Yibraniyeku 5:2 - Mewar Alqawarang

² Ka ɗu̱ma taata nduki nu̱ song zu̱ndi ndu̱ nduki nu̱ nggaki njiva gha, ma nu̱ke chin ndu̱ ɗyinan tu̱ɓtan.

Yibraniyeku 5:2 ပူးပေါင်းရင်းမြစ်များ

Luka 22:32

Yang nga shi barar yoro ma ku̱ maito ɓa kata ɓa. Mbu̱ ta nggoɗ ta gaɓ nu̱ sha yang, to ɓa vu̱r shokhku̱rokh me bu̱n ye nyeezoro.”

2 Korintiyeku 11:30

Mbu̱ tu̱ga ngga shi khamndi ɗyin, ngga kham ɗyina ɗyin ɗyiku nu̱ wutki katar ɓanga.

2 Korintiyeku 12:5

Ngga shi wakhti ku̱me njif nang, yang ngam ɓu̱ shi ku̱me ɗyina ɓa, buka shi nga ɗyine ɗyiku nu̱ wutki song du̱mbu̱r ɓanga.

Galatiyeku 4:13

Tun wa zu̱n nu̱ ɗyine khaati nang shiki, saki tang gwa njiv ɓar ndu̱ Labar Mbarkandang ye nu gumapaali.

Afiseku 4:18

Memu̱na wor zhum maɗyi mbu̱ zu̱ndi ɓaanda. Wa mbu̱ɗ nyifi nu̱ke Magham ka vu̱rki, ku̱me song zu̱ndi ndu̱ kaaku̱ɗakh ɗyin ɓaanda.

1 Timoti 1:13

Aa nu̱ke ɗau fara nga nu̱ ndu̱mndi Magham, ndu̱ wuti bonye ndu̱ vu̱rti takashi ye nu̱ mburi nda ku. Yang kap ndu̱ nang tu̱ na zhiyaye ɓanga ku̱me nga shi ɗyiku nang mbu̱ song zu̱ni ndu̱ song maito.

Yibraniyeku 12:13

Ku̱dma ma njiv mbarkandi ye saaronu ma ku̱ zu̱ɓtiku kwata zu̱ɓti ɓa, me ɓu̱ nang, ku̱ gwakya shaanar ku.

Yibraniyeku 2:17

Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.

Yibraniyeku 2:18

Nu̱ke chin ndu̱ ɗyinan wa za bonye sarchi nu̱ buuki nda, ka ɗu̱ma shaata nduki nu̱ke a mbu̱ buuri.

Yibraniyeku 4:15

Jiwa chin gorkir kuru ɓaaremang ɗya njif nu̱ damtaki ndu̱ tu̱ɓti ɓaarem. Ku̱me wa gwa buuriku ve aa nyi njiv nu̱ buuki rem, yang nu̱ shi sola ɓa.

Yibraniyeku 7:28

Jiwa bibitang ka datkya gorkir kuruku chele ɓu̱ nduki nu̱ka tu̱ɓki. Yang ku̱mndar na ɓa ki qu̱rse Bibitang, datki Yi ɓaran nu̱ khaki nyeedlan koɗokhsi ɓa.

Yibraniyeku 9:7

Yang gorkir ɓu̱ kuruku ɗyenda ka viki nu̱ mbu̱ kib nu̱ mbwang, yang ka vi sar kaada mbu̱ sonyi. Yang nu̱ka vi ɓa kope ndu̱ tom nu̱ke a ma vu̱rtan ku̱me solarku ɓaran, kom ndu̱ solarku ɓu̱ nduki nu̱ shiki ku waare zu̱ndi ɓaanda.

Yaqub 5:19

Nyeezaku, mbu̱ da chele ɓaanu wa njig njiv zhire, tu̱ yang njif nggur chele ɓaanu a gaɓ ndu̱ chin ve njiva.

1 Biturus 2:25

Jiwa tun wa ndu̱ɓangku nu̱ke a ma saghari, yang leendang tun a gaɓ nu̱ she Nu̱ khutloronu, chin nu̱ka Khutloki nyifi ɓaanu.