Yibraniyeku 4:14 - Mewar Alqawarang

¹⁴ Yang ɗo, nu̱ke gorkir kuru gwaanji a nje khaarem, chin ke Yesu Yi ɓu̱ Magham chin nu̱ ɗu̱ki mbu̱ viɗi gume Magham, khuɓ mi maito ɓaarem nu̱ gha ɓang ɓang.

Yibraniyeku 4:14 ပူးပေါင်းရင်းမြစ်များ

Matta 4:3

Tu̱ Sheɗan nu̱ buurang a ɓa she nda za, “Mbu̱ to Yi ɓu̱ Magham, ze ndogdiku nang ku̱ gaɓ ma ɗye zu̱mndi.”

Markus 1:1

Nang ke nggarsi Labar Mbarkandi ɓu̱ Yesu Masiya Yi ɓu̱ Magham,

Markus 16:19

Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.

Luka 24:51

A mbu̱ sa barke ye wor tu̱ shakh ndu̱ wora tu̱ da nda ma yir viɗi.

Tlu̱nar ɓu̱ Pudeku 1:11

Tu̱ nduki rapndang zu̱ za, “Nduki nu̱ Galili, nu̱m saki tun ching gha fan tun a nggu̱t maa viɗang na? Ba chin Yesu nu̱ daki nda ɓar she nu ma yir viɗ nang kaɗa gaɓ ba wa nun naki yir ɓaran.”

Tlu̱nar ɓu̱ Pudeku 3:21

Wa ku̱s ku̱ Yesu khan mbu̱ viɗi, ma yir sarchi nu̱ke ka gaɓki ndu̱ aa nu̱m tu̱ kha mewa, ba wa nu̱ Magham zu̱ki zhu tang nu̱ ku̱nshe annabiku ɓaran shakhshakhndi.

Romeku 8:34

Ki khu̱lki ma ku̱ kuma mu̱ti ye wora? Masiya Yesu nu̱ mu̱tki, dukti nang, tu̱ ji mbe mu̱ti, yang a nje kharan ɗyin bu̱n zu̱ma ɓu̱ Magham, chin kya khuɗ Magham yerem.

2 Korintiyeku 12:2

Nga zu̱n njif nggurnu̱ daki nda ma yir mbu̱ viɗi nu̱ kunung nu̱ ku̱nshe zalale ɓu̱ Masiya, sonyi gwaanggu̱m vat meeni, da nda mbu̱ manva gom, mbu̱ manva ɓa gom, nang zu̱n ɓa, Magham ɗyenda zu̱nki.

2 Korintiyeku 9:13

Tlu̱nar nun shiki nang, ka sa nduki tu̱ gor dlu̱m Magham ku̱me tun wa mbu ɗyi nu̱ Labar mbarkandi ɓu̱ Masiya zu̱ki, nu̱ke tun wa maita, kom ndu̱ shaatar nun shiki ye wor ndu̱ ɓeeni nduki kha nu nggaran.

Afiseku 4:10

Chin nu̱ zhurkyang, chin dlaki tu̱k nu̱ mbu̱ viɗi, ma ku̱ nyel maa viɗi ndu̱ maa vu̱ghai tu̱k.

Yibraniyeku 1:8

Yang ɗyine Yi ɓaranang, tu̱ zu̱ za, “Zhakhɗye kwaaɗar ɓaaro, ai Magham, a nje aakochi me tu̱ɓ su̱ ɓa, zaaɓir kwaaɗar ɓaaro ɗya nu̱ dambi.

Yibraniyeku 10:12

Yang Masiya vu̱rkya sadke kaada guma da ku̱me solarku, tu̱ khan ɗyin bu̱n zu̱ma ɓu̱ Magham.

Yibraniyeku 10:23

Bu ku̱ ching mi gha shanggu̱ɗang ɗyine sar memu̱nar ɓaarem, nu̱ke chem a saidaran, ku̱me njif nu̱ shiki alqawaran ɗya nu̱ zhire.

Yibraniyeku 10:29

Yang njif nu̱ ndu̱mki Yi ɓu̱ Magham ɗa, wa gaɓ ndu̱ tom alqawar nu̱ wakaki nda nu̱ gha nang tu̱ kha bam, tu̱ pu̱z Jiimbi shakhshakhndi nu̱ mu̱nki! Tun a taman za ka shikya nyi pooni kumar gu̱rgu̱rndi nu̱ shipaki njif nang na?

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 2:1

Ku̱me nang, wa ku̱s ku̱ sa mi khankal ɓaarem maɗyi nu̱ ɗyine ɗyiku nyem tu̱kki, ma ku̱ nduk duterem ɓar chem gal gha ve njiva ɓa.

Yibraniyeku 2:17

Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

Yibraniyeku 6:20

Yesu nu̱ kayaki rem viri nu̱ ve maa nang, vi ku̱me chem, tu̱ kha ma gorkir ɓu̱ kuruku nu̱ke lauɗa si su̱ ɓa, mbu̱ dulbu ɓu̱ Melkizedek.

Yibraniyeku 6:6

Mbu wa gaɓ nu̱ gana ku mbe maito ɓaanda ku̱ nggoɗ ku ku̱me khar asar ɓaanda a kalkya Yi ɓu̱ Magham nu̱ gha ku tu̱k zum, a wut kawar yenda gume nduki ye dalangi.

Yibraniyeku 7:3

Yang Melkizedek zhinki kha nda ɓa manki kha nda ɓa, yang nu̱ nduk zu̱n dlu̱dlarsan zum ɓa. Fu̱ɗar nu̱ khaki nda nje ɓa yang fu̱ɗar mu̱ti ɓaran a nje ɓa. Wa nu̱ke Yi ɓu̱ Magham ɗya kuru nu̱ke koɗokh venda ɓa, wanang tu̱k Melkizedek ɗya kuru nu̱ke koɗokh venda zum ɓa.

Yibraniyeku 8:1

Kap ɗyi nu̱ke chem a zu̱ran nang chin ke gorkir kuru a nje khaarem nu̱ke a nje kharan bu̱n zu̱ma ɓu̱ zhakhɗye kwaaɗar ɓu̱ Nu̱ Gorkirang far viɗi.

Yibraniyeku 9:12

Vi nu̱ mbu̱ Maa Nu̱ Dukki ndu̱ Shakhshakhndi nang sar kaada ye kharki. Nu̱ vi ndu̱ tom ɓu̱ gunoku ɓa yang tom ɓu̱ ye dleeku ɓa. Vikya ndu̱ tom ɓaran, nu̱ ɗa gwaki ɗanar yerem koɗokhsi ɓa.

Yibraniyeku 9:24

Jiwa Masiya nu̱ vikya nu̱ mbu̱ Kib shakhshakhndi nu̱ nduk du̱nki ɓa, ɗya ba zhire shipar ɓu̱ nu̱ viɗang. Masiya vikya nu̱ mbu̱ viɗi, ma ku̱ ɗu̱ nji gume Magham ku̱me chem.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.