Yibraniyeku 13:18 - Mewar Alqawarang

¹⁸ Shi ma barar yerem. Chem wa maita nu̱ ɗyine nu̱ memu̱narem wut za chem wa shi zop ɓa. Chem a shim ku̱ shi mi ɗyi mbarkandi mbe tlu̱nar ɓaarem kap.

Yibraniyeku 13:18 ပူးပေါင်းရင်းမြစ်များ

Tlu̱nar ɓu̱ Pudeku 23:1

Tu̱ Bulus nggu̱t tabar dle gumekwang njang tu̱ zu̱ za, “Nyeezaku, ma ɓar meeni damta nje mbu̱ memu̱nara ɓa. Yang kwaari ɓang mbarkandi nu̱ wut ya za nga shi ɗyi galkandi nu̱ke ka viki nu̱ chele ɓang ndu̱ Magham ɓa.”

Tlu̱nar ɓu̱ Pudeku 24:16

Nang ke ɗyi nu̱ saki aakochi nga wute mbu̱ memu̱nara ku̱ kha nga mba rap rap ɓa yang damtar nggur nje chele ɓang ndu̱ Magham ndu̱ nduk ɓa.

Romeku 12:17

Mbu̱ nduk wa mu̱na nu, ku̱ dli nu gaɗe ni ɓa. Shi ma khankal mbe shir ɗyi nu̱ke mbar she aaki.

Romeku 13:13

Bu ku̱ khar viti ɓaarem kha mbari wa nu̱ shipaki nduki nu̱ke a khar mbu̱ yarangi. Waare nggar zu̱mndi ku bam bam ndu̱ kuyari, ndu̱ zawar ku ndu̱ tlu̱nar ɗye zhaane ku nu̱ song kawa, ndu̱ dakhlari ndu̱ ɓar nu̱ shakhti ɗyin ndu̱ zhiri.

Romeku 15:30

Nyeezaku, ku̱me Zhinerem gwaanji Yesu Masiya ndu̱ ndolar nu̱ke Jiimba ka vu̱rki, nga khutonu tun shaata nga mbe wute nu̱ke nga shiran, tun shi barar ye Magham ku̱me nga.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

1 Tasalonikeku 4:12

Shir wanang ka sa tun kha ndu̱ zhaaji gume nduki nu̱ke ɗya nu̱ mbu Yesu ku ɓa, tun ɓu̱ kha ma shipit ye aaki zum ɓa.

1 Tasalonikeku 5:25

Nyeezaku, shi ma barar yerem.

2 Tasalonikeku 3:1

Ye lauɗar san, nyeezaku, shi ma barar yerem ma ku̱ ɓalar ɓu̱ Zhinerem gwaanji dlu̱ maari ɗau ɗau, tu̱ gwa zhaaji ba wa nu̱ gwaki chele ɓaanu.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 3:16

Wanang tu̱k, shi ma aa nu̱m aakochi ndu̱ memu̱nar zhirekandi ku̱me mbu̱ wa zu̱ ɗyi malkandi nu̱ ɗyine nu, nduki nu̱ zu̱kyang ka tu̱k kawa ku̱me ɗye shir mbarkandi ɓaanu mbe Masiya.

1 Biturus 3:21

Yang ɗyim nang a khar wa baptisme nu̱ka ɗanaki nu. Tun yang tun wa gwa ɗanar nu̱ ku̱nshe ɗyim baptismyang. Yang ɗanar nyem gwaki nang chem gwa ku̱me shiɓti ru̱gnar ɓar ve vaarem ɓa. Chem gwa ɗanarang ku̱me alqawar chele ɓaarem nu̱ Magham ndu̱ memu̱nar mbarkandi, kom ndu̱ jiiri ɓu̱ Yesu Masiya ɓar mbe mu̱ti.