Yibraniyeku 13:16 - Mewar Alqawarang

¹⁶ Yang mona nu shir ɗyi mbarkandi ndu̱ shaatar nduki ɓa, ku̱me nang ke pooni sadke nu̱ke Magham a tu̱k mu̱ndan.

Yibraniyeku 13:16 ပူးပေါင်းရင်းမြစ်များ

Luka 18:22

Nu̱ Yesu tu̱kki wanang, tu̱ ze nda za, “Ta mbu̱ɗ tun da nu̱ke no shi ɓa. Moso ɗyi nu̱ke a kha ɓar kap to vu̱r mu̱zhindan ye nu̱ nungndiku. To ka gwa du̱ngndi gu̱nar no shikyang mbu̱ viɗi. Kom to ɗa gaɓ to mburi nga.”

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 9:36

Yang nu̱ mbu Yesu nggur a nje mbu̱ ghai Joppa dlu̱man za Tabita nang ke Dorka. Nokhzi nang wa shi mbarkir ye nduki tu̱ shaata nu̱ nungndi ku khang.

Romeku 12:13

Tun ki shakh ɗyin me kha nu ndu̱ nduki ɓu̱ Magham nu̱ke a mbe song. Tun ki dlu̱ runggiku ndu̱ kashari.

Galatiyeku 6:10

Ku̱me nang, kap sarchi nyem gwaki zalale ni, chem shi mbarkir ye aaki, nu̱ shi wa ye mu̱dlerem ku nu̱ mbu Yesu ɓa.

Galatiyeku 6:6

Ku̱ nduki nu̱ke a shoga ɓalar ɓu̱ Magham shi mbarkir ye maalu̱m nu̱ke a shogaran ye worang.

Afiseku 4:28

Ku̱ nu̱ muuru muura tun sar da tu̱k ɓa. Me ɓu̱ nang ku̱ shi tlu̱nar mbarkandi ndu̱ kharan, tu̱ ɗu̱ma gwa ɗyi nu̱ke ka shaataki nduki nu̱ke tun kha wor ɓa.

Filipiyeku 4:14

Yang kap ndu̱ nang tun wa shi torop nun shaataki nga mbu̱ bonye ɓanga.

Filipiyeku 4:18

Tun wa shi aa nu̱m ya, ɗyi nun shiki wa duk ɗyi nu̱ke nga gangndan. Mba zhiran, nu̱ke nga gwa ɗyiku nun ru̱kki su̱ ya mbu̱ khar Apafaroditus. Nang ɗya sadke nu̱ke zhiran mu̱n maɗyi, ɗya vu̱rti mbarkandi nu̱ke Magham ka dlu̱ki san tu̱ tu̱k mu̱ndan.

1 Tasalonikeku 5:15

Nggu̱t ma mbari ku̱ aaki dli gaɗa ye mu̱dlen ku̱me wa mu̱na nda ɓa, tun vu̱r vaanu ye shir mbarkir ye yen ndu̱ ɓeena nduki kap.

2 Tasalonikeku 3:13

Yang tun nyeezaku, ku̱ nggum nu ndu̱ shir ɗyi toropndi ɓa.

1 Timoti 6:18

Ze wor ku̱ shi me mbarkirku, tu̱ kha gu̱naran tu̱k mbe tlu̱nar mbarkandi, ku̱ ki vu̱rtan ye nduki khar wor nggaran, nu̱ shimndi shakhti ɗyi ɓa nda ndu̱ nduki.

Filimon 1:6

Nga barar yoro ku̱me ching na gha kartap mbe zu̱r maito ɓa ye nduki, ku̱me ku̱ da na mbu̱ ɗyi mbarkandiku kap nu̱ke ɗya ɓaarem mbe Masiya.

Yibraniyeku 6:10

Magham ɗya nu̱ song shir zhire ɓa. Ɓu̱ mona tlu̱narku nun shiki nu̱ ndolar nun wutki yenda sarchi nu̱ke tun a shaata nu̱ mbu Yesu ku ɓa, ba wa nu̱ke tun a ɗyin shiran ma ɓar meeni.

3 Yokhana 1:11

To rapta nu̱ke nga ndolaran, mbu na maatli khali ɓa, me ɓu̱ nang, shi tlu̱nar mbarkandi. Nu̱ shir ɗyi mbarkandi ɗya ɓu̱ Magham. Yang nu̱ shir ɗyi malkandi nu̱ zu̱n Magham sar da ɓa.