Yibraniyeku 12:27 - Mewar Alqawarang

²⁷ Ɓalar nu̱ zu̱ki za, “sar da tu̱k,” nang wa wut nu̱ ɗyine ka da ɗyi nu̱ yakhtakyang ɓara, nang ke, ka da ɗyiku nu̱ du̱ngki ɓara, ma ku̱ ɗyiku nu̱ke ɓu̱ shi yakhta ɓa kha gha.

Yibraniyeku 12:27 ပူးပေါင်းရင်းမြစ်များ

Matta 24:35

Maa viɗi ndu̱ maa vu̱ghai ka woɗa yang ɓalar ɓang ɓu̱ pasha aa koɗom ɓa.

Romeku 8:19

Sarchi a nje a ɓari nu̱ke Magham ka ɓa wutki qusonggi ɓaran ye dalangi. Yang ɗyiku nu̱ du̱ngki kap a ku̱rsa sarchi nang wa nu̱m gom.

Romeku 8:21

nu̱ ɗyine ka ɓa lawa du̱ngdikwang ɓara mbe khar maavi nu̱ke a shiran ye mu̱ti ndu̱ mu̱tli. Ka ɓa gwa me ɓaanda ye sarchi nu̱ke qusonggi ɓu̱ Magham ka ɓa gwaki ɗyin wora nu̱ zhaaji.

1 Korintiyeku 7:31

Nu̱ boote ndu̱ ɗyin larji ku̱ sa memu̱na wor nu̱ ɗyinan ɓa, ku̱me larji ka woɗa ɗo.

Yibraniyeku 1:10

Tu̱ zu̱ tu̱k za, “Gumapaali, Zhinkir gwaanji, to du̱ngki dlu̱dlarsi larji, maa viɗku ɗya tlu̱nar ɓu̱ khaaro.

Yibraniyeku 13:14

Ku̱me ghai a nje larji nang nu̱ke za ɓu̱ shi woɗa ɓa ɓa, yang ɓaarem chem sakya yiterem ye ghai nu̱ke a ɓari.

Yibraniyeku 9:11

Masiya ɗya gorkir ɓu̱ kuruku, nu̱ ɗa ɓa ki ndu̱ ɗyiku mbarkandi nu̱ke a nje khaarem leendang. Wa vi nu̱ mbu̱ shekhɗekh nu̱ dukki ndu̱ gwaari, tu̱ duk ndu̱ mbaari tu̱k, yang ɗya nduk shiki ɓa, ku̱me a mbu̱ du̱ngndi nang ɓa.

Ɗyin mbu̱ tukari 11:15

Tu̱ nu̱ ru̱kti ɓu̱ Magham nu̱ mut pi domndi ɓaran. Tang tu̱k su̱qur ɓalarku khang du̱mbu̱rkandi mbu̱ viɗi a zu̱ran ku za: “Kwaaɗar ɓu̱ larjyang wa kha ma kwaaɗar ɓu̱ Zhinerem gwaanji ndu̱ ɓu̱ Masiye ɓaran, yang ka shi kwaaɗar aakochi koɗokhsi ɓa!”

Ɗyin mbu̱ tukari 21:1

Kom tang na maa viɗi mewakandi ndu̱ maa vu̱ghai mewakandi. Maa viɗi nu̱ gumapaali ndu̱ maa vu̱ghai nu̱ gumapaali wa su̱ya ku kap, ɗyim chitndi nje tu̱k ɓa.

Ɗyin mbu̱ tukari 21:4

Ka pasha ɗyim ghoori ɓar kap mbu̱ yiti wora. Mu̱t nje tu̱k ɓa, khar yaaɓa nje ɓa, gho nje ɓa, yang bonye nje zum ɓa. Jiwa me shir ɗyiku nu̱ zhu wa peeta.”

Ɗyin mbu̱ tukari 21:5

Tu̱ njif nu̱ke a nje kharan ɗyine zhakhɗye nang zu̱ za, “Nggu̱ɗu, nga gaɓti ndu̱ aa nu̱m ku̱ kha mewa!” Tu̱ zu̱ ya tu̱k za, “Bu̱lo nang nu̱ gha, ku̱me nang ɗya ɓalar zhirekandi, yang bai bai su̱ ɓa.”