Yibraniyeku 13:22 - Mewar Alqawarang

²² Nyeezaku, Nga khutonu, tun shi kaɗanyi ndu̱ wuro nu nang shiki, ku̱me nang bu̱la ɓalar kirkandi ye nu ɓa ɗo.

Yibraniyeku 13:22 ပူးပေါင်းရင်းမြစ်များ

Tlu̱nar ɓu̱ Pudeku 13:15

Qu̱rse wa qa ye chiti mbu̱ Taurete ndu̱ lagarkati ɓu̱ annabikwang, tu̱ dlegumeku ɓu̱ kib tabarang ru̱k ye wor za, “Nyeezerem, mbu̱ ɓala kha nu nu̱ke tun a shim zu̱ran ma pa du̱mbu̱r ye nduki, tun zi.”

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Korintiyeku 5:20

Ku̱me nang chem ke yiti Masiya she nduki, chem a khar wa Magham nu̱ ɗyinan kya ɓalar nu̱ ku̱nshe rem. Yang chem a khutonu mbu̱ dlu̱m Masiya, somta ma chele ɓaanu ndu̱ Magham.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

Galatiyeku 6:11

Nggu̱t ma bu̱lar rututundi nang bu̱laki ye nu ndu̱ khara ka!

Afiseku 3:3

Nang ke ɗyin mbu̱ tukar nu̱ Magham wutki ya ɗyine shimndi ɓaran tukakandi, ba wa nang bu̱laki ye nu koɗom ɗyinan.

Yibraniyeku 12:5

Woɗye tun wa mona ɓalar par du̱mbu̱r nu̱ Magham shiki, nu̱ zu̱ki za tun qusonggi ɓaranang mu? Wa zu̱ za, “Yi ɓanga, gaɓ na ndu̱ wuuri ɓu̱ Zhinkir gwaanji ma ɗyi bamndi ɓa, yang ku̱ fet na memu̱na ɓar mbu̱ a wuror ɓa.

Yibraniyeku 13:19

Nga khutonu tun shi barar ya ma ku̱ Magham sa tang gaɓ nu̱ she nu nu̱ shopti ɓa.

Yibraniyeku 2:1

Ku̱me nang, wa ku̱s ku̱ sa mi khankal ɓaarem maɗyi nu̱ ɗyine ɗyiku nyem tu̱kki, ma ku̱ nduk duterem ɓar chem gal gha ve njiva ɓa.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 4:1

Nu̱ke alqawar viri nu̱ mbu̱ maasi ɓaran a nje ma ɓar leendang, chem ku̱r vaarem maɗyi ɗo ma ku̱ njif nggur ku̱na gwa viri nu̱ mban ɓa.

Yibraniyeku 4:11

Ku̱me nang, shi mi ɗyi nu̱ke chem ka shiki kap ma vi mi nu̱ mbu̱ maasi nang. Ku̱ aaki ku̱na viri nu̱ mban wa nu̱ ku̱naki ku ku̱me zhangndi tu̱kti maa ɓa.

1 Biturus 5:12

Nga bu̱la lagarkati koɗommandi nang ye nu ndu̱ shaatar ɓu̱ Sila, nu̱ke nga da nda ɗya khachinkir maitokandi yang nga na wa khu̱l ku̱ qa nga nda nu̱ shir zhire. Nga pa du̱mbu̱r ye nu, wut nga yenu nang ke mu̱nkir ɓu̱ Magham zhirekandi. Ku̱me nang ching man mbe mu̱nkir ɓu̱ Magham nang ndu̱ du̱mbu̱r.