Yibraniyeku 12:28 - Mewar Alqawarang

²⁸ Yang nang ɗo, nu̱ke chem a ma viri nu̱ mbu̱ kwaaɗar nu̱ke ɓu̱ shi yakhta ɓa, ku̱ kuna mi, chem ghar ghai ye Magham wa nu̱ke a shimndan. Mbu̱ sawar ndu̱ vu̱rti gorkiri,

Yibraniyeku 12:28 ပူးပေါင်းရင်းမြစ်များ

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Luka 1:33

Ka shi kwaaɗar ɗyine me vi ɓu̱ Nyagham koɗokhsi ɓa. Yang koɗokh nje ve kwaaɗar ɓaran rong tu̱k zu̱m ɓa.”

Romeku 11:20

Ɗyen wanang shwat! Yang ku̱rta wor ɓar ve man qu̱farang ku̱me song maito ɓaanda, to yang maito ɓa ka saki to zu̱m guma ndu̱ khar ve man qu̱farang. Ku̱me nang shi na me nggu̱nggal ɓa, to ka tu̱k kya sawa.

Afiseku 1:6

Shi wanang ma ku̱ kuna mi zhaaji ɓu̱ mu̱nkir ɓaran nu̱ vu̱rki yerem mu̱nki ndu̱ yele tu̱k nu̱ ku̱nshe Yi ɓaran nu̱ke a ndolaran.

Afiseku 5:10

gang ma kya ɗyi nu̱ke Zhinkir gwaanji ka tu̱kki mu̱ndan.

Filipiyeku 4:18

Tun wa shi aa nu̱m ya, ɗyi nun shiki wa duk ɗyi nu̱ke nga gangndan. Mba zhiran, nu̱ke nga gwa ɗyiku nun ru̱kki su̱ ya mbu̱ khar Apafaroditus. Nang ɗya sadke nu̱ke zhiran mu̱n maɗyi, ɗya vu̱rti mbarkandi nu̱ke Magham ka dlu̱ki san tu̱ tu̱k mu̱ndan.

Yibraniyeku 10:19

Ku̱me nang, nyeezaku, ɗye maitar a nje khaarem du̱mbu̱rkandi ma ku̱ vi mi nu̱ mbu̱ Kib Nu̱ Dukki shakhshakh nu̱ ku̱nshe tom ɓu̱ Yesu.

Yibraniyeku 13:15

Yang ki mi zoɓa sadke khamndi ye Magham nu̱ ku̱nshe Yesu. Tu̱ khamndi ɓaarem kha ma ye ɓalarku na viki ve me, nu̱ saidaki dlu̱manang.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Yibraniyeku 4:16

Ku̱me nang, ku̱ kha mi ndu̱ shokhku̱rokh memu̱na. Chem a song nu̱ bing ndu̱ zhakhɗye mu̱nkir nu̱ kwaaɗar ɓu̱ Magham ma ku̱ na zhiyaye ɓaarem. Chem gwa mu̱nkir, nu̱ke ka shaataki rem mbu̱ sarchi nu̱ke chem a gang tunu.

Yibraniyeku 5:7

Sarchi nu̱ke Yesu a mbu̱ larji, wa shi bararku ndu̱ khutiku ndu̱ ghoori ndu̱ ɗyim ghoori maɗyikandi. Wa shi bararku ɓaran ye Magham nu̱ke ka ɗu̱maki lawa nda ɓar mbe mu̱ti. Ku̱me ɗya nu̱ vu̱rti gorki mbe sawar Magham, tu̱ Magham tlogha su̱ barar ɓaran.

1 Biturus 1:17

Ma nu̱ke tun wa ka qa Magham “Zhinki” sarchi nu̱ke tun a barari. Ku̱me nang tun shi khar ɓaanu ndu̱ sawa ma ɓar ye sarchi nu̱ke tun ka woɗaki khar runggi nu̱ke tun a shiran mbu̱ larji nang. Ku̱me Magham ɗya nu̱ kuma yang ka kuma tlu̱nar ɓu̱ aa nyi nduku waare shimndi ɗyin.

1 Biturus 2:20

Mbu̱ yang wa shi kurpi ye nu ku̱me zop nun shiki, a tun wa gu̱n memu̱na nu tun ɓu̱ gwa ɗyi nggur ku̱men ɓa. Yang mbu̱ tun wa shi tlu̱nar mbarkandi, tun za bonye ku̱men, yang tun gu̱n memu̱na nu tu̱k, ɗyi nun shikyang ka kha dlu̱ran she Magham.

1 Biturus 2:5

Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.

Ɗyin mbu̱ tukari 1:6

Chin gaɓki ndu̱ chem, chem kha ma kwaaɗari ndu̱ kuruku ma tlu̱nar ye Magham ndu̱ ɓaran nu̱ Zhin. Ku̱me nang bu ku̱ Yesu Masiya dlu̱ zhaaji ndu̱ kwaaɗar koɗokhsi sar da ɓa! Amin.

Ɗyin mbu̱ tukari 15:4

Ki ke ɓu̱ tu̱k sawar ɓaa ɓa, to Zhinkir gwaanji? Ki ke ɓu̱ vu̱r zhaaji ye dlu̱mor ɓa? To ɗyenda ke shakhshakh. Nduki kap ka ɗa ɓa, tu̱ ghar ghai yoro jiwa tlu̱nar jeembi ɓaaro a ɗal dam.”

Ɗyin mbu̱ tukari 5:10

Ta gaɓ ndu̱ wor ma kwaaɗari ndu̱ kuruku ma ku̱ shi tlu̱nar ɓu̱ Maghamndi ɓaarem, ka shi kwaaɗar ku ɗyine larji.”