Yibraniyeku 10:39 - Mewar Alqawarang

³⁹ Yang ɓaarem chem a mbu̱ nduki nu̱ ka gaɓki nu̱ gana ma ku̱ su̱ya ɓa, ɓaarem chem a mbu̱ nduki nu̱ka maitaki tu̱ gwa ɗanari.

Yibraniyeku 10:39 ပူးပေါင်းရင်းမြစ်များ

Markus 16:16

Njif nu̱ maitaki, tu̱ shi baptisme, ka gwa ɗanari. Yang njif nu̱ke nu̱ maita ɓa, ka kuma nda.

Luka 11:26

ka ɗi tu̱ ɗa qa khu̱kheetiku mut nu̱ dukki nda ndu̱ maatli tu̱ vi ku nu̱ mbe njifang, khar viti ɓu̱ njif nang ka duk nu̱ gumapaalyang ndu̱ maatli.”

Yokhana 17:12

Sarchi nu̱ke nga su̱yen ndu̱ wora, nga bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya. Nga bu ɗyin wora, yang nduk a nje nu̱ saghaki ɓa kope nduk da chele ɓaanda nu̱ke ɗya ye su̱bu̱ri. Sagha ma ku̱ bu̱lar ɓalar ɓu̱ Maghamang nyedli.

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

1 Tasalonikeku 5:9

Jiwa Magham nu̱ shim ku̱ shokhnar ɓaran a ɓa nu̱ ɗyine rem ɓa, shimkya ku̱ gwa mi ɗanari nu̱ ku̱nshe Zhinerem gwaanji Yesu Masiya.

2 Tasalonikeku 2:3

Ku̱ aaki lamba nu aa kikimndi ɓa, ku̱me fu̱ɗar nang ɓu̱ ɗa ɓa ɓa kope wa shi tonggu̱rong nang, kuji tonggu̱rong ka ɗa vi, nang ke njif nu̱ daasaki mu̱ti yenda.

1 Timoti 6:9

Nduki nu̱ke a shim ku̱ kha nda ma nu̱ gu̱na wa ka nggu̱ɗ nu̱ mbu̱ buuriku. Tu̱ zhan mbu̱ shaanggir shimndi ɗyi malkandiku zum zum, ndu̱ shimndi ɗyiku bam bam nu̱ke nu̱ shipa ɓa nu̱ka saki nduki tu̱ su̱bu̱ri tu̱ khu̱l ye mu̱ti.

Yibraniyeku 10:26

Sadke nggur a nje nu̱ke ka shiɓki sola ɓar ɓa mbu̱ chem wa zu̱m guma ndu̱ shir solar kharki qu̱rse chem wa zu̱n zhiryang.

Yibraniyeku 10:38

Nu̱ dambu ɓanga, ka ɗana, nu̱ ku̱nshe maito. Yang njif nu̱ gaɓki nu̱ gana, ngam ɓu̱ tu̱k mu̱ndi ɓaran ɓa.”

Yibraniyeku 11:1

Maito ke zu̱ndi zhire ɓu̱ ɗyi nyem saki memu̱na rem nu̱ ɗyinan, ɗya maitar ɗyi nu̱ke yiterem nu̱ na ɓa.

1 Biturus 1:5

Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.

2 Bitu̱rus 3:7

Nu̱ ku̱nshe ɓalar ɓu̱ Magham tu̱k, maa viɗi ndu̱ maa vu̱ghai nu̱ke chem a naran leendangang, a bu ku su̱ya wor ɓar ndu̱ ɓai. Magham njig nang ma ɓar ye sarchi nu̱ke a ma kuma nu̱ song sawar nda, tu̱ su̱ya wor nu̱gha.

1 Yokhana 5:16

Mbu̱ njif nggur wa na mu̱dlen a solar nu̱ke nu̱ khu̱l ye mu̱ti ɓa, ku̱ njif nang shi barar ye njif nu̱ke a solarang. Magham ka vu̱r nyifi ye nu̱ solar nang ku̱me barar nang. Nga ɓalar nang ye nduki nu̱ke solar ɓaanda nu̱ khu̱l ye mu̱ti ɓa, solar a nje nu̱ka khu̱lki ye mu̱ti, nang zu̱ nga za ku̱ nduk shi barar ye pooni nang ɓa.

1 Yokhana 5:5

Ki ka ɗu̱maki ra larjyang na? Kope njif nu̱ maitaki za Yesu ɗya Yi ɓu̱ Magham ɗyenda.

Ɗyin mbu̱ tukari 17:11

Chin dlu gaari nu̱ke a nje zhu, yang a nje leendang ɓa ndang, ke nu̱ miyasi, yang a vi chele mutndikwang, a yir ye maa nu̱ke ka mu̱tki.

Ɗyin mbu̱ tukari 17:8

Chin dlu gaari no naki nang, wa kha zhu, yang leendang a nje ɓa, ka ɗa dlan dam mbu̱ ge gargha mboɓongndi nu̱ke me tu̱ɓ si ɓandi nang ma yir ye maa nu̱ke a ma tlagha nda nu̱ gha. Nduki nu̱ke kharan mbu̱ larji, wor nu̱ke nu̱ bu̱la dlu̱m wor nu̱ mbu̱ Lagarkati Nu̱ Nyifiri ɓa, ka shi lazham nar dlu gaarang, ku̱me wa kha zhu, yang leendang a nje ɓa, yang ka ɗa gaɓ gana fan tu̱k.