Yibraniyeku 12:24 - Mewar Alqawarang

²⁴ Tun a ɓakya she Yesu nu̱ daasaki mewar alqawar chele ɓu̱ Magham ndu̱ nduki ɓaran, kom tu̱ batl tom nu̱ka shiki ɓalar mbarkandi tu̱ duk tom ɓu̱ Khabila.

Yibraniyeku 12:24 ပူးပေါင်းရင်းမြစ်များ

Matta 23:35

Ngga ɗa ru̱k ndukiku nang ku̱me shipiti tom ɓu̱ nu̱ dambi ku nu̱ tlaghaki mbu̱ larji kap ku̱ gaɓ nu̱ ɗyinonu. Ma ji ɗyine tom ɓu̱ Khabila nu̱ dambi, ma yir ɗyine Zakariya yi ɓu̱ Berikiya, nun tlaghaki nda nu̱ gha chele ɓu̱ maa shakhshakhndang ndu̱ du̱ku̱l sadkyang.

Matta 26:28

Ku̱me nang ɗya tom ɓanga, nu̱ nyedli alqawar nu̱ke a ma mbu̱ti ku̱me nduki khang ma ndu̱m sola.

Markus 14:24

Tu̱ ze wor za, nang ke tom ɓang nu̱ mewar alqawar nu̱ke a ma mbu̱tan ku̱me nduki khang.

Luka 11:51

Jiiri ɗyine tom ɓu̱ Khabila nu̱ mbu̱ɗki ma yir ɗyine tom ɓu̱ Zakariya nu̱ tlaghaki nda chele du̱ku̱l ndu̱ maa Shakhshakhndi mbu̱ rafti ɓu̱ Maghamang. Wanang, ngaa zu̱ran ye nu, kumara nje ɗyine nduki nu̱ qaandi virkir meeni ku̱me ɗyiku nang.

Luka 22:20

Tu̱ gaɓ tu̱k tu̱ da ɗyekhti ɗyim ye qu̱far anapang gaanje wa woɗa zu̱m ɗye zu̱mndi mbu̱ virkirang ba wa nu̱ shiki gumapaalyang. Tu̱ zu̱ tu̱k za, “Na ɗya shipar meewar alqawar mbu̱ tom ɓang nu̱ke a ma mbu̱ti ku̱me tunu.

Galatiyeku 3:20

Yang nduk ka gang nu̱ viri nu̱ tala, mbu̱ke ɓalarang a chele ɓu̱ nduki rap, yang Magham kaada.

1 Timoti 2:5

Jiwa Magham kaada, nduk kaada tu̱k ke nu̱ chingndi nu̱ chele ɓu̱ nduk ndu̱ Magham, nang ke khuski nang Masiya Yesu.

Yibraniyeku 10:22

Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

Yibraniyeku 11:28

Maito saki tu̱ Musa shi Tabar peetar ɗyinang, tu̱ batl tom ma ku̱ nu̱ tlaghar gomirkwang su̱ɓa qusa Israila ɓa.

Yibraniyeku 11:4

Maito saki tu̱ Khabila vu̱r sadke ye Magham nu̱ dukki ɓu̱ Kayinu mbaari. Shir wanangang saki tu̱ gwa dlu̱r she Magham nu̱ ɗyine chin nu̱ dambi, nu̱ke Magham wa dlu̱ sadke ɓaranang. Aa nu̱ke Khabila wa mu̱ɗi, yang a ɓalar ma ɓar meeni ku̱me maito ɓaran.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

Yibraniyeku 7:22

Yesu wa kha ma nu̱ wuti alqawar nu̱ dukki mbaari nu̱ ku̱nshe ku̱mndar nang shwat.

Yibraniyeku 8:13

Nu̱ ku̱nshe qar alqawarang, “Mewakandang” wa gaɓ ndu̱ nu̱ gumapaalyang tu̱ kha gu̱maran ɗo. Yang tu̱k ɗyin zhu, nu̱ gu̱maki tu̱k, ka su̱ya ɓu̱ shoɓ ɓa.

Yibraniyeku 8:6

Yang leendang wa vu̱r tlu̱nar kuru nu̱ dukki ɓaanda mbaari ye Yesu, ba nu̱ke alqawar nu̱ Yesu chingki nu̱ chele ɓu̱ Magham ndu̱ nduki. Alqawar taɗakandi nang wa duk mbaari ku̱me shir nda nu̱ ɗyine alqawar mbarkandi.

Yibraniyeku 8:8

Yang Magham wa na zop ɓu̱ nduki ɓaran nu̱ zu̱ki za, “Nga zu̱ran ye nu, sarchi a nje a ɓari, nu̱ke ngga daasaki alqawar mewakandi ndu̱ nduki Israila ndu̱ Yakhuda.

Yibraniyeku 9:15

Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.

Yibraniyeku 9:19

Qu̱rse Musa wa zu̱ ɗyi nu̱ke a mbu̱ bibitang ye ndukyang kap, tu̱ da tom ɓu̱ ye dleeku ndu̱ gunoku, tu̱ longga ndu̱ ɗyimi. Kom tu̱ da ndoɗyir khisop su̱yen ndu̱ wulu vyangndi tu̱ batl tomang nu̱ ɗyin lagarkati Bibitang ndu̱ ɗyine ndukyang kap.

Yibraniyeku 9:21

Tu̱ batl tomang nu̱ ɗyine shekhɗekhang, kom ndu̱ ɗyiku nu̱ka shiki tlu̱nar si.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.