Yibraniyeku 11:1 - Mewar Alqawarang

¹ Maito ke zu̱ndi zhire ɓu̱ ɗyi nyem saki memu̱na rem nu̱ ɗyinan, ɗya maitar ɗyi nu̱ke yiterem nu̱ na ɓa.

Yibraniyeku 11:1 ပူးပေါင်းရင်းမြစ်များ

Tlu̱nar ɓu̱ Pudeku 20:21

Nga wu Yakhudeku ndu̱ Gu̱rik ku ku̱ nggoɗ ku mbe solar ɓaanda, ta gaɓ nu̱ she Magham, tu̱ maita Zhinerem gwaanji Yesu.

1 Korintiyeku 13:13

Yang leendang ɗyiku kunungndi nang a nje shwat, wor ke: Maito, sar memu̱nari, ndu̱ ndola, yang chele ɗyi kunungndi nang, ndola dukki gwaari.

2 Korintiyeku 11:17

Ɓalar nu̱ke ngaa zu̱ran nang ngaa zu̱kya ɗyi nu̱ Magham zu̱ki ya ɓa. Wakhti nu̱ke nga san nang nga shiran wa nggu̱bu̱ng.

2 Korintiyeku 4:18

Ku̱me nyem sa yiterem nu̱ ɗyine ɗyi nu̱ke nduki a naran ndu̱ ye yiti wor ɓa, chem a sa kya yiterem nu̱ ɗyine ɗyi nu̱ke nu̱ka shi na ɓa. Ku̱me ɗyi nu̱ke nduki a naranang, ka woɗa ɗau, yang ɗyi nu̱ke nu̱ka shi na ɓa ndang nu̱ka shi woɗa ɓa.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

2 Korintiyeku 5:7

Jiwa chem a shikya khar maito, chem a shikya khar ɗyi nu̱ yiterem naki ɓa.

2 Korintiyeku 9:4

Mbu̱ nga ɓa su̱yen ndu̱ nu̱ mbu Yesu ku nggur nu̱ke a Makidoniya, nang shim ku̱ ɗa ɓa ku tu̱ gwa nu nun daasa vu̱rti ɓaanwang ɓa. Mbu̱ ɗyen wa shi wanang, chem ka tu̱k kawa ku̱me pooni makhtar nang shiki ye nu maɗyi gume worang, yang kawaran ɓang ɗyenda ɓa, kap ndu̱ tun tu̱k.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Yibraniyeku 10:22

Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

Yibraniyeku 10:39

Yang ɓaarem chem a mbu̱ nduki nu̱ ka gaɓki nu̱ gana ma ku̱ su̱ya ɓa, ɓaarem chem a mbu̱ nduki nu̱ka maitaki tu̱ gwa ɗanari.

Yibraniyeku 11:13

Nduki nang kap mu̱t mbe maito ɓaanda. Yang nu̱ dlu̱ ɗyi nu̱ Magham shiki alqawaranang ɓa dong, tu̱ na ɗyi nu̱ke a ɓakh, wa tu̱k mu̱ndi naran ku, tu̱ saida ku nu̱ ɗyine wora khar runggu, wor qusa larji nang ɓa.

Yibraniyeku 11:27

Maito saki tu̱ njig ghai Masar, waare sawar shokhnar ɓu̱ kuji. Tu̱ ching gha shaanggu̱ɗang ku̱me wa na njif nu̱ke nduk nu̱ka na nda ndu̱ yiti ɓa ndang ɓa.

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Yibraniyeku 6:12

Nyem shim kha nu ma tu̱sku̱n ɓa, yang mbu ma ɗyin sari wor nu̱ke nu̱ ku̱nshe maito ndu̱ kanaɗyi tu̱ dlu̱ ɗye alqawar nu̱ Magham shiki ye wora.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.