Yibraniyeku 11:26 - Mewar Alqawarang

²⁶ Nu̱ke wa sa memu̱naran nu̱ ɗyine ɗye ɓi nu̱ke a guma, tu̱ da bonye nyin zaki ku̱me Masiya ma ɗyi mbarkandi nu̱ dukki gu̱nar nu̱ke a mbu̱ ghai Masar.

Yibraniyeku 11:26 ပူးပေါင်းရင်းမြစ်များ

Matta 10:41

Aaki dlu̱ki annabi ku̱me ɗya annabi ka gwa barke ɓu̱ annabi, yang tu̱k, aaki dlu̱ki nu̱ jeembu ku̱me ɗya nu̱ jeembu, ka gwa barke ɓu̱ nu̱ jeembu.

Matta 5:12

Shi ma kashari tu̱ memu̱na nu shi ɓong maɗyi, ku̱me ɗye ɓi ɓaanu khang viɗi, aa annabiku na ɓa ki gume nu wa za bonyeku ba wanang.

Matta 6:1

“Ku̱r ma vaanu ma ku̱ shi nu tlu̱nar jeembu ku̱me nar yiti nduk ɓa. Mbu̱ tun wa shi wanang, tun ɓu̱ gwa ɗye ɓi ɓaanu she Zhinonu nu̱ke a mbu̱ viɗi ɓa.

Luka 14:14

Mbu̱ ta shi wanang to ka gwa barka, ku̱me nduki nang ɓu̱ ɗu̱ma ɓi ro ɓa, yang Magham ɗyenda ka ɓa ɓiiki ro fu̱ɗar wuri, nang ke fu̱ɗar nu̱ke Magham ka nakhaki nduki nu̱ jeembu ku mbe mu̱ti.”

Luka 14:33

Wanang tu̱k, njif nu̱ke nu̱ njig ɗyi nu̱ke a kha nda kap ɓa, ɓu̱ kha ma nu̱ mbuuri nga ɓa.

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

2 Korintiyeku 12:10

Ku̱me nang nga kasha tu̱ɓti ɓang, ndu̱ gangndi dakhlar ndu̱ bonye ndu̱ kakanshi nu̱ke nduki a shiran ya ku̱me Masiya. Ku̱me nang khaki nu̱ song du̱mbu̱r nang ke maa nu̱ke ngga khaki ndu̱ du̱mbu̱ri.

2 Korintiyeku 6:10

chem a su̱yen ndu̱ chiti mbu yang ba chem a kashari. Aa nu̱ke chem nungndan, yang chem sa nduki khang tu̱ shi gu̱na. Wa tun kha rem ɓa, yang aa nu̱m kap ɗya ɓaarem.

Afiseku 1:18

Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Filipiyeku 3:7

Yang ɗyi nu̱ khaki ya ma zu̱mndi guma mbu̱r fara, wa kha ya ma asar leendang ku̱me Masiya.

Yibraniyeku 10:33

Fu̱ɗar nggur nduki a pu̱zo nu ye dalangi, a vu̱r bonye ye nu, yang ye sarchi ngguri tun wa ka gonta ɗyinonu ndu̱ nduki nu̱ke a za pooni bonyeku nang.

Yibraniyeku 10:35

Ku̱me nang ku̱ njig nu khar ndu̱ shokhku̱rokh memu̱na ɓa, ku̱me ka ɗa ɓa ndu̱ ɗye ɓiiri gwaanji ye nu.

Yibraniyeku 11:6

Nduk ɓu̱ gwa dlu̱r she Magham waare maito ɓa, ku̱me wa ku̱s ku̱ njif nu̱ songki bing ndu̱ Magham maita nu̱ ɗyine Magham a nje, yang chin ka ɓiiki nduki nu̱ke a laɓ maa nu̱ chin kap.

Yibraniyeku 13:13

Ku̱me nang vi mi ma yir she nda qu̱rsi ghayi, ndu̱ dar pooni wuti katar nu̱ daki.

Yibraniyeku 2:2

Yang mbu̱ke zoɓar ɓalar nu̱ zu̱ki yerem nu̱ ku̱nshe nu̱ ru̱ktiku ɓu̱ Magham, wa ku̱s ma ku̱ nduk mbu, yang aa nyi njif nu̱ zhangki tu̱ktan gha, ndu̱ nu̱ zhangki mburan gha, wa gwa kumar nu̱ shipaki.

1 Biturus 1:11

Wa shim ku̱ zu̱n nda sarchi nu̱ke ɗyi nang ka shiki, kom ndu̱ ɗa ka shi kikimndana. Ye sarchi nu̱ Jiimbi ɓu̱ Masiya shiki ɓalar mbu̱ memu̱na wora, a wut bonye nu̱ke Masiya ka zaki kom ndu̱ zhaaji nu̱ke a ma vu̱rtan yenda qu̱rsan.

1 Biturus 4:14

Aa pu̱zo nu ku̱me dlu̱m Masiya, ai, tun nu̱ barka, ku̱me Jiimbi nu̱ zhaaji, Jiimbi ɓu̱ Magham kharan su̱yen ndu̱ tunu.

Ɗyin mbu̱ tukari 2:9

Nga zu̱n bonyeku nu̱ke ta mban ndu̱ nungndi ɓaaro, yang to gu̱naran (mbu̱ Jiimba). Nga zu̱n pooni su̱bu̱rti dlu̱m nu̱ke nduki nu̱ka qaki vaanda za wor Yakhudeku yang wanang ɓa, ɗya kib ghaari ghai ɓu̱ Sheɗan ku.

Ɗyin mbu̱ tukari 3:18

Nga vu̱r sawari yoro, ku̱ masa na ginarwe sha, ginarwe nu̱ shiɓki nu̱ gha ndu̱ ɓai, ma ku̱ gwa na gu̱nari, ndu̱ luktiku ɓongndi to san ve vaaro ma ku̱ za na kawar ɓu̱ so nu̱ke a nje nggaran nang. Moso kuzhi khaati yiti sha to san ve yitoro, ma ku̱ yitor na maari.