Yibraniyeku 12:2 - Mewar Alqawarang

² Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 12:2 ပူးပေါင်းရင်းမြစ်များ

Matta 16:21

Ji ye sarchi nang tu̱ Yesu nggaasi zu̱ran ye nu̱ mburindakwang za, wa ku̱s ɗu̱nji Urshalima. A za nji bonye zum zum mbu̱ khar dlegumeku, ndu̱ kuru rututundi ndu̱ Maalu̱m Taurete kwang, tu̱ tlagha nda nu̱ gha ku, yang ye fu̱ɗar nu̱ kunungan ka ji nu̱ chin viɗi mbe mu̱ti.

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Markus 14:36

A zu̱ran za, “Aba, Zhinkir ɓanga, to kaa ɗu̱ma shi aa nu̱m, do ɗyekhti bonye na ya ɓar ɓa, yang kap ndu̱ nang, shi na shimndi ɓang ɓa, ku̱ shimndi ɓaa khan guma.”

Markus 15:28

Nang ke nyedli ɗyi nu̱ lagarkatang zu̱ki za, “Wa shiga nda nu̱ mbu̱ nu̱ zop ku.”

Markus 16:19

Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.

Markus 9:12

Tu̱ Yesu tlogha ye wor za, “Ɗya zhire annabi Iliya kaɗa ɓa ki dong ma daasa aa nu̱m, yang wa bu̱lan gha tu̱k za Yi ɓu̱ nduka ma za bonye zum zum su̱yen ndu̱ vu̱rti palase yenda yang wanang de?

Markus 9:24

Fan ndu̱ fan tu̱ zhin woyang da su̱quran nu̱ viɗ za, “Ngaa maita, shoto vu̱rti zhire ya!”

Luka 17:5

Kom tu̱ Pudekwang ze Yesu za, “Zhinerem gwaanji, shoto vu̱rti zhire yerem!”

Luka 23:11

Tu̱ Khiridus ndu̱ sojeku ɓaranang wuɗ ndu̱mndi yenda, tu̱ shi maatli ɓalar yenda ku kom tu̱ sa lukti kwaaɗar yenda, kha ndu̱mi, tu̱ gaɓ ndu̱ chin gume Bilatus tu̱k.

Luka 24:26

Alapa nu̱ ku̱s ku̱ Masiya Kuji Datkandi ɓu̱ Magham za bonyeku nang kom ku̱ Magham vu̱r zhaaji ɓaran yenda ɓa goma?”

Yokhana 1:29

Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 12:24

Zhire, nga zu̱ran ye nu, mbu̱ nun kaɓ ye pooni tu̱ mu̱tl ɓa, ka kha ba chin ɗyenda. Yang mbu̱ wa mu̱tli wa ka vu̱r ye pooniku khang.

Yokhana 12:32

Mbu̱ wa da nga ɓar mbu̱ larji ma yir mbu̱ viɗi yang, ngga ɗa dut nduki kap nu̱ sha.”

Yokhana 13:3

Yang Yesu wa zu̱n Magham wa sa aa nu̱m nu̱ mbu̱ kharan. Wa zu̱n chin a vi she Magham, yang chin a gaɓti nu̱ she Magham.

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Yokhana 8:56

Zhinonu Yibram wa kasha nar sarchi ɓanga maɗyi, yang wa na tu̱ kasha.”

Tlu̱nar ɓu̱ Pudeku 2:36

“Ku̱me nang, bu ku̱ Israila kap zu̱n nu̱ ɗyine chin Yesu nun katlki nda gha nang, Magham wa gaɓ ndu̱ chin ma Zhinkir gwaanji ndu̱ Masiya shwat.”

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

1 Korintiyeku 1:18

Labar mu̱ti ɓu̱ Yesu ɗyin qu̱far kaatlang ɗya ɓalar bamndi she nduki nu̱ saghaki, yang she rem, chem nyem ɗanaki, labar mu̱ti ɓu̱ Yesu ɗyin qu̱far kaatli ɗya zalale ɓu̱ Magham.

1 Korintiyeku 1:23

Yang ɓaarem chem a wopakya labar ɓu̱ Masiya nu̱ mu̱tki me qu̱far kaatli, ɗyi nu̱ khaki ma ɗye ji sar ye Yakhudeku, tu̱ nduki nu̱ke ɗya Yakhudeku ɓa da ku ma me nggu̱bu̱ng.

Afiseku 2:16

Wa tlaɗ chele ɓu̱ pooni nduki rapndi nang ndu̱ Magham, ma ku̱ kha ma man var da. Shi nang nu̱ ku̱nshe mu̱ti ɓaran ɗyin qu̱far kaatlang, nu̱ke wa fet zhangndi nu̱ shakki chele ɓaanda zhu tang ndang ɓara.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

Filipiyeku 1:6

Nga maita nu̱ ɗyine chin nu̱ nggaki su̱ tlu̱nar mbarkandi chele ɓaanu nang, ka zu̱m guma ndu̱ shiran ma yir ve lauɗar san ye Fu̱ɗar nu̱ke Masiya Yesu ka ɗa gaɓki.

Filipiyeku 3:20

Yang chem qusa kwaaɗar mbu̱ viɗi. Chem a bu ɓar ɓu̱ Nu̱ ɗana rem fara mbu̱ viɗi, chin Zhinerem gwaanji Yesu Masiya.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Yibraniyeku 1:13

Magham zu̱kya ye nyi nu̱ ru̱ktiku ɓaran za, “Khon ve ɗyin bu̱na nu̱ zu̱ma kope nga sa nu̱ kare ku ndu̱ to tu̱ kha ma ɗye khatli mbu̱ saaro ra?”

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 10:14

Ku̱me sadke dandi nang, wa gaɓ ndu̱ nduki nu̱ wakaki wor nu̱gha tu̱ kha nyeedlan ku koɗokhsi ɓa.

Yibraniyeku 10:33

Fu̱ɗar nggur nduki a pu̱zo nu ye dalangi, a vu̱r bonye ye nu, yang ye sarchi ngguri tun wa ka gonta ɗyinonu ndu̱ nduki nu̱ke a za pooni bonyeku nang.

Yibraniyeku 11:36

Tu̱ ɓeenan za maatli ɓalarku ndu̱ kurpi, tu̱ gu̱n ɓeenan gha ndu̱ yakhli, tu̱ mbuk ɓeenan nu̱ mbu̱ zhaaru̱m.

Yibraniyeku 12:3

Nggu̱t ma njif nu̱ shiki kanaɗyi ndu̱ zhangndi nu̱ ni solarku shiki yenda nang, ma ku̱ nggum nu tun fet memu̱na nu ɓar ɓa.

Yibraniyeku 13:13

Ku̱me nang vi mi ma yir she nda qu̱rsi ghayi, ndu̱ dar pooni wuti katar nu̱ daki.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

Yibraniyeku 7:19

(Jiwa bibitang ɓu̱ ɗu̱ma sa ɗyi nggur tu̱ kha nyeedlan ɓa). Nang ke ɗyi nu̱ saki tu̱ daasa ɗyi nu̱ dukki mbaari nu̱ke chem ka saki memu̱na rem nu̱ ɗyinan ma ku̱ song mi nu̱ bing ndu̱ Magham.

Yibraniyeku 8:1

Kap ɗyi nu̱ke chem a zu̱ran nang chin ke gorkir kuru a nje khaarem nu̱ke a nje kharan bu̱n zu̱ma ɓu̱ zhakhɗye kwaaɗar ɓu̱ Nu̱ Gorkirang far viɗi.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Yaqub 2:1

Nyeezaku, ndola nu njif nggur tu̱ duk njif nggur chele ɓaanu ɓa, nu̱ke tun wa maita Zhinerem gwaanji Yesu Masiya, nu̱ke chin ke nu̱ zhaaji.

1 Biturus 1:11

Wa shim ku̱ zu̱n nda sarchi nu̱ke ɗyi nang ka shiki, kom ndu̱ ɗa ka shi kikimndana. Ye sarchi nu̱ Jiimbi ɓu̱ Masiya shiki ɓalar mbu̱ memu̱na wora, a wut bonye nu̱ke Masiya ka zaki kom ndu̱ zhaaji nu̱ke a ma vu̱rtan yenda qu̱rsan.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.

Yakhuda 1:21

Ku̱ kha man mbe ndolar ɓu̱ Magham, tun a bu ɓar ɓu̱ Zhinerem gwaanji Yesu Masiya nu̱ke mbu̱ ɗaanar ɓaran ka ɗu̱ ndu̱ tun mbu̱ nyifi nu̱ke nu̱ka shi woɗa ɓa.

Ɗyin mbu̱ tukari 1:11

Tu̱ su̱qurang zu̱ za, “Bu̱lo ɗyi no naki nu̱ mbu̱ lagarkati ɗyikhlakandang, to ru̱k ye tabarku ɓu̱ nu̱ mbu Yesu ku nu̱ mbu̱ ghai mutndang. Wor ke, tabar nu̱ Afisa, ndu̱ nu̱ Su̱mirna, ndu̱ Pagamum, ndu̱ Tiyatira, ndu̱ Sardis, ndu̱ Filadelfiya, kom ndu̱ nu̱ Laudikiya.”

Ɗyin mbu̱ tukari 1:17

Nang naki nda tang nggu̱ɗ nu̱ gume nda wa nga mu̱tan. Tu̱ yang sa kharan nu̱ zu̱ma nu̱ ɗyina, tu̱ zu̱ za, “Tu̱k na sawa ɓa. Nga ke nu̱ gumapaali, nga ke nu̱ gana.

Ɗyin mbu̱ tukari 1:8

“Nga ke Alfa, Nga ke Omega,” Zhinkir gwaanji Magham zu̱ki nang, “Chin nu̱ke a leendang, nu̱ke a zhu, nu̱ke a ɓari, nga ke nu̱ zalale aa nu̱m kap.”

Ɗyin mbu̱ tukari 2:8

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Su̱mirna no za, Wonji ɓalarku nu̱ ɗa viki she njif nu̱ke chin ke nu̱ gumapaali ndu̱ chin kya gana, chin mu̱tki tu̱ gaɓ tu̱ kha ndu̱ nyifiri.