Yibraniyeku 11:7 - Mewar Alqawarang

⁷ Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

Yibraniyeku 11:7 ပူးပေါင်းရင်းမြစ်များ

Matta 2:12

Tu̱ gaɓ nu̱ mbu̱ ghai ɓaanda ve njiv nggur zu̱mndi, ku̱me Magham wa wu wor mbu̱ zhine za ku̱ gaɓ nu̱ she Khiridus ɓa.

Matta 24:15

“Mbu̱ tun wa na tlu̱nar malkandi nu̱ ɗye zhaane, nu̱ annabi Daniyel zu̱kya chingndan ye ma shakhshakhndang (ku̱ nu̱ nggu̱ti ye chiti nang da mban.)

Matta 24:25

Yang ngaa ze nun gha nu̱ ɗawi.

Matta 24:38

Me ku̱ ɗyim bu̱rbu̱rang a ɓa, nduki a zu̱mndi, ndu̱ zari, a ɓu̱rti ku a ɓu̱rtan ɓara ma yir sarchi nu̱ Nukhu viki nu̱ mbu̱ du̱mbu̱lang.

Matta 3:7

Yang nu̱ Yokhana naki Pariseku ndu̱ Sadukeku khang a ɓar she nda ma ku̱ shi baptisme ye wora, tu̱ ze wor za, “Tun ye ghu̱ɓtiku! Kya wuuki nu za ɗa nu shokhnar ɓu̱ Magham nu̱ke a ɓara na?

Luka 17:26

“Ba wa nu̱ shiki mbu̱ qaandi virkir ɓu̱ annabi Nukhu, ka shi wanang tu̱k sarchi nu̱ke Yi ɓu̱ nduk ka ɗa gaɓki.

Romeku 1:17

Jiwa chin wutki dambi na viki she Magham, yang nduk ka gwa dambi nang nu̱ ku̱nshe maitaran vu̱ nggarsan ma yir she lauɗarsan. Ba wa nu̱ke a nje bu̱laran za, “Nu̱ dambi, ka ɗana mbe maito ɓaran.”

Romeku 10:6

Yang wonji ɗyi nu̱ Bu̱lar ɓalar ɓu̱ Magham zu̱ki ɗyine gwar khar waare sola nu̱ ku̱nshe maito, “Zu̱ na mbu̱ memu̱na no za, ‘Ki ka dlaki nu̱ viɗa?’ ” (Ma ku̱ ɗa zhur ndu̱ Masiya).

Romeku 3:22

Chin dambi nu̱ka ɓa ki she Magham nang, nduki nu̱ maitaki kap ka gwa nu̱ ku̱nshe maito mbe Yesu Masiya. Nduk a nje nu̱ khaki zum ɓa,

Romeku 4:11

Ye sarchi nu̱ shiki ɓalar dlarsi yendang, shi ma ku̱ kha ma saidu dambi nu̱ gwaki ku̱me maito ɓaran, ku̱me sarchi ni san dlaran ɓa ɗo. Ku̱me nang Yibram wa kha ma zhinkir ɓu̱ nduki nu̱ maitaki Magham, nu̱ daki wor ma nu̱ dambu, aa nu̱ke nu̱ dla su̱ wor nu̱gha ɓa.

Romeku 4:13

Alqawar nu̱ shiki ye Yibram ndu̱ zhikankirku ɓaran nu̱ gana za ka zu̱m ɗye mbu̱ ge larji ku, Ai, shi nu̱ ku̱nshe Bibitang ɓa, shi alqawarang nu̱ ku̱nshe dambi nu̱ke nduk ka gwaki nu̱ ku̱nshe maito.

Romeku 9:30

Yang chem ka zu̱ nyem za nu̱m ɗo? Nduki nu̱ke ɗya Yakhudeku ɓa nu̱ laɓ khar ma nu̱ dambu gume Magham ɓa, yang tu̱ gwa ku. Khar ma nu̱ dambu gume Magham nu̱ gwaki ku nang, ɗya pooni khar dambi nu̱ke nduk ka gwaki nu̱ ku̱nshe maito.

Galatiyeku 5:5

Yang ɓaarem, chem wa sa memu̱narem nu̱ ɗyine Magham ka sa chem gwa khar waare sola gume nda. Nang ke ɗyi nu̱ke chem a buran nu̱ ku̱nshe Jiimbi shakhshakhndi nu̱ke a tlu̱nar mbe maitar Masiya nyem shiki.

Filipiyeku 3:9

tang khan mbe nda tu̱k. Yang ku̱me dambi ɓang mbe mbu Bibiti ghaari ghai ɓa, kope nu̱ ku̱nshe dambi nu̱ nduk ka gwaki nu̱ ku̱nshe maito mbe Masiya, nang ke dambi nu̱ke nduk ka gwaki she Magham mbe maito.

Yibraniyeku 11:1

Maito ke zu̱ndi zhire ɓu̱ ɗyi nyem saki memu̱na rem nu̱ ɗyinan, ɗya maitar ɗyi nu̱ke yiterem nu̱ na ɓa.

Yibraniyeku 12:25

Ku̱r ma vaanu ɗo zhang nu njif nu̱ke a ɓalarang gha ɓa. Zu̱n man gha nu̱ ɗyine, mbu̱ nduki nu̱ zhangki nduki nu̱ wuki wor mbu̱ larji nang nu̱ lawa ku ɓa, chem ɗa! Chem ka lawa mbu̱ khar njif nu̱ke a wurerem mbu̱ viɗi kikimndana?

Yibraniyeku 5:7

Sarchi nu̱ke Yesu a mbu̱ larji, wa shi bararku ndu̱ khutiku ndu̱ ghoori ndu̱ ɗyim ghoori maɗyikandi. Wa shi bararku ɓaran ye Magham nu̱ke ka ɗu̱maki lawa nda ɓar mbe mu̱ti. Ku̱me ɗya nu̱ vu̱rti gorki mbe sawar Magham, tu̱ Magham tlogha su̱ barar ɓaran.

Yibraniyeku 8:5

Yang kuruku nang ka shi tlu̱nar ɓaanda mbu̱ Kib shakhshakhndi nu̱ke chin ke shipar jiimbi nu̱ke a viɗi. Ku̱me sarchi nu̱ke Musa a ma za shekhɗekh nu̱ke Magham ka khaki mban nang, wa wu nda za, “To shi aa nu̱m tu̱ kha ba wa shipar nu̱ wutki yor ɗyin dlengang.”

1 Biturus 3:20

Nang ke jiimbiku nu̱ mbu̱ zhaaru̱m nu̱ zhangki mbu zu̱r ɓu̱ Magham gha zhu ye sarchi ɓu̱ Nukhu. Aa nu̱ke Magham wa shi kaɗanyi ye sarchi nu̱ke Nukhu a khu̱ɓ du̱mbu̱lang. Ba nduki koɗom ɗanaki mbu̱ du̱mbu̱lang ye sarchi ni, nduki miyasi lawaki mbe ɗyimang.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

2 Bitu̱rus 2:5

Yang tu̱k mbu̱ Magham nu̱ njig nduki nu̱ mbu̱ larji nu̱ shiki mu̱nar ku zhu ɓa. Tu̱ tlagha wor nu̱gha nu̱ ku̱nshe bu̱rbu̱r gwaanji ku̱me nu̱ mbu zu̱r ɓaranku ɓa. Tu̱ yang ɗana kya Nukhu nu̱ waazu dambi su̱yen ndu̱ nduki mut.

2 Bitu̱rus 3:6

Yang ɗyim ku nang tu̱k su̱yaki larji naandang, ye sarchi nu̱ bu̱rbu̱r gwaanji nang a ɓa ki tu̱ zu̱m du̱mbu̱r ɓaran.