Yibraniyeku 5:12 - Mewar Alqawarang

¹² Leendang shipa tu̱ga tun ka shogaki ɓar ye nduki, yang ma ɓar meeni tun a shim ku̱ njif nggur maata shogarku ndolndolndi nu̱ ɓalar ɓu̱ Magham ye nu. Nun khu̱l ma zu̱m ɗye zu̱mndi kaaku̱ɗakhndi ɓa, tun a zakya ɓiɓi ɗyenda!

Yibraniyeku 5:12 ပူးပေါင်းရင်းမြစ်များ

Matta 17:17

Tu̱ Yesu tlogha za, “Tun nduki nu̱ qaandi virkir meeni, nu̱ song maito, ndu̱ kaaku̱ɗakh ɗyin, ngga kha su̱yen ndu̱ tun ma yir kochiya? Ngga du̱ng me kanaɗyi ndu̱ tun nu fu̱na? A ɓa ma ndu̱ woyang ya fan.”

Markus 9:19

Tu̱ Yesu tlogha yenda za, “Ai tun nduki nu̱ qaandi virkir song maito ku, ngga du̱ng me khar ndu̱ tun kochiya? Ngga du̱ng me kaɗanyi ndu̱ tun nu̱ fu̱na? A ɓa ma ndu̱ woyang ya.”

Tlu̱nar ɓu̱ Pudeku 7:38

Musa nang ke khuski nu̱ tabaki nduki nu̱ Israila nu̱ mbu̱ gaari. Tu̱ kha su̱yen ndu̱ zhikanerem ndu̱ nu̱ ru̱kti ɓu̱ Magham nu̱ shiki ɓalar ndu̱ chin ɗyin Dleng Sinayang chin a dlu̱ki ɓalar nu̱ka vu̱rki nyifiri she Magham ta ɓa si yerem.

Romeku 3:2

I ɗo, boota su̱ shwat, ve aa nyi njiva! Gumapaali, Magham vu̱r ɓalar ɓaran nu̱ mbu̱ khar Yakhudeku.

1 Korintiyeku 14:19

Yang kap ndu̱ nang, mbu̱ nga chele tabar ɓu̱ nu̱ mbu Yesu, ngga shim ku̱ zu̱ nga ɓalar wor qurmun nu̱ke nduk ka daki mban ma ku̱ nduk shoga ɗyi ngguri, ye zu̱ nga ɓalarku aru ndu̱ me ghai ngguri.

1 Korintiyeku 14:20

Nyeezaku, ku̱ kwaari ɓaanu kha wa qusongga ɓa, ye maa ɗye mu̱na, tun kha wa ɓeelar woi, yang ku̱ kwaari ɓaanu kha wa nduk gori.

Galatiyeku 4:3

Chem ba wanang tu̱k, chem a khar wa qusongga pichichi chem maaviku nu̱ke a mbu shogar ku ɓu̱ nduki nu̱ larji nang.

Filipiyeku 3:1

Ye lauɗar san, nyeezaku, shi ma kashar mbe Zhinerem gwaanji. Bu̱lar ɗyiku nang ye nu nu̱ kha ma ɗye damta ya ɓa. Yang wonji ka kha ndu̱ boota ye nu mbe maito ɓaanu.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

Yibraniyeku 10:32

Kor ma nu̱ ɗyine ɗau fara sarchi nun naki yarang ɓu̱ Magham, tun wa gu̱n memu̱na nu maɗyi, tun a wute mbu̱ bonyeku.

Yibraniyeku 5:11

Ɗyiku a nje khang nyem shimki ku̱ zu̱ mi ye nu ɗyine ɗyiku nang, yang ka shi shar ku̱ zu̱ mi ye nu, ku̱me nun ka da mbu̱ tun ɗau ɓa.

Yibraniyeku 5:13

Njif nu̱ke ɓiɓi ke ɗye zu̱mndi ɓaran ɗya ɓeela, nu̱ zu̱n aa nu̱m ɗyine shogar dambi ɓa.

Yibraniyeku 6:1

Ku̱me nang, gang mi gha ɗyin shogar pichichindi nyem dlu̱ki nu̱ gumapaali ɗyine Masiya ɓa, yang zu̱m mi guma chem gori. Ku̱ kha mi chem a shogakya shogar maitar Magham, ndu̱ nu̱ nggooti njigti tlu̱narku nu̱ke ka ɗu̱ki ndu̱ chem mbe mu̱ti ɓa.

1 Biturus 2:2

Me ɓu̱ nang tun kha wa ɓeelar qusonggi nu̱ke a kasha zar ɓiɓi me ɗyinan, tun kasha ɓalar ɓu̱ Magham wanang ma ku̱ gor nu tun khu̱l ye gwar ɗanari,

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.