Yibraniyeku 11:16 - Mewar Alqawarang

¹⁶ Yang sakya memu̱na wor nu̱ ɗyine ghai nu̱ dukki mbaari, nang ke mbu̱ viɗi, nang ke ɗyi nu̱ saki nu̱ kha ye Magham ma ɗye kawa ku̱ qa nda za Maghamndi ɓaanda ɓa. Ku̱me wa daasa ghai ye wor shwat.

Yibraniyeku 11:16 ပူးပေါင်းရင်းမြစ်များ

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Markus 12:26

Yang ɗyine ɓalar ɓu̱ jiiri mbe mu̱ti, alapa nun na mbu̱ lagarkati ɓu̱ Annabi Musa ye maa nu̱ Magham shiki ɓalar yenda mbu̱ gaarang de? Sarchi nu̱ke ɓaiyang ku̱ski loghzang, a za, ‘Nga ke Maghamndi ɓu̱ Yibram, ndu̱ Maghamndi ɓu̱ Yishaku, ndu̱ Maghamndi ɓu̱ Nyagham ɓa goma?’

Markus 8:38

Aaki tu̱kki kawar ɓanga, ndu̱ kawar wopar ɓalar ɓanga, mbu̱ qaandi virkir malkandi nu̱ song zhire ndu̱ khang solar kunang. Yi ɓu̱ nduk tu̱k kaa tu̱k kawar ɓaran mbu̱ aa ɓa mbu̱ zhaaji ɓu̱ Zhinkirang ndu̱ ɓu̱ nu̱ ru̱kti ku shakhshakhndi ɓu̱ Magham.”

Luka 12:32

“Shi nu sawa ɓa tun shapir rakhndi, jiwa Zhinonu a kashari ma vu̱r nji kwaaɗarang ye nu.

Luka 20:37

Ɗyine ɓalar jiiri mbe mu̱ti nang, aa Musa ndu̱ ɗyinan wa wuɗ za ka nakha mu̱tiku mbu̱ labar qu̱far nu̱ ku̱ski ɓaiyang. Ku̱me lagarkati ɓu̱ Musa wa qa Magham za, ‘Chin ke Maghamndi ɓu̱ Yibram ndu̱ Maghamndi ɓu̱ Yishaku ndu̱ Maghamndi ɓu̱ Nyagham.’

Yokhana 14:2

Mbu̱ rafti ɓu̱ Zhinkir ɓanga maa khara nje khang. Mbu̱ wanang ɓa tu̱ga nang zu̱ nang ye nu ɓa. Nga yir far ma daasa maari ye nu.

Tlu̱nar ɓu̱ Pudeku 7:32

‘Nga ke Maghamndi ɓu̱ zhikankirku ɓaaro, Maghamndi ɓu̱ Yibram, ndu̱ Yishaku, ndu̱ Nyagham.’ Tu̱ var Musa ki dlu̱rti ku̱me sawa, nu̱ ɗu̱ma nggu̱tan ɓa.

Filipiyeku 3:20

Yang chem qusa kwaaɗar mbu̱ viɗi. Chem a bu ɓar ɓu̱ Nu̱ ɗana rem fara mbu̱ viɗi, chin Zhinerem gwaanji Yesu Masiya.

2 Timoti 4:18

Zhinkir gwaanji ka lawa nga ɓar mbe aa nyi ɗyi malkandi, ka khutlo nga, tu̱ ɗu̱ ndu̱ nga mbu̱ kwaaɗar ɓaran mbu̱ viɗi. Ku̱ zhaaji kha nda koɗokhsi shwat ɓa! Amin.

Yibraniyeku 10:34

Jiwa tun wa na zhiyaye ɓu̱ nduki nu̱ke a nje khiiran zhaaru̱m, tun wa kasha sarchi nu̱ lawaki ɗyin kha nu ɓara, ku̱me tun wa zu̱n nu̱ ɗyine gu̱nar nu̱ dukki mbaari a nje kha nu nu̱ke ɓu̱ shi woɗa ɓa.

Yibraniyeku 11:10

Jiwa a nggu̱t kya ghai nu̱ke buuri sar saaran ndu̱ daasaran ndu̱ njif nu̱ du̱nki ɗya Magham ndu̱ ɗyinan.

Yibraniyeku 11:14

Nduki nu̱ke a pooni ɓalarku nang a wutan ku ye dalang nu̱ ɗyine a laɓ ghai ɓaanda nu̱ ɗyin wora.

Yibraniyeku 11:40

Magham wa daasa ɗyi nu̱ dukki mbaari yerem. Kope chem a su̱yen ka khaki ku nyeedlan.

Yibraniyeku 12:22

Yang tun a ɓakya she Dleng Sikhiyona, she Urshalima nu̱ke a mbu̱ viɗi ghai ɓu̱ Magham nu̱ nyifiri, ndu̱ tabar ɓu̱ nu̱ ru̱ktiku ɓu̱ Magham khang maɗyi a kashar ku.

Yibraniyeku 13:14

Ku̱me ghai a nje larji nang nu̱ke za ɓu̱ shi woɗa ɓa ɓa, yang ɓaarem chem sakya yiterem ye ghai nu̱ke a ɓari.

Yibraniyeku 2:11

Jiwa chin nu̱ saki nduki tu̱ kha shakhshakh, ndu̱ wor nu̱ khaki shakhshakhang, zhin wor da. Nang ke ɗyi nu̱ saki Yesu nu̱ka tu̱k kawar zu̱ran za ɗya nyeezanku ɓa.

Ɗyin mbu̱ tukari 21:2

Tang na Ghai Shakhshakhndi nang tu̱k, chin ke, Urshalima mewakandi, a zhurti mbu̱ viɗi she Magham. Wa daasa nda nu̱ gha wa wonkhar nu̱ke a ma ɓu̱rti mewa nu̱ shiki viri ku̱me zhimen.