Yibraniyeku 13:5 - Mewar Alqawarang

⁵ Shakh ma ɗyinonu ndu̱ ndolar mu̱zhin, tun gu̱n memu̱nanu ndu̱ ɗyi nu̱ke a kha nu. Wonji Magham wa zu̱ za, “Sar da ngam ɓu̱ njigto nu ɓa, alambu̱ram, ngam ɓu̱ yaɓti nu gha ɓa.”

Yibraniyeku 13:5 ပူးပေါင်းရင်းမြစ်များ

Matta 6:19

“Taba nu gu̱nar ye vaanu nu̱ fan larji ye maa nu̱ke susuti ndu̱ nar loghos ka su̱bu̱rki nu̱gha ɓa, ye maa nu̱ke nu̱ muuriku ka viki tu̱ muura ɓar ɓa.

Matta 6:25

“Ku̱me nang nga zu̱ran ye nu, damta nu ndu̱ khar viti ɓaanu ɗyine ɗyi nu̱ke tun ka zu̱mki tun za, ndu̱ lukti nu̱ke tun ka saki ɓa. Alapa nyifi nu̱ duk ɗye zu̱m de? Yang ɗa, manva nu̱ duk lukti nu̱ke tun ka saki ɓa goma?

Matta 6:34

Ku̱me nang, damta nu nu̱ ɗyin wur ɓa, wur a ɓar ndu̱ damtar ɓaran zum, damtar nu̱ meeni wa gama nu.

Markus 7:22

Kom ndu̱ khape ndu̱ mu̱nari ndu̱ kotame ndu̱ kwari shimndi zawar ndu̱ zhiri ndu̱ su̱bu̱rti dlu̱m, ndu̱ gwaari ɗyin ndu̱ me nggu̱bu̱ng.

Luka 3:14

Tu̱ sojeku tu̱k zham nda za, “Chem ɗa, shem kya nu̱ma?” Tu̱ tlogha ye wor za, “Lawa nu mu̱zhin ɓar kha nduk du̱mbu̱r du̱mbu̱r ɓa, yang shi nu kwatame nu̱ ɗyine nduku ku̱me wa zhang vu̱rtan ye nu gha ɓa, gu̱n ma memu̱na nu ndu̱ mu̱zhindi chere ɓaanu.”

Luka 8:14

Pooni nu̱ ku̱ɗbaki nu̱ ɓere njekhtikwang a khar wa nduki nu̱ tu̱kki, yang qan tu̱ ji kwaari ɗyin larji ndu̱ kaalar gu̱na, ndu̱ shimndi tu̱kti mu̱ndi larji tu̱ nggu̱tl wor shir ɗyi mbarkandi.

Romeku 1:29

A nje ku nyeedlan ndu̱ ɗyi galkandi, ndu̱ mu̱nari, ndu̱ melakh, ndu̱ ɗye shir malkandi ku. Nyeedlan ku ndu̱ zhiri malkandi, ndu̱ tlaghar mu̱ti, ndu̱ dakhlari, ndu̱ nyiglar maa, ndu̱ ɗyooti mbu. Ɗya nu̱ ndaana ku,

1 Korintiyeku 5:11

Yang nga bu̱laran ye nu nu̱ ɗyine mbu̱ nduk a nje nu̱ke ɗya mu̱dlonu nu̱ mbu Yesu, yang ɗya nu̱ zawa, ku̱ kha nu ndu̱ chin ɓa. Yang mbu̱ ɗya nu̱ khape, aa a gharkya ghai ye mu̱lu̱m, aa ɗya nu̱ gu̱ndi virki, aa ɗya nduk kuyakandi, aa nu̱ muuru, zu̱m nu ɗye zu̱mndi ndu̱ pooni ndukiku nang ɓa.

1 Korintiyeku 6:10

Nu̱ muuri ku, ndu̱ nu̱ khape ku, ndu̱ nu̱ me kuyar ku, ndu̱ nu̱ gu̱ndi virkir ku, ndu̱ nu̱ batal ku nu̱ke ka viki nu̱ mbu̱ kwaaɗar ɓu̱ Magham ɓa.

2 Korintiyeku 4:9

Wa ka vu̱r bonye yerem, yang sar da nu̱ Magham nggarem gha ɓa. Wa ghwaterem nu̱ yaghai, yang nyem mu̱ɗ ɓa.

Afiseku 5:3

Sar da ku̱ njig nu tu̱ nduk da dlu̱monu ndu̱ ɓalar zawa ndu̱ aa nyi tlu̱nar su̱bu̱rti ndu̱ khape ɓa, ku̱me ɗyiku nang nu̱ shipa nduki ɓu̱ Magham ɓa.

Afiseku 5:5

Tun wa zu̱n nu̱ ɗyine shwat, nu̱ zawa, ndu̱ nu̱ tlu̱nar zop, ndu̱ me khape (nu̱ke chin ndu̱ nu̱ ghaari ghai ye mu̱lu̱m da ku), ɓu̱ gwa maa mbu̱ kwaaɗar ɓu̱ Masiya ndu̱ ɓu̱ Magham, sar da ɓa.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

2 Bitu̱rus 2:14

Aakochi a korkya laɓti nusu, nu̱ka nggum ku ndu̱ shir sola ɓa. A lamba nduki nu̱ke du̱mbu̱ran ku mbu̱ maito ɓaanda ɓa. Wa kha ku wang mbe melakh ɓaanda. Magham ka kuma pooni nduki nang shwat.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.

Yakhuda 1:11

Ɗya ɗye zhiyaye ku! Wa mbu ɗye shir ɓu̱ Kayinu ku. Ku̱me shimndi gwar tunu wa nggu̱ɗ ku nu̱ mbu̱ ɗyi galkandi nu̱ Balaam shiki, wa su̱ya ku tu̱k wa nu̱ shiki sarchi pooni tonggu̱rong ɓu̱ Kora.