Yibraniyeku 11:32 - Mewar Alqawarang

³² Yang ngga zu̱kya nu̱m tu̱ka? Sarchi khara shi nga ɓala nu̱ ɗyine Gidiyon, ndu̱ Barak, ndu̱ Samson, ndu̱ Jafta, ndu̱ Dauda, ndu̱ Samaila, ndu̱ annabiku ɓa.

Yibraniyeku 11:32 ပူးပေါင်းရင်းမြစ်များ

Matta 5:12

Shi ma kashari tu̱ memu̱na nu shi ɓong maɗyi, ku̱me ɗye ɓi ɓaanu khang viɗi, aa annabiku na ɓa ki gume nu wa za bonyeku ba wanang.

Luka 13:28

“Sarchi nun naki Yibram ndu̱ Yishaku ndu̱ Nyagham ndu̱ annabiku kap mbu̱ kwaaɗar ɓu̱ Magham, tu̱ yang komba nu ɓara, nang ke sarchi nu̱ke tun ka ɓa shiki ghoori ndu̱ ku̱ti dliindi.

Luka 16:31

“Tu̱ Yibram ze nda za, ‘Mbu̱ nu̱ gwa dlu̱mndi wor ye wopar ɓu̱ Musa ndu̱ Annabikwang ɓa, ɓu̱ gwa dlu̱mndi wor ku̱me njif nggur wa ji mbe mu̱ti ɓa.’ ”

Yokhana 21:25

Yang ɓeeni ɗyiku a nje khang nu̱ Yesu shiki, nu̱ke mbu̱ ka bu̱lan gha kap, nga tamandan a larji ɓu̱ ɗu̱ma da lagarkatiku nu̱ke ka bu̱laki ɓa.

Tlu̱nar ɓu̱ Pudeku 10:43

Annabikwang kap wa saida nda za aaki maitaki nda ka gwa yaapar solar ɓaran nu̱ ku̱nshe dlu̱man.”

Tlu̱nar ɓu̱ Pudeku 13:20

Ɗyiku nang shi kap mbu̱ sonyi won vat ndu̱ ɗyin qurmun. “Qu̱rsan tu̱ Magham vu̱r nu̱ kumarku ye wor ma khu̱dli sarchi ɓu̱ annabi Samaila.

Tlu̱nar ɓu̱ Pudeku 3:24

“Annabiku kap, ji ɗyin Samaila ma yir ɗyin annabiku na ɓa ki gana wa shi ɓalarku ɗyine ɗyiku nu̱ shiki mbu̱ qaandiku nang shwat.

Romeku 3:5

Yang nu̱ke tlu̱nar malkandi ɓaarem wa wut za ɗyi nu̱ Magham shikyang torop, chem ka zu̱ nyem za nu̱m ɗo? Mbu̱ Magham wa kuma rem chem ka zu̱ nyem za nu̱ shi torop ɓa mu? (Nang ke pooni konyi ɓu̱ nduku)

Romeku 4:1

Yang chem ka zu̱kya nu̱m ɗyine Yibram, zhikan zhikanerema? Zu̱nkya nu̱m ɗyine ɓalar maito nang ɗo?

Romeku 6:1

Nang chem ka zu̱ nyem za nu̱m ɗo? Zu̱m mi guma ndu̱ sola ma ku̱ mu̱nkir ɓu̱ Magham shaata mu?

Romeku 7:7

Yang ɗa, chem ka zu̱ nyem za nu̱m ɗo? Bibitang ɗya sola mu? Wanang sar da ɓa! Mbu̱ ku̱me Bibitang ɓa, ngga zu̱n ɗyi nu̱ke ɗya sola kikimndana? Mbu̱ tu̱ga nu̱ bibitang zu̱ za, “Shi na melakh ɗyi ɓu̱ njif nggur ɓa” Ai, ngam ɓu̱ zu̱n nu̱m ke melakh ɗyi ɓu̱ njif nggur ɓa.

Yaqub 5:10

Nyeezaku, shoga ma she annabiku nu̱ shiki ɓalar mbu̱ dlu̱m Zhinkir gwaanji. Tun shoga pooni gu̱ndi memu̱nar ɓaanda mbe bonye.

2 Bitu̱rus 1:21

Jiwa ɓalar nu̱ annabiku zu̱ki nu̱ ɗa vi mbe shaandi ɓu̱ nduk sar da ɓa. Jiimbi shakhshakhndi ke nu̱ viri nu̱ mbu̱ memu̱na wora tu̱ sa wor ku̱ zu̱ ɗyiku nu̱ dlu̱ki ku she Magham.

2 Bitu̱rus 3:2

Nga shim ku̱ kor nu ɗyiku nu̱ke annabiku shakhshakhndi nu̱ zhu zu̱ki, kom ndu̱ ɓalar nu̱ Zhinerem gwaanji ndu̱ nu̱ ɗana rem zu̱ki mbu̱ me pudeku nu̱ ɗa ru̱kki nu̱ she nu.