Yibraniyeku 12:23 - Mewar Alqawarang

²³ Tun a ɓakya she tabar ɓu̱ nu̱ mbu Yesu ku, gomirku ɓaran, nu̱ bu̱laki dlu̱m wor nu̱ mbu̱ viɗi. Tun a ɓakya she Magham nu̱ke chin nu̱ kumar aaki, ndu̱ jiimbi nduki nu̱ dambi nu̱ gaɓki ndu̱ wor tu̱ kha nyeedlan ku.

Yibraniyeku 12:23 ပူးပေါင်းရင်းမြစ်များ

Luka 10:20

Yang kap ndu̱ nang, shi nu kashar ku̱me khu̱kheetikwang tu̱kto nu ɓa. Shi ma kashari ku̱me dlu̱monu a nje bu̱laran mbu̱ viɗi ma viiri nu̱ zhena.”

Yokhana 5:27

Wa vu̱r zalale kumar yenda tu̱k ku̱me ɗya Yi ɓu̱ nduku.”

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

1 Korintiyeku 13:12

Aa nu̱ke leendang chem a na shipar ɗyikwang wa mbu̱ ɗye nar nu̱ke vu̱lu̱ng vu̱lu̱ng, yang ye fu̱ɗaran chem ka na yiti ndu̱ yiti. Leendang zu̱ndi ɓanga shel ɓa, yang ye fu̱ɗar nang ngga zu̱n maɗyi ba wa nu̱ Magham zu̱nki nga.

1 Korintiyeku 15:49

Yang ba wa nyem daki shipar ɓu̱ njif nu̱ shiki nda ndu̱ kalau nang, chem ka da shipar ɓu̱ njif nu̱ ɗa ɓa ki viɗang tu̱k.

1 Korintiyeku 15:54

Sarchi nu̱ke manvar nu̱ka mu̱tlkyang mbu̱mki tu̱ kha nu̱ka mu̱tl ɓa, man var nu̱ka mu̱tki nang tu̱ kha nu̱ka mu̱t ɓa. Ɓalar nu̱ke a nje bu̱laran nang ka ɓaa khan si ye sarchi ni, nu̱ zu̱ki za, “Wa ɗu̱ka mu̱ti ɓara, wa ra nda.

2 Korintiyeku 5:8

Chem wa maita shwat yang nga zu̱ran ye nu, chem wa shim ku̱ shakh mi ndu̱ man vaarem nang ma ku̱ kha mi gha su̱yen ndu̱ Zhinerem gwaanji mbu̱ viɗi.

Afiseku 1:22

Magham wa sa aa nu̱m tu̱ khan mbu̱ saari Masiya, wa sa nda ma nu̱ kwaaɗar ɗyine aa nu̱m kap, tu̱ kha ma dle gume ɓu̱ aa nu̱m ye tabar ɓu̱ nu̱ mbu Yesu ku.

Filipiyeku 4:3

Tun, nyeezaku mbu̱ tlu̱nar nang nu̱ shir zhire, nga khutonu ku̱ shaata nu nusuku nang, ku̱me wa shi tlu̱nar ku maɗyi su̱yen ndu̱ nga mbu̱ tlu̱nar wopar Labar Mbarkandang. Wor ndu̱ Ku̱lemen ndu̱ ɓeeni nduki nu̱ke a tlu̱nar su̱yen ndu̱ nga, wor nu̱ke dlu̱m wor a nje bu̱laran mbu̱ Lagarkati Nyifiri.

Kolosiyeku 1:12

Tun ki kuna Magham Zhinkirang ye aa nyi sarchi, ku̱me chin saki chem khan chele nduki nu̱ke a ma gwa ɗye mbu̱ ge mbu̱ ɗyiku nu̱ daasaki ye nduki ɓaran, mbu̱ kwaaɗar ɓu̱ yarangi.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

1 Timoti 3:5

(Ku̱me mbu̱ nduk nu̱ ɗu̱ma khuɓ rafti ɓaran ɓa, ɗa ka ɗu̱ma khuɓ Tabar ɓu̱ nduki ɓu̱ Magham kikimndana?)

Yibraniyeku 11:4

Maito saki tu̱ Khabila vu̱r sadke ye Magham nu̱ dukki ɓu̱ Kayinu mbaari. Shir wanangang saki tu̱ gwa dlu̱r she Magham nu̱ ɗyine chin nu̱ dambi, nu̱ke Magham wa dlu̱ sadke ɓaranang. Aa nu̱ke Khabila wa mu̱ɗi, yang a ɓalar ma ɓar meeni ku̱me maito ɓaran.

Yibraniyeku 11:40

Magham wa daasa ɗyi nu̱ dukki mbaari yerem. Kope chem a su̱yen ka khaki ku nyeedlan.

Yibraniyeku 2:12

Wa zu̱ ye Magham za, “Ngga wopa Dlu̱mor ye nyeeza, ngga khamdo ro mbu̱ tabar nduki.”

Yibraniyeku 9:27

Ba wa nu̱ du̱nki ye aa nyi nduku ku̱ mu̱t sar da, qu̱rsan tu̱ Magham kuma nda,

Yaqub 1:18

Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.

1 Biturus 2:23

Sarchi nu̱ nduki pu̱zki nda, nu̱ nggam ye wor ɓa; Sarchi nu̱ zaki bonye, nu̱ zu̱ za chin ka dli gaɗe ni ɓa. Wa dla varan nu̱ ve Magham nu̱ kumar zhire.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.

Ɗyin mbu̱ tukari 14:4

Nduki nang ke nduki nu̱ke nu̱ su̱bu̱r var wor nu̱gha nu̱ ku̱nshe qaandi ndu̱ nusuku ɓa, wa shi khar shakhshakhndi ku. Wor kya mbu Ye gamndang a ɗu̱kya fu̱n. Wor nang a masa wor mbe yi ɓu̱ nduki, wor khaki wa boote dam nu̱ zu̱nki gumapaali mbu̱ dam nu̱ka vu̱rki ye Magham ndu̱ Ye gamndang.

Ɗyin mbu̱ tukari 20:15

Kap njif nu̱ke dlu̱man a nje mbu̱ Lagarkati Nyifiri ɓa, wa mbukti nda nu̱ mbu̱ giɗim ɓai.

Ɗyin mbu̱ tukari 6:11

Wa vu̱r lukti ɓongndi ye aa nyi da chele ɓaanda. Tu̱ ze wor za ku̱ ku̱rsa ku koɗom, kope wa nyel khang ghofi ɓu̱ nyeezi wor nu̱ tlu̱narku ndu̱ khachin wora nu̱ke ka ɓa shiki pooni tlaghar ɓaandang ye wora wa nyedli.

Ɗyin mbu̱ tukari 6:9

Nu̱ Ye gamndang qu̱nki liɓaran nu̱ qurmundanang, su̱ du̱ku̱lang tang na nyifi ɓu̱ nduki nu̱ tlaghaki wor nu̱gha ku̱me wa wopa ɓalar ɓu̱ Magham ku nu̱ saidu zhire nu̱ chingki nu̱ ɗyinan ku.