Yibraniyeku 11:6 - Mewar Alqawarang

⁶ Nduk ɓu̱ gwa dlu̱r she Magham waare maito ɓa, ku̱me wa ku̱s ku̱ njif nu̱ songki bing ndu̱ Magham maita nu̱ ɗyine Magham a nje, yang chin ka ɓiiki nduki nu̱ke a laɓ maa nu̱ chin kap.

Yibraniyeku 11:6 ပူးပေါင်းရင်းမြစ်များ

Matta 11:26

Wanang ni Aba, ku̱me nang shiki mu̱n yoro.

Matta 5:12

Shi ma kashari tu̱ memu̱na nu shi ɓong maɗyi, ku̱me ɗye ɓi ɓaanu khang viɗi, aa annabiku na ɓa ki gume nu wa za bonyeku ba wanang.

Matta 6:16

“Mbu̱ tun a zhumti, khanu ndu̱ mbu̱ yitonu zhum wa nu̱ke nu̱ mu̱narkwang ka shiki ɓa. Wa ka su̱bu̱r mbu̱ yiti wor nu̱gha ma ku̱ nduki zu̱n za wora zhumti. Zhire nga zu̱ran ye nu, wa woɗa dlu̱ ɗye ɓi ɓaanda.

Matta 6:33

Yang ɗyi gwaanji nu̱ gumapaali nang ke gang ma kwaaɗar ɓu̱ Magham ndu̱ shir shimndi ɓaran, ɓeena ɗyikunang kap ka shaata ye nu nu̱ si.

Matta 6:5

“Yang tu̱k, mbu̱ tun a ma bara, shi nu wa nu̱ mu̱nar ku nang ɓa. Wa ka shim shi bararku ye maa tabar ɓaanda chingndan ndu̱ yiti njivku ma ku̱ nduki na wora. Zhire nga zu̱ran ye nu, wa woɗa dlu̱ ɗye ɓi ɓaanda.

Markus 16:17

Yang ɗye saiduku nang ka mbu nduki nu̱ maitaki nga. Ka fet khu̱kheeti malkandi ku ɓar mbu̱ dlu̱ma. Ka ɗu̱ma ɓalarku ndu̱ mewar me ghaiku zum zum.

Luka 12:31

Kuzhom sa nu memu̱na nu nu̱ ɗyine kwaaɗar ɓu̱ Magham, yang tun ka gwa ɗyiku nanga kap.

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 8:24

Nang ke ɗyi nu̱ saki tang ze nu̱ nga za, tun ka mu̱ɗ mbu̱ solar ɓaanu. Ku̱me mbu̱ nun maita za nga ke njif nang zu̱ki ye nu Nga ke chin na ɓa, tun ka mu̱ɗ mbu̱ solar ɓaanu.”

Romeku 10:14

Yang wor ka qa njif nu̱ke nu̱ wor maita nda ku ɓa ma ku̱ shaata wor ɗa kikimndana? Ka shi kikimndi tu̱ wor maita njif nu̱ke nu̱ wor tu̱k labar ɓaran ɓa nda na? Yang ka tu̱k ku kikimndana, mbu̱ nduk a nje nu̱ke ka shiki waazu ye wor ɓa?

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Yibraniyeku 11:26

Nu̱ke wa sa memu̱naran nu̱ ɗyine ɗye ɓi nu̱ke a guma, tu̱ da bonye nyin zaki ku̱me Masiya ma ɗyi mbarkandi nu̱ dukki gu̱nar nu̱ke a mbu̱ ghai Masar.

Yibraniyeku 3:12

Nyeezaku, shi ma ɗyi nu̱ke tun ka ɗu̱maki ma ku̱ njif nggur chele ɓaanu nu̱ke solar ndu̱ song maito nu̱ke a mbu̱ memu̱naran ka saki nda tu̱ njig Magham nu̱ nyifi ɓa.

Yibraniyeku 4:2

Jiwa chem wa woɗa tu̱k Labar Mbarkandang ba wa nu̱ tu̱kki ku. Yang Labar mbarkandi nu̱ tu̱kki kwang nu̱ boota wor sar da ɓa, ku̱me nu̱ dlu̱ ku su̱yen ndu̱ maito ɓa.

Yibraniyeku 4:6

Yang zalale a nje leendang ye nduki ma ku̱ gwa maasang ku. Nduki nu̱ tu̱kki Labar mbarkandi nu̱ ɓalar maasi nang zhu nu̱ gwa maasi kwa ɓa, ku̱me nu̱ maita ɓalarang ku ɓa.

Yibraniyeku 7:19

(Jiwa bibitang ɓu̱ ɗu̱ma sa ɗyi nggur tu̱ kha nyeedlan ɓa). Nang ke ɗyi nu̱ saki tu̱ daasa ɗyi nu̱ dukki mbaari nu̱ke chem ka saki memu̱na rem nu̱ ɗyinan ma ku̱ song mi nu̱ bing ndu̱ Magham.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

2 Bitu̱rus 1:10

Ku̱me nang, nyeezaku, shaata ma kasha wutan nu̱ ɗyine Magham wa qa nu tu̱ daato nu. Mbu̱ tun wa shi wanang tun ɓu̱ nggu̱ɗ sar da ɓa.

2 Bitu̱rus 1:5

Ku̱me nang, tun shi ɗyi nu̱ke tun ka ɗu̱maki shiran kap ma shaata mbarkir nu̱ ɗyine maito ɓaanu. Tun shaata zu̱ndi ɗyiku ɓu̱ Magham nu̱ ɗyine mbarkir ɓaanu.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”