Yibraniyeku 12:14 - Mewar Alqawarang

¹⁴ Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

Yibraniyeku 12:14 ပူးပေါင်းရင်းမြစ်များ

Markus 9:50

“Dleeru ɗya ɗyi mbarkandi, yang mbu̱ dleeru wa mbu̱ɗ mu̱ndi ɓaran, nduk ka gaɓ ndu̱ nyeeri ɓaran kikimnda? Kha ma nu̱ dleeri mbe nu̱, tun kha mu̱n ndu̱ yen.”

Luka 1:75

Ku̱me khami shakhshakh ndu̱ jeembu mbu̱ khar viti ɓaarem kap.

Romeku 12:18

Shi ma ɗyi nu̱ke tun ka ɗu̱maki kap, mbu̱ ka shi, tun kha mu̱n ndu̱ aaki.

Romeku 14:19

Ku̱me nang ku̱ shi mi ɗyi nu̱ke chem ka ɗu̱maki shiran ma a ɓa mi ndu̱ khar mu̱nkandi ndu̱ par du̱mbu̱r ye yen.

Romeku 6:22

Yang leendang wa dli ɗyinonu, tun lawa mbe sola, tun wa kha ma maaviku ɓu̱ Magham. Boote ni chin ke tun wa kha wakaran, yang tun ka gwa nyifi nu̱ke ɓu̱ shi woɗa ɓa ku̱men.

1 Korintiyeku 1:10

Nga khutonu, nyeezaku, ku̱me Zhinerem gwaanji Yesu Masiya, tu̱ ɓalar ɓaanu kha da. Ku̱ ɗyinonu kha shakhtan ɓa, tun gonta ɗyinonu ye maa da, tu̱ ɗyi nun ku̱rki ndu̱ kwaari ɓaanu kha da.

1 Korintiyeku 13:12

Aa nu̱ke leendang chem a na shipar ɗyikwang wa mbu̱ ɗye nar nu̱ke vu̱lu̱ng vu̱lu̱ng, yang ye fu̱ɗaran chem ka na yiti ndu̱ yiti. Leendang zu̱ndi ɓanga shel ɓa, yang ye fu̱ɗar nang ngga zu̱n maɗyi ba wa nu̱ Magham zu̱nki nga.

2 Korintiyeku 6:17

“Ku̱me nang shakh ma ɗyinonu nu̱ nduki nu̱ke ɗya nu̱ mbu Zhinerem gwaanji ku ɓa, tun shakh ɗyinonu ndu̱ wora Zhinkir gwaanji zu̱ki. Ku̱ su̱ɓa nu ɗyi nu̱ke zopan ɓa, ngga dlu̱ronu ku̱men.”

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Galatiyeku 3:21

Yang ɗa, Bibitang a zhang yen ndu̱ alqawar ɓu̱ Maghamang mu? Ɗyen wanang shwat ɓa! Mbu̱ tu̱ga aa ɓa ndu̱ Bibiti nu̱ka vu̱rki nyifiri ye nduki, tu̱ga nduk ka gwa dambi ɓu̱ Magham nu̱ ku̱nshe mbu Bibitang.

Afiseku 5:5

Tun wa zu̱n nu̱ ɗyine shwat, nu̱ zawa, ndu̱ nu̱ tlu̱nar zop, ndu̱ me khape (nu̱ke chin ndu̱ nu̱ ghaari ghai ye mu̱lu̱m da ku), ɓu̱ gwa maa mbu̱ kwaaɗar ɓu̱ Masiya ndu̱ ɓu̱ Magham, sar da ɓa.

Filipiyeku 3:12

Nang zu̱ nga za nga khu̱l ye maa nu̱ shipaki ku̱ khu̱l nga ɓa, yang nang kha nyeedlan zum ɓa, nga zhangkya vara ma ku̱ gwa nga tang shi loobo, ku̱me Masiya Yesu wa woɗa shiga nga nu̱ mbu̱ ɓaran.

1 Tasalonikeku 3:13

Bu ku̱ Magham vu̱r shokhku̱rokh memu̱nar ye nu tun kha waare zop, shakhshakh gume nda nu̱ke chin ke Zhinerem, ye fu̱ɗar nu̱ke Zhinerem gwaanji Yesu ka ɗa gaɓki su̱yen ndu̱ nduki ɓaran shakhshakhndi ku.

1 Tasalonikeku 4:7

Nu̱ Magham qa rem ma ku̱ kha mi ma nu̱ zopku ɓa, qa rem ma ku̱ kha mi shakhshakh.

1 Tasalonikeku 5:15

Nggu̱t ma mbari ku̱ aaki dli gaɗa ye mu̱dlen ku̱me wa mu̱na nda ɓa, tun vu̱r vaanu ye shir mbarkir ye yen ndu̱ ɓeena nduki kap.

1 Timoti 6:11

Yang to njif ɓu̱ Magham, shokh ɗyinor ndu̱ ɗyiku nang, to sa ɗyinor ma laɓ ɗyi toropndi, ndu̱ khar viti nu̱ke Magham a shimndan, ndu̱ maito ndu̱ ndola, ndu̱ sar memu̱na mbe kaɗanyi, ndu̱ ɗu̱bar memu̱na.

2 Timoti 2:22

Ɗo shimndi ɗyiku malkandi ku bam bamndi nu̱ me woi, to sa ɗyinoro ma laɓ dambi ndu̱ maito ndu̱ ndola, ndu̱ qaandi memu̱na, su̱yen ndu̱ nduki nu̱ke a qa Zhinkir gwaanji ndu̱ memu̱nar shakhshakhndi.

Yibraniyeku 12:10

Zhinerem ku wa ka wurerem me sarchi koɗomma ve njiv nu̱ naki ku wa duk mbaari, yang Magham ka wurerem ma boote ɓaarem, ma kha mi shakhshakh wa chin.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

1 Biturus 3:11

Ku̱ shakh ɗyinan ndu̱ mu̱na, tu̱ shi mbarkiri, tu̱ laɓ qaandi memu̱na tu̱ wuta gwaran.

1 Biturus 3:13

Yang mbu̱ tun a sa ɗyinonu ma tlu̱nar ɗyi nu̱ke mbarkandi, ki ka ɗu̱maki shi ɗyi nggur ye nwa?

2 Bitu̱rus 3:11

Yang nu̱ke ka ɓa su̱ya ɗyiku nang nu̱gha kap wanang, shipa ku̱ khar ɓaanu kha kikimndana? Shi ma khar viti shakhshakhndi, tun vu̱r vaanu ye sawar Magham mbe aa nu̱m.

2 Bitu̱rus 3:18

Me ɓu̱ nang, tun ki gwaari mbe mu̱nkir ndu̱ zu̱ndi Zhinerem gwaanji Yesu Masiya Nu̱ Ɗana rem, tun gwa shaatar mbe zu̱ndi nda aa nyi sarchi. Ku̱ zhaaji kha nda leendang nu̱ aakochi koɗokhsi ɓa. Amin.

3 Yokhana 1:11

To rapta nu̱ke nga ndolaran, mbu na maatli khali ɓa, me ɓu̱ nang, shi tlu̱nar mbarkandi. Nu̱ shir ɗyi mbarkandi ɗya ɓu̱ Magham. Yang nu̱ shir ɗyi malkandi nu̱ zu̱n Magham sar da ɓa.