Yibraniyeku 4:12 - Mewar Alqawarang

¹² Ɓalar ɓu̱ Magham nyifi si yang a tlu̱na shwat, me nang nyamnyam wa duk aa nyi kaskar nu̱ke men rap. Wa ka vi nu̱ mbe nduku, tu̱ mber chele ɓu̱ jiimbi nduku ndu̱ nyifiri ɓaran, tu̱ vi chele ɓu̱ mebarku ndu̱ ɓolgo. Wa ka kuma kwaari ɓu̱ nduku ndu̱ ɗyi nu̱ ku̱rki mbu̱ memu̱naran.

Yibraniyeku 4:12 ပူးပေါင်းရင်းမြစ်များ

Luka 8:11

“Wonji mbakhti mbu̱ ku̱rti ɓalarang: Ye poonang ɗya ɓalar ɓu̱ Magham.

Yokhana 12:48

Njif nu̱ zhangki nga gha, yang nu̱ dlu̱ shogar ɓang tu̱k zu̱m ɓa, nu̱ kuma nda nje, ɓalar nang zu̱ki, chin ka kumaki nda fu̱ɗar wuri.

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Tlu̱nar ɓu̱ Pudeku 2:37

Nu̱ ndukikwang tu̱kki wanang tu̱ ɓalarang zhokh memu̱na wora tu̱ ze Biturus ndu̱ ɓeeni Pudekwang za, “Nyeezerem, chem ka shi kya nu̱ma?”

Tlu̱nar ɓu̱ Pudeku 4:31

Nu̱ shiki barar kwang tu̱ maa nu̱ tabaki nu̱ njang yakhta. Tu̱ nyel wor ndu̱ Jiimbi shakhshakhndi, tu̱ ki zu̱ ɓalar ɓu̱ Magham ku waare sawa.

Tlu̱nar ɓu̱ Pudeku 5:33

Nu̱ dlegumeku nang tu̱kki tu̱ memu̱na wor su̱bu̱r maɗyi, tu̱ shim ku̱ tlagha nda Pudekwang nu̱gha.

Tlu̱nar ɓu̱ Pudeku 7:38

Musa nang ke khuski nu̱ tabaki nduki nu̱ Israila nu̱ mbu̱ gaari. Tu̱ kha su̱yen ndu̱ zhikanerem ndu̱ nu̱ ru̱kti ɓu̱ Magham nu̱ shiki ɓalar ndu̱ chin ɗyin Dleng Sinayang chin a dlu̱ki ɓalar nu̱ka vu̱rki nyifiri she Magham ta ɓa si yerem.

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

1 Korintiyeku 1:24

Yang she nduki nu̱ Magham qaki wora aa ɗya Yakhudeku aa nduki nu̱ke ɗya Yakhudeku ɓa, Masiya ke zalale ɓu̱ Magham ndu̱ kaɗari ɓaran.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

Afiseku 5:13

Yang aa nyi tun nu̱ yarang a wutki ka vi ye dalangi,

Afiseku 5:26

Ma ku̱ vu̱r nji nda shakhshakh ye Magham nu̱ ku̱nshe ɓalar ɓaran qu̱rse wa gaɓ ndu̱ chin tu̱ kha shakhshakh nu̱ ku̱nshe shiɓti nda nu̱ gha nu̱ shiki ndu̱ ɗyimi.

Afiseku 6:17

Sa ma jere vi, chin ke ɗanari, ndu̱ kaskar nu̱ Jiimba, chin ke Ɓalar ɓu̱ Magham.

1 Tasalonikeku 2:13

Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

Yibraniyeku 13:7

Kor ma dlegumeku ɓaanu nu̱ zu̱ki ɓalar ɓu̱ Magham ye nu. Nggu̱t ma pooni khar viti nu̱ shiki ku, ndu̱ lauɗar su̱ khar viti ɓaanda, tun da ɗyin saari maito ɓaanda.

Yibraniyeku 6:5

Kom ndu̱ nduki nu̱ darki mu̱ndi ɓu̱ ɓalar ɓu̱ Magham ndu̱ zalale nu̱ke a ɓar fu̱ɗar wuri.

Yaqub 1:18

Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.

1 Biturus 1:23

Jiwa tun wa gwa mewar khari. Yang mewar nyifi ɓaanu nang tun gwa she pooni nu̱ke wa ka mu̱t ɓa, tun gwa she pooni nu̱ke nu̱ka shi mu̱t ɓa. Kha nu nu̱ ku̱nshe ɓalar ɓu̱ Magham nu̱ke nyifiri a si yang nu̱ka shi mu̱ti ɓa.

Ɗyin mbu̱ tukari 1:16

Wa khuɓ anjinjeku mut mbu̱ kharan nu̱ zu̱ma, kaskar nu̱ke men rap nyamnyamndi a viri mbu̱ men. Mbu̱ yitanang a wuti wa fu̱ɗar nu̱ chingki nu̱ tala.

Ɗyin mbu̱ tukari 19:15

Tu̱ kaskar nu̱ke menang nyamnyam maɗyi a vi mbu̱ men. Ka zu̱m loobo ɗyine dlar maa ku ndu̱ kaskar nang. Ka shi kwaaɗar ɗyine wor tu̱k ndu̱ zaaɓir vi nu̱ kwaaɗa, tu̱ khatl ye anap ku nu̱gha tu̱k ye maa ɗyooti ye anap nu̱ shokhnar maɗyikandi ɓu̱ Magham Nu̱ zalale aa nu̱m kap.

Ɗyin mbu̱ tukari 19:21

Tu̱ tlagha ɓeeni nu̱ dakhlarku ɓaanda nu̱ gha ndu̱ kaskar nu̱ ka viki mbu̱ me njif nu̱ke a nje kharan ɗyine pu̱rsi nang. Tu̱ ɗyiktiku nji dlu ɓaanda tu̱ mu̱n mbu̱ wor si.

Ɗyin mbu̱ tukari 2:16

Nggoɗ ma leendang! Mbu̱ wanang ɓa, ngga ɗa ɓa ɗau tang dakhla wor ndu̱ kaskar nu̱ka viki mbu̱ myang.

Ɗyin mbu̱ tukari 2:23

Ngga tlagha nduki nu̱ke a mbu shogar ɓaran nu̱gha, nu̱ mbu Yesu ku kap ka zu̱n nu̱ ɗyine nga ke nu̱ laɓ mbu̱ kwaari ndu̱ memu̱na aaki. Yang ngga ɓi aaki ku̱rku̱r ndu̱ tlu̱nar ɓaran.

Ɗyin mbu̱ tukari 20:4

Kom tang na zhakhɗye ku, ndu̱ nduki nu̱ vu̱rki zalale kumar ye wora kharan ɗyinang. Yang tang na nyifiku ɓu̱ nduki nu̱ ɗakhki ɗyin wor nu̱gha ku̱me wa saida Yesu, ndu̱ ɓalar ɓu̱ Magham. Wor ke nduki nu̱ke nu̱ ghar ghai ye dlu gaari nang ɓa, yang nu̱ shi ye shipar ɓaranang zum ɓa. Nu̱ dlu̱ bakhti ɓu̱ dlu gaari nang nu̱ ve me guma wor ɓa yang ve khar wor ɓa. Wor a gaɓki tu̱ kha ndu̱ nyifiri tu̱k, tu̱ shi kwaaɗar ku su̱yen ndu̱ Masiya me sonyi du̱pu.