Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yibraniyeku 13:4 - Mewar Alqawarang

4 Tun vu̱r zhaaji ye ɓu̱rti tun kap ɓaanu. Tun vu̱r zhaaji ye gaanggir ɓu̱rti ɓaanu ku̱me Magham ka kuma nu̱ zawar mbu̱ khu̱rti ndu̱ nu̱ shiran mbu̱ ɓu̱rti.

အခန်းကိုကြည့်ပါ။ ကော်ပီ




Yibraniyeku 13:4
33 ပူးပေါင်းရင်းမြစ်များ  

Magham ka kumaki nduki nu̱ke a su̱yen ndu̱ chem ɓa. Komba ma nduk malkandi nang ɓar chele ɓaanu.


Ɗa ma tlu̱nar zop! Solar nu̱ke nduk ka shiki kap ɓu̱ su̱ɓa man varan ɓa, yang njif nu̱ shiki zop wa su̱bu̱r man varan nu̱gha.


Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.


[Ku̱me nang njif nu̱ ɓu̱rki nokhzi nu̱ shiki alqawar ndu̱ chin, wa shi torop. Njif nu̱ke nu̱ ɓu̱r nda ɓa wa duk shi ɗyi mbarkandi.]


Alapa zalale nje khaarem ma ku̱ aaki ɓu̱r nokhzi da chele ɓu̱ nu̱ mbu Yesu ku chem ki yirku nang su̱yen, ba wa nu̱ ɓeeni pudeku, ndu̱ khachinkirku ɓu̱ Yesu, kom ndu̱ Kefas shiki ku ɓa?


Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.


Ɗye shir malkandiku ɓu̱ manva ba ye dalangi: Zawari, ndu̱ tlu̱nar zop, ndu̱ ɗye zhaaneku,


ndu̱ zhiri, ndu̱ me kuyari, ndu̱ zar kuzhi bu ɗyin ndu̱ pooni ɗyiku nu̱ shipaki ɗyiku nang. Nga wuro nu, ba wa nang shiki ye nu gumang, nu̱ ɗyine pooni nduki nu̱ka shiki ɗyiku nang ɓu̱ vi nu̱ mbu̱ kwaaɗar ɓu̱ Magham ɓa.


Tun wa zu̱n nu̱ ɗyine shwat, nu̱ zawa, ndu̱ nu̱ tlu̱nar zop, ndu̱ me khape (nu̱ke chin ndu̱ nu̱ ghaari ghai ye mu̱lu̱m da ku), ɓu̱ gwa maa mbu̱ kwaaɗar ɓu̱ Masiya ndu̱ ɓu̱ Magham, sar da ɓa.


Ku̱ aaki taɓa mbu̱ mu̱dlen ɓa yang ku̱ wut me ghu̱rti ye mu̱dlen mbe ɗyinang ɓa, ku̱me Magham ka kuma pooni ɗyiku nang ɗo, ba wa nyem zu̱ki ye nu gumapaali, chem dut dlu̱mndo nang tu̱k.


Wa ku̱s ku̱ nu̱ shaatar nu̱ tlu̱nar ku nu̱ mbu̱ tabar ɓu̱ nu̱ mbu Yesu kha ma nu̱ nokhzi da, ku̱ khuɓ rafti ɓaran ndu̱ qusonggi ɓaran maɗyi.


Ku̱ dle guma kha waare zop gume nduki, nokhzan da, ku̱ kha ɗya njif nu̱ke varan buran, ɗyinan ku̱san, nduk mbarkandi, nu̱ dlu̱r runggiku, njif nu̱ke ka ɗu̱maki shogar ye nduki maɗyi.


Wa ku̱s ku̱ ɗu̱ma khuɓ rafti ɓaran mbari, tu̱ qusonggi ɓaran kha ma nu̱ mburi su̱quran a vu̱r gorkir yenda ve aa nyi njiva.


Pooni nduki nang wa ka nggu̱tl ndukiku shir ɓu̱rti ndu̱ zu̱mndi ɓeeni ɗye zu̱mndiku, yang Magham shiki ɗye zu̱mndiku nang ma ku̱ nduki nu̱ maitaki tu̱ zu̱n zhire ku tu̱ dlu̱ ku ndu̱ kuna.


Nga shim tu̱ga ku̱ ku̱du̱w nusuku nu̱ke a mbu̱ du̱mbu̱r ɓaanda shi ɓu̱rti ku, tu̱ kha qusonggi, tu̱ nggu̱t rafti ɓaanda, ma ku̱ nu̱ zhangndi ɓaaremang gwa ɓalar malkandi nu̱ke ka shiki ɗyine rem ɓa.


Wa ku̱s ku̱ ndukkudaandi kha waare zop gume nduki, ku̱ kha ma nu̱ nokhzi kaada, ku̱ kha ma njif nu̱ke qusonggi ɓaran wa maita Yesu ku. Yang ku̱ kha ma qusonggi nu̱ke nduki nu̱ zu̱n wor ndu̱ ɗye shir malkandi ndu̱ zhangndi tu̱kti maa ɓa.


Ku̱r ma vaanu mbari ma ku̱ aaki kha ma nu̱ zawa ɓa, yang ku̱ kha nu ndu̱ song sawar Magham wa Yisuwa nu̱ masaki ɗye mbu̱ ge gomir ɓaran ɓara ma ɗye zu̱mndi piti da ɓa.


Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ