Yibraniyeku 5:13 - Mewar Alqawarang

¹³ Njif nu̱ke ɓiɓi ke ɗye zu̱mndi ɓaran ɗya ɓeela, nu̱ zu̱n aa nu̱m ɗyine shogar dambi ɓa.

Yibraniyeku 5:13 ပူးပေါင်းရင်းမြစ်များ

Matta 11:25

Ye sarchi nang tu̱ Yesu zu̱ za, “Ngaa kunaro, Aba, Zhinkir gwaanji ɓu̱ maa viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku, to wuɗ ye qusonggi pichichindi.

Markus 10:15

Ngaa zu̱ zhire ye nu, kap njif nu̱ke nu̱ dlu̱ kwaaɗar ɓu̱ Magham wa qusonggi pichichindi ɓa ɓu̱ vi nu̱ mban ɓa.”

Romeku 2:20

nu̱ shogar ye nggu̱bu̱ngku ndu̱ maalu̱m ɓu̱ nduki nu̱ke kwaari ɓaanda wa ɓu̱ qusongga. Ta zu̱n tu̱k nu̱ ɗyine zu̱ndi nyelkandi ndu̱ zhire a nje mbe Bibitang.

1 Korintiyeku 13:11

Sarchi nu̱ke nga woi koɗomma, ngga shikya ɓalar ɓu̱ woi, tang shi kwaari me woi, tang shi konyi wa ɓu̱ woi. Yang ba nang gorki tang njig me woyang.

1 Korintiyeku 14:20

Nyeezaku, ku̱ kwaari ɓaanu kha wa qusongga ɓa, ye maa ɗye mu̱na, tun kha wa ɓeelar woi, yang ku̱ kwaari ɓaanu kha wa nduk gori.

1 Korintiyeku 3:1

Nyeezaku, nang shi ɓalar ye nu wa tun nduki nu̱ke Jiimba a zalale ndu̱ tun ɓa, nga shi ye nu wa tun da ndu̱ nduki nu̱ larji, wa ɓeelarku mbe Masiya.

2 Korintiyeku 3:9

Mbu̱ ɗyi nu̱ ɗa ɓa ki ndu̱ mu̱ti wa kha ndu̱ zhaaji, yang ɗyi nu̱ ɗa ɓa ki ndu̱ tlu̱nar dambi ɓu̱ Magham ɗa, ai, ka dukti nda ndu̱ zhaaji maɗyi!

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

2 Timoti 3:16

Kap bu̱lar Ɓalar ɓu̱ Magham piiran a vi she nda, boota su̱ tu̱k ma shogari, ndu̱ duti dlu̱mdi, ndu̱ kwaaɗar khar viti ɓu̱ nduku, ndu̱ ɗu̱rti nduk ve njiv toropndi.

1 Biturus 2:2

Me ɓu̱ nang tun kha wa ɓeelar qusonggi nu̱ke a kasha zar ɓiɓi me ɗyinan, tun kasha ɓalar ɓu̱ Magham wanang ma ku̱ gor nu tun khu̱l ye gwar ɗanari,

2 Yokhana 1:11

Kap njif nu̱ dlu̱ki pooni njif nang, a gontakya ɗyinan ndu̱ chin mbu̱ tlu̱nar malkandiku nu̱ke a shiran.