Yibraniyeku 2:9 - Mewar Alqawarang

⁹ Chem nakya Yesu nu̱ saki tu̱ kata nu̱ ru̱ktiku ɓu̱ Magham me sarchi koɗomma. Yang leendang wa vu̱r zhaaji ndu̱ gorkir yenda ku̱me wa shi bonye nu̱ ku̱nshe mu̱nkir ɓu̱ Magham ka dar mu̱ɗi me ɓu̱ nduk kap.

Yibraniyeku 2:9 ပူးပေါင်းရင်းမြစ်များ

Matta 16:28

Zhire nga zu̱ran ye nu, ɓeena nduki a nje ku fan chingndan nu̱ke ɓu̱ mu̱ɗku ɓa, kope wa na ɓar ɓu̱ Yi ɓu̱ Nduk mbu̱ kwaaɗar ɓaran.”

Matta 6:28

“Yang tu̱k nu̱m saki tun ki damtar ɗyine lukti nu̱ke tun ka sakya na? Nggu̱t ma viiri qu̱farku nu̱ka gorki gar ɓa, nu̱ka tlu̱na aa nu̱m ku ɓa, yang nu̱ka shi shaka zum ɓa.

Markus 9:1

Tu̱ ze wor tu̱k za, “Zhire nga zu̱ran ye nu, ɓeena nduki a nje chingndan fan nu̱ke ɓu̱ mu̱t ku dong ɓa kope wa na kwaaɗar ɓu̱ Magham ndu̱ zalale.”

Luka 9:27

Zhire ngaa zu̱ran ye nu, ɓeeni nduki a nje chingndan fan nu̱ke ɓu̱ mu̱ɗ ku ɓa kope wa na kwaaɗar ɓu̱ Magham.”

Yokhana 1:29

Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 10:17

Nang ke ɗyi nu̱ saki tu̱ Zhinkir ɓang ki ndola nga, nga ka vu̱r nyifi ɓang ma da nga tu̱k.

Yokhana 12:32

Mbu̱ wa da nga ɓar mbu̱ larji ma yir mbu̱ viɗi yang, ngga ɗa dut nduki kap nu̱ sha.”

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 8:51

Zhire, nga zu̱ran ye nu, kap njif nu̱ khutloki shogar ɓanga ɓu̱ mu̱t shwat ɓa.”

Yokhana 8:52

Tu̱ Yakhudekwang ze nda za, “Uughu! Leendang chem wa zu̱n nu̱ke ta su̱yen ndu̱ khu̱kheet shwat. Ai, Yibram ndu̱ annabikwang kap wa mu̱ɗ ku, yang no za, ‘Kap njif nu̱ khutloki shogar ɓang ɓu̱ mu̱ɗ shwat ɓa.’

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Tlu̱nar ɓu̱ Pudeku 3:13

Maghamndi ɓu̱ Yibram ndu̱ Yishaku, ndu̱ Nyagham, Maghamndi ɓu̱ zhikanerem, chin vu̱rki zhaaji ye maavi ɓaran Yesu. Nang ke njif nun vu̱rki nda ɓar ku̱ tlagha nda nu̱ gha, tun wut zhangndi yenda gume nggomna Bilatus aa nu̱ke wa shim ku̱ ngga nji nda gha.

Romeku 5:18

Ku̱me nang, ba wa nu̱ solar ɓu̱ nduk da a ɓa ki ndu̱ mu̱ti ye aaki, wanang tu̱k tlu̱nar dambi nu̱ nduk da shiki a ɓa ndu̱ barke ye aaki, nang ke gwar khar waare sola gume Magham ndu̱ mewar nyifiri.

Romeku 5:8

Yang Magham wa wut ndolar ɓaran maɗyikandi yerem, ma nu̱ke ye sarchi nu̱ke chem a mbu̱ solar ɓaarem, Masiya mu̱tki ku̱me chem.

Romeku 8:3

Jiwa Magham wa shi ɗyi nu̱ke Bibitang nu̱ ɗu̱ma shiran ɓa ku̱me tu̱ɓti ɓu̱ nduku mbe ɗye shir ɓaran. Magham a ru̱kkya Yi ɓaran mbu̱ shipar ɓu̱ man vaarem nu̱ka shiki solar nang, ma ku̱ kha ma sadke ku̱me solar ɓaarem, tu̱ gu̱ɗa zalale ɓu̱ sola nu̱ gha mbu̱ man va.

Romeku 8:32

Magham nu̱ nggu̱tlerem ndu̱ Yi ɓaran ɓa, tu̱ yang vu̱rti nda ku̱me chem kap. Yang Magham nu̱ vu̱rki Yi ɓaranang, ɓu̱ vu̱r aa nu̱m yerem kharan nggaran ɓa goma?

2 Korintiyeku 5:15

Yang nu̱ke mu̱t ku̱me nduki kap, ma ku̱ nduki nu̱ke a nje nu̱ nyifi, shi khar ɓaanda me ɗyin wor gana fan ɓa, yang ku̱ shikya khar ɓu̱ njif nu̱ mu̱tki ku̱me wora. Tu̱ ji ndu̱ chin ɓar mbe mu̱ti ku̱me wor tu̱k.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Galatiyeku 4:4

Yang nu̱ sarchi a khu̱lki tu̱m, tu̱ ɗa ru̱k Yi ɓaran. Yang kha nda nu̱ ku̱nshe nusu ɗyenda. Kha nda nu̱ mbu̱ bu̱n Bibitang,

1 Timoti 2:6

Chin vu̱rki nyifi ɓaran ma dli ɗyin nduki kap. Nang ke saidu nu̱ Magham vu̱rki ye larji mbu̱ sarchi ni.

Yibraniyeku 1:9

Ta shimkya tlu̱nar dambi, ta zhang yen ndu̱ mu̱na maɗyi! Nang ke ɗyi nu̱ saki tu̱ Magham, Maghamndi ɓaaro, waka nu̱gha, tu̱ vu̱r zhaaji yoro guma ndu̱ nyeezoku, tu̱ pu mor ɓong memu̱nar yoro.”

Yibraniyeku 10:5

Ku̱me nang nu̱ Masiya viki nu̱ mbu̱ larji tu̱ zu̱ za, “No shim sadkeku ndu̱ vu̱rtiku ɓa, to daasakya manva ya.

Yibraniyeku 11:5

Maito saki tu̱ da Enok ɓara, nu̱ na mu̱t ɓa. Yang nu̱ nduk gwa nda ɓa, ku̱me Magham wa da nda ɓara. Me ku̱ dandang wa kha ndu̱ saidu nu̱ ɗyine wa gwa makhtar she Magham.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 2:7

Ta shir nda tu̱ kata nu̱ ru̱ktiku ɓaaro, to shi zhar yenda ndu̱ zhaaji maɗyikandi no vu̱rki yenda ndu̱ gorkiri,

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

Yibraniyeku 8:3

Ka dat gorkir kuru ma vu̱r vu̱rtiku ndu̱ sadkeku. Wanang tu̱k wa shipa ku̱ gorkir ɓu̱ kuruku ɓaarem nang kha ndu̱ ɗyi nu̱ke chin ka vu̱rki.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Yokhana 2:2

Chin ke sadke yaapar solar ɓaarem yerem, yang ɓaarem ɗyenda ɓa, ndu̱ solarku ɓu̱ larji gumada.

Ɗyin mbu̱ tukari 19:12

Yitankwang wa ghiindi ɓai, ɗye zharku khang a nje mu̱na ɗyinan. Yang dlu̱m a nje bu̱laran, yang nduk a nje nu̱ zu̱nki dlu̱m nang ɓa kope chin ɗyenda.

Ɗyin mbu̱ tukari 5:9

Tu̱ qa mewar taazi ku, a zu̱ran ku za, “Ta khu̱l ma ku̱ dlu̱ na lagarkati ɗyikhlakandang to qu̱n yitu̱m ɓaran kwang nu̱gha. Jiwa wa tlagha nu̱gha zhu, yang nu̱ ku̱nshe tom ɓaaro ta dli ɗyin nduki ye Magham mbe aa nyi me sham, ndu̱ me ghin, ndu̱ me ghai, ndu̱ aa nyi nduki.