Yibraniyeku 12:22 - Mewar Alqawarang

²² Yang tun a ɓakya she Dleng Sikhiyona, she Urshalima nu̱ke a mbu̱ viɗi ghai ɓu̱ Magham nu̱ nyifiri, ndu̱ tabar ɓu̱ nu̱ ru̱ktiku ɓu̱ Magham khang maɗyi a kashar ku.

Yibraniyeku 12:22 ပူးပေါင်းရင်းမြစ်များ

Matta 16:16

Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

Matta 5:35

Aa ndu̱ maa vu̱ghai ku̱me nang ke ɗye du̱ngndi saaran, yang ku̱mnda nu ndu̱ Urshalima ɓa ku̱me nang ke ghai ɓu̱ Kuji Gwaanjang.

Romeku 11:26

Viɗ ɗyine nang Israila kap ka ɗana. Ba wa nu̱ke a nje bu̱laran za, “Nu̱ ɗanar ka ɗa vi Sikhiyona. Ka da zhangndi mburi Magham ɓar mbe zhikankirku ɓu̱ Nyagham.

Romeku 9:26

Yang tu̱ zu̱ tu̱k za, “Ba ye maa nu̱ qaki wor za, ‘Tun nduki ɓang ɓa’ ndang, ka qa wor tu̱k za ‘qusonggi ɓu̱ Magham nu̱ nyifiri.’ ”

Galatiyeku 4:26

Yang ɓu̱ Urshalime nu̱ke a mbu̱ viɗi ɗya maava ɓa yang chin ke manerem.

Afiseku 2:19

Ku̱me nang, tun runggu tu̱k ɓa, tun wa kha ma ye ghaiku su̱yen ndu̱ nduki ɓu̱ Magham, tun qusa mbu̱ rafti ɓu̱ Magham.

Filipiyeku 3:20

Yang chem qusa kwaaɗar mbu̱ viɗi. Chem a bu ɓar ɓu̱ Nu̱ ɗana rem fara mbu̱ viɗi, chin Zhinerem gwaanji Yesu Masiya.

1 Tasalonikeku 1:9

Ku̱me nduki kya zu̱ labar pooni dlu̱r nun shiki yerem, ndu̱ shakhti ɗyinonu nun shiki ndu̱ mu̱lu̱mku, tun gaɓ nu̱ she Magham. Ma ku̱ ghar nu ghai ye Maghamndi zhirekandi nu̱ nyifiri,

2 Timoti 4:18

Zhinkir gwaanji ka lawa nga ɓar mbe aa nyi ɗyi malkandi, ka khutlo nga, tu̱ ɗu̱ ndu̱ nga mbu̱ kwaaɗar ɓaran mbu̱ viɗi. Ku̱ zhaaji kha nda koɗokhsi shwat ɓa! Amin.

Yibraniyeku 10:31

Ɗya ɗye sawa ku̱ nduk nggu̱ɗ nu̱ mbu̱ khar Maghamndi nu̱ nyifi.

Yibraniyeku 11:10

Jiwa a nggu̱t kya ghai nu̱ke buuri sar saaran ndu̱ daasaran ndu̱ njif nu̱ du̱nki ɗya Magham ndu̱ ɗyinan.

Yibraniyeku 11:16

Yang sakya memu̱na wor nu̱ ɗyine ghai nu̱ dukki mbaari, nang ke mbu̱ viɗi, nang ke ɗyi nu̱ saki nu̱ kha ye Magham ma ɗye kawa ku̱ qa nda za Maghamndi ɓaanda ɓa. Ku̱me wa daasa ghai ye wor shwat.

Yibraniyeku 13:14

Ku̱me ghai a nje larji nang nu̱ke za ɓu̱ shi woɗa ɓa ɓa, yang ɓaarem chem sakya yiterem ye ghai nu̱ke a ɓari.

Yibraniyeku 3:12

Nyeezaku, shi ma ɗyi nu̱ke tun ka ɗu̱maki ma ku̱ njif nggur chele ɓaanu nu̱ke solar ndu̱ song maito nu̱ke a mbu̱ memu̱naran ka saki nda tu̱ njig Magham nu̱ nyifi ɓa.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

Yakhuda 1:14

Enok tu̱k, nu̱ke chin ke nu̱ mut ji ɗyin Adamu, Magham wa shi ɓalar nu̱ ku̱nshe nda ɗyine ndukiku nang. Tu̱ zu̱ za, “Nggu̱t ma ɓa, Zhinkir gwaanji a ɓar ndu̱ nduki shakhshakhndi ɓaran aru ku̱na shiga,

Ɗyin mbu̱ tukari 14:1

Tang nggu̱ɗi gumera, tang na Ye gamndang chingndan ɗyine dleng Sikhiyona ndu̱ nduki du̱pu won ndu̱ ɗyin vat qu̱m vat (144,000), wor ke nduki nu̱ bu̱laki dlu̱m Ye gamndang ndu̱ ɓu̱ Zhin nu̱ me guma wora.

Ɗyin mbu̱ tukari 21:10

Tu̱ da nga mbu̱ Jiimba tu̱ ɗu̱ ndu̱ nga ɗyine dleng kirkandi gwaanji, tu̱ wut Urshalima ya, chin Ghai Shakhshakhndi nang a zhurti mbu̱ viɗi she Magham.

Ɗyin mbu̱ tukari 21:2

Tang na Ghai Shakhshakhndi nang tu̱k, chin ke, Urshalima mewakandi, a zhurti mbu̱ viɗi she Magham. Wa daasa nda nu̱ gha wa wonkhar nu̱ke a ma ɓu̱rti mewa nu̱ shiki viri ku̱me zhimen.

Ɗyin mbu̱ tukari 22:19

Mbu̱ yang nduk wa kata ɗyi nggur nu̱gha mbu̱ ɓalar zu̱r ɓu̱ Magham nu̱ke a mbu̱ lagarkati nang, Magham ka da me shakhti ɓaran ɓara mbu̱ ye qu̱far nyifiri, ndu̱ ghai shakhshakhndang. Ba wa nu̱ wutki mbu̱ lagarkati nang.

Ɗyin mbu̱ tukari 3:12

Aaki raki wute ngga gaɓ ndu̱ chin ma zaure mbu̱ rafti ɓu̱ Zhinkir ɓanga. Njif nang ɓu̱ njig ye maaran sar da ɓa. Nga bu̱la dlu̱m Maghamndi ɓanga kom ndu̱ dlu̱m ghai ɓu̱ Maghamndi ɓanga mewar Urshalima, nu̱ke ka ɗa shurki mbu̱ viɗi she Maghamndi ɓanga. Nga bu̱la mewar dlu̱ma nu̱ ɗyine nda tu̱k.

Ɗyin mbu̱ tukari 7:2

Tang na nu̱ ru̱kti ɓu̱ Magham nggur nu̱ ɗa viki ɗokhatla, khubtan ndu̱ yitu̱m ɓu̱ Magham nu̱ nyifi. Tu̱ qa nu̱ ru̱kti ku vatndi nu̱ Magham vu̱rki zalale ye wor ku̱ su̱bu̱r larji ndu̱ ɗyim chitndi nu̱gha nang ndu̱ su̱qur du̱mbu̱rkandi.