Romeku 8:3

Jiwa Magham wa shi ɗyi nu̱ke Bibitang nu̱ ɗu̱ma shiran ɓa ku̱me tu̱ɓti ɓu̱ nduku mbe ɗye shir ɓaran. Magham a ru̱kkya Yi ɓaran mbu̱ shipar ɓu̱ man vaarem nu̱ka shiki solar nang, ma ku̱ kha ma sadke ku̱me solar ɓaarem, tu̱ gu̱ɗa zalale ɓu̱ sola nu̱ gha mbu̱ man va.

Yibraniyeku 1:1

Zhu tang Magham wa shi ɓalar ye zhikaneremku ve njivku zum zum ye sarchiku khang nu̱ ku̱nshe annabiku.

Yibraniyeku 1:5

Jiwa sar da nu̱ Magham ze nu̱ ru̱kti ɓaran nggur za, “To Yi ɓanga, nga kha ma Zhu meeni” ɓa. Yang a nje da chele ɓaanda nu̱ zu̱ki yenda za, “Nga kha ma Zhu, ta kha ma Yi ɓanga” ɓa.

Yibraniyeku 2:17

Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 5:10

Kha wanang ku̱me Magham daati nda tu̱ kha ma gorkir ɓu̱ kuruku wa nu̱ dulbu ɓu̱ Melkizedek wutki.