Yibraniyeku 12:25 - Mewar Alqawarang

²⁵ Ku̱r ma vaanu ɗo zhang nu njif nu̱ke a ɓalarang gha ɓa. Zu̱n man gha nu̱ ɗyine, mbu̱ nduki nu̱ zhangki nduki nu̱ wuki wor mbu̱ larji nang nu̱ lawa ku ɓa, chem ɗa! Chem ka lawa mbu̱ khar njif nu̱ke a wurerem mbu̱ viɗi kikimndana?

Yibraniyeku 12:25 ပူးပေါင်းရင်းမြစ်များ

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Matta 8:4

Tu̱ yang Yesu ze nda za, “Ku̱gam zu̱ na ɗyi nang ye aaki ɓa, ɗu to ɗa wuɗ va ye kurwang, to vu̱r vu̱rtang ba wa nu̱ wopar ɓu̱ Musa zu̱ki. Shu wanang ma ku̱ aaki zu̱n nu̱ke za ta shaana.”

Tlu̱nar ɓu̱ Pudeku 7:35

“Yang nang ke ba Musa nu̱ zhangki nda gha ku, a zu̱ran ku za, ‘Ki saki ma dle gume ɓaarem ndu̱ nu̱ kumar ɓaaremang?’ Magham ru̱kkyang ba chin ku̱ kha ma dle gume ndu̱ nu̱ ɗanari, sarchi ni nu̱ ru̱kti ɓu̱ Magham wutki varan yenda mbu̱ ye qu̱far nu̱ke ghiindi ɓaiyang a ɗyinanang.

1 Tasalonikeku 5:15

Nggu̱t ma mbari ku̱ aaki dli gaɗa ye mu̱dlen ku̱me wa mu̱na nda ɓa, tun vu̱r vaanu ye shir mbarkir ye yen ndu̱ ɓeena nduki kap.

2 Timoti 4:4

Nduki ka zhang tu̱k zhire gha tu̱ gaɓ ndu̱ khangkal ɓaanda ye tu̱kti shinjiku.

Yibraniyeku 1:1

Zhu tang Magham wa shi ɓalar ye zhikaneremku ve njivku zum zum ye sarchiku khang nu̱ ku̱nshe annabiku.

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

Yibraniyeku 12:19

ndu̱ piiri domndi, ndu̱ su̱qur ɓala ɓa. Su̱ qur ɓalar nang saki tu̱ nduki nu̱ tu̱kki khuɗ za ku̱ zu̱m guma ndu̱ ɓalar ye wor ɓa.

Yibraniyeku 3:12

Nyeezaku, shi ma ɗyi nu̱ke tun ka ɗu̱maki ma ku̱ njif nggur chele ɓaanu nu̱ke solar ndu̱ song maito nu̱ke a mbu̱ memu̱naran ka saki nda tu̱ njig Magham nu̱ nyifi ɓa.

Yibraniyeku 3:17

Magham shi shokhnarang ndu̱ nu̱ ki me sonyi ɗyinvat nda na? Ai, nang ke ba nduki nu̱ shiki solar ku, tu̱ nggu̱ɗ ku tu̱ mu̱ɗi mbu̱ gaarang ɓa goma?

Yibraniyeku 8:5

Yang kuruku nang ka shi tlu̱nar ɓaanda mbu̱ Kib shakhshakhndi nu̱ke chin ke shipar jiimbi nu̱ke a viɗi. Ku̱me sarchi nu̱ke Musa a ma za shekhɗekh nu̱ke Magham ka khaki mban nang, wa wu nda za, “To shi aa nu̱m tu̱ kha ba wa shipar nu̱ wutki yor ɗyin dlengang.”

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.

Ɗyin mbu̱ tukari 22:9

Tu̱ yang zu̱ ya za, “Shi na ɓa! Nga mu̱dlonu maava, to ndu̱ nyeezor annabiku, ndu̱ kap nduki nu̱ke a mbu ɓalar nu̱ mbu̱ lagarkati nang. Ghor ghai ye Magham!”