Yibraniyeku 10:34 - Mewar Alqawarang

³⁴ Jiwa tun wa na zhiyaye ɓu̱ nduki nu̱ke a nje khiiran zhaaru̱m, tun wa kasha sarchi nu̱ lawaki ɗyin kha nu ɓara, ku̱me tun wa zu̱n nu̱ ɗyine gu̱nar nu̱ dukki mbaari a nje kha nu nu̱ke ɓu̱ shi woɗa ɓa.

Yibraniyeku 10:34 ပူးပေါင်းရင်းမြစ်များ

Matta 19:21

Tu̱ Yesu ze yenda za, “Mbu̱ ta shim kha na torop, to ɗu̱ to ɗa masa ɗyi nu̱ke a kha ɓar kap, to vu̱r mu̱zhindan ye nu̱ nungndiku, to ka gwa gu̱nar nu̱ mbu̱ viɗi. Kom to ɗa ɓa to mburi nga.”

Luka 10:42

Yang ba tun kaada ke ɗye gangi, Maryam wa kar tu̱ dat ɗyi mbarkandi, nu̱ke am ɓu̱ shi dlu̱ ɓar kha nda ɓa.”

Luka 12:33

Masa ma ɗyin kha nu ɓara, tun vu̱r sadke ye nduki nu̱ke nungndan. Shi ma du̱ngndi nu̱ ye maa nu̱ke am ɓu̱ su̱bu̱r ɓa. Du̱ng ma gu̱narang nu̱ mbu̱ viɗi she Magham ye maa nu̱ke ɓu̱ shi woɗa ɓa, nu̱ muuru ɓu̱ gwa maa muraran ɓa, yang susut ɓu̱ gwa tu̱ su̱bu̱r nu̱gha ɓa.

Luka 9:25

Woɗye a fu̱n boote ku̱ nduk gwa larji kap tu̱ yang mbu̱ɗ nyifi ɓarana?

Tlu̱nar ɓu̱ Pudeku 21:33

Tu̱ gorkir sojang a ɓa tu̱ ku̱s Bulus, tu̱ sa ku̱ gu̱n nda gha ndu̱ yakhli rap. Kom tu̱ zham za ɗa, ɗya kiya ndu̱ ɗyi nu̱ shiki.

Tlu̱nar ɓu̱ Pudeku 28:20

Nang ke ɗyi nu̱ saki tang shim na nu, chem shi ɓalar ndu̱ tunu. Ku̱me zu̱n nu nu̱ke gu̱ndi nga nu̱ gha ndu̱ yakhli nang ku̱me chin nu̱ke Israileku a sa memu̱na wor nu̱ ɗyine ɓar ɓaranang.”

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

2 Korintiyeku 5:1

Jiwa chem wa zu̱n mbu̱ wa gu̱ɗa shekhɗekh nu̱ke chem kharan mban nang nu̱gha, nang ke man vaarem nu̱ke chem a boote si mbu̱ khar viti ɓaarem mbu̱ larji nang, Magham nu̱ ɗyinan ka shiki rafti yerem mbu̱ viɗi. Yang nu̱ke rafti nang ɗya nduk du̱nki ɓa, ka kha ba a nje aakochi ɓu̱ gu̱ɗa ɓa.

Afiseku 3:1

Ku̱me nang, nga Bulus, nu̱ khiiki nga gha zhaaru̱m ku̱me Masiya Yesu ma ku̱ kha ndu̱ boota ye nu tun nu̱ke tun Yakhudeku ɓa.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Afiseku 6:20

Tlu̱nar nang wa sa tang kha ma yiti Magham, yang kap ndu̱ nang nga nje gu̱ndan! Shi ma barar ya ku̱me sarchi nu̱ke nga waazu tang shi sawa su̱ ɓa ba wa nu̱ shipaki shi nga.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

Kolosiyeku 1:5

Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.

1 Timoti 6:19

Shir wanangang a shikya du̱ngdi ye va nda nu̱ke ka khaki ma dlu̱dlarsi khar viti ɓaanda nu̱ke a ɓari, ku̱me ka gwa nyifiri nu̱ke chin ke nyifi zhirekandi.

2 Timoti 1:16

Ku̱ Magham na zhiyaye ɓu̱ rafti ɓu̱ Onesiforus, ku̱me wa ka pa du̱mbu̱r ya, nu̱ ka tu̱k kawa ku̱me wa khiiri nga gha zhaaru̱m ɓa.

2 Timoti 2:9

Nga za bonye nang ku̱me Labar mbarkandi nu̱ke nga woparanang, tu̱ gu̱ndi nga nu̱gha ndu̱ yakhli wa njif nu̱ shiki zop ngguri. Yang nduk a nje nu̱ke ka ɗu̱maki gu̱n ɓalar ɓu̱ Magham nu̱gha ɓa.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Yibraniyeku 11:16

Yang sakya memu̱na wor nu̱ ɗyine ghai nu̱ dukki mbaari, nang ke mbu̱ viɗi, nang ke ɗyi nu̱ saki nu̱ kha ye Magham ma ɗye kawa ku̱ qa nda za Maghamndi ɓaanda ɓa. Ku̱me wa daasa ghai ye wor shwat.

Yibraniyeku 13:14

Ku̱me ghai a nje larji nang nu̱ke za ɓu̱ shi woɗa ɓa ɓa, yang ɓaarem chem sakya yiterem ye ghai nu̱ke a ɓari.

Yibraniyeku 13:3

Tun kor ndu̱ nduki nu̱ke a nje khiiran zhaaru̱m, ba wa tun khiiran su̱yen ndu̱ wora. Tun kor ndu̱ nduki nu̱ke a za bonye ba wa no za tun kya za bonyang.

Yibraniyeku 9:15

Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.

Yaqub 1:2

Nyeezaku, da ma aa nyi bonye nu̱ gwaki nu ma ɗye kasha,

1 Biturus 1:4

Yang chem a sa memu̱narem ye gwar ɗye mbu̱ ge nu̱ Zhinkir gwaanji du̱ngki gha viɗi ku̱me qusonggi ɓaran. Yang du̱ngdi nang nu̱ka mu̱tl ɓa, nu̱ka shi su̱bu̱r ɓa, yang ɗyiman ɓu̱ vi ɓar ɓa.

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.