Yibraniyeku 2:17 - Mewar Alqawarang

¹⁷ Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.

Yibraniyeku 2:17 ပူးပေါင်းရင်းမြစ်များ

Romeku 15:17

Ku̱me nang ngga ɗu̱ma wakhti mbe Masiya Yesu ɗyine tlu̱nar nu̱ke nga shiran ye Magham.

Romeku 5:10

Nang ɗo, mbu̱ ye sarchi nu̱ke chem a kare ndu̱ Magham, chem gwaki somtar ndu̱ chin nu̱ ku̱nshe mu̱ti ɓu̱ Yi ɓaran. Leendang nu̱ gaɓki ndu̱ chem ma raptan ɗa, ai ka ɗana rem nu̱ ku̱nshe khar viti ɓu̱ Yi ɓaranang.

Afiseku 2:16

Wa tlaɗ chele ɓu̱ pooni nduki rapndi nang ndu̱ Magham, ma ku̱ kha ma man var da. Shi nang nu̱ ku̱nshe mu̱ti ɓaran ɗyin qu̱far kaatlang, nu̱ke wa fet zhangndi nu̱ shakki chele ɓaanda zhu tang ndang ɓara.

Kolosiyeku 1:21

Zhu tang tun ɓakh ndu̱ Magham, tun a kare ndu̱ chin mbu̱ memu̱na nu ku̱me ɗye shir malkandi nu̱ke tun a san ndu̱ kwariku ɓaanu.

Yibraniyeku 10:21

Kuru gwaanji a nje khaarem nu̱ke nduki ɓu̱ Magham kap a mbu̱ bu̱nan.

Yibraniyeku 2:11

Jiwa chin nu̱ saki nduki tu̱ kha shakhshakh, ndu̱ wor nu̱ khaki shakhshakhang, zhin wor da. Nang ke ɗyi nu̱ saki Yesu nu̱ka tu̱k kawar zu̱ran za ɗya nyeezanku ɓa.

Yibraniyeku 2:14

Yang nu̱ke qusonggi nang ɗya dlu ndu̱ tom, tu̱ kha wa wor tu̱k nu̱ daki man var nu̱ke ɗya dlu ndu̱ tom tu̱ kha man var wor wayen. Shi wanang ma ku̱ tlagha nji njif nu̱ke zalale mu̱ɗi a mbu̱ kharan, chin ke Sheɗan, nu̱ ku̱nshe mu̱ti ɓaran nu̱ shiki.

Yibraniyeku 2:16

Shaatakya nu̱ ru̱ktiku ɓu̱ Magham shwat ɓa, shaatakya qusonggi ɓu̱ Yibram.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 3:2

Yesu wa shi zhire ye njif nu̱ datki nda, ba wa nu̱ Musa shiki zhire mbe tlu̱nar ɓaran mbu̱ tabar nduki ɓu̱ Magham.

Yibraniyeku 3:5

Musa wa shi zhire mbe tlu̱nar ɓaran ye khar ɓaran maava chele nduki ɓu̱ Magham, wa shi ɓalar ɗyine ɗyi nu̱ke Magham a ma zu̱ran gana fan.

Yibraniyeku 4:14

Yang ɗo, nu̱ke gorkir kuru gwaanji a nje khaarem, chin ke Yesu Yi ɓu̱ Magham chin nu̱ ɗu̱ki mbu̱ viɗi gume Magham, khuɓ mi maito ɓaarem nu̱ gha ɓang ɓang.

Yibraniyeku 4:15

Jiwa chin gorkir kuru ɓaaremang ɗya njif nu̱ damtaki ndu̱ tu̱ɓti ɓaarem. Ku̱me wa gwa buuriku ve aa nyi njiv nu̱ buuki rem, yang nu̱ shi sola ɓa.

Yibraniyeku 5:1

Ka dat aa nyi gorkir ɓu̱ kuru ku chele ɓu̱ khuzuku ma ku̱ shi tlu̱nar ye ɓeeni nduki, chin ka chingki me ɓaanda ɗyine ɗyiku nu̱ke ɓu̱ Magham. Chin ke nu̱ vu̱r vu̱rtiku ndu̱ dlar sadkeku ku̱me solarku.

Yibraniyeku 5:10

Kha wanang ku̱me Magham daati nda tu̱ kha ma gorkir ɓu̱ kuruku wa nu̱ dulbu ɓu̱ Melkizedek wutki.

Yibraniyeku 5:2

Ka ɗu̱ma taata nduki nu̱ song zu̱ndi ndu̱ nduki nu̱ nggaki njiva gha, ma nu̱ke chin ndu̱ ɗyinan tu̱ɓtan.

Yibraniyeku 5:5

Wanang tu̱k Masiya nu̱ da varan ma ku̱ kha nji ma gorkir ɓu̱ kuruku ɓa. Me ɓu̱ nang, Magham wa ze nda za, “To Yi ɓanga, nga kha ma Zhu meeni.”

Yibraniyeku 6:20

Yesu nu̱ kayaki rem viri nu̱ ve maa nang, vi ku̱me chem, tu̱ kha ma gorkir ɓu̱ kuruku nu̱ke lauɗa si su̱ ɓa, mbu̱ dulbu ɓu̱ Melkizedek.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

Yibraniyeku 7:28

Jiwa bibitang ka datkya gorkir kuruku chele ɓu̱ nduki nu̱ka tu̱ɓki. Yang ku̱mndar na ɓa ki qu̱rse Bibitang, datki Yi ɓaran nu̱ khaki nyeedlan koɗokhsi ɓa.

Yibraniyeku 8:1

Kap ɗyi nu̱ke chem a zu̱ran nang chin ke gorkir kuru a nje khaarem nu̱ke a nje kharan bu̱n zu̱ma ɓu̱ zhakhɗye kwaaɗar ɓu̱ Nu̱ Gorkirang far viɗi.

Yibraniyeku 8:3

Ka dat gorkir kuru ma vu̱r vu̱rtiku ndu̱ sadkeku. Wanang tu̱k wa shipa ku̱ gorkir ɓu̱ kuruku ɓaarem nang kha ndu̱ ɗyi nu̱ke chin ka vu̱rki.

Yibraniyeku 9:11

Masiya ɗya gorkir ɓu̱ kuruku, nu̱ ɗa ɓa ki ndu̱ ɗyiku mbarkandi nu̱ke a nje khaarem leendang. Wa vi nu̱ mbu̱ shekhɗekh nu̱ dukki ndu̱ gwaari, tu̱ duk ndu̱ mbaari tu̱k, yang ɗya nduk shiki ɓa, ku̱me a mbu̱ du̱ngndi nang ɓa.