Yibraniyeku 10:33 - Mewar Alqawarang

³³ Fu̱ɗar nggur nduki a pu̱zo nu ye dalangi, a vu̱r bonye ye nu, yang ye sarchi ngguri tun wa ka gonta ɗyinonu ndu̱ nduki nu̱ke a za pooni bonyeku nang.

Yibraniyeku 10:33 ပူးပေါင်းရင်းမြစ်များ

1 Korintiyeku 4:9

Ye nar ɓanga, chem pudeku chem ke gaɓtan gana mbe aa nu̱m, chem wa shipa nduki nu̱ dlaki kumar tlaghar mu̱ti ye wora ve dalangi. Chem wa kha ma ɗyi nu̱ke larji nang kap, ndu̱ nu̱ ru̱ktiku ɓu̱ Magham, nu̱ nduki saki yiti ye wora.

2 Korintiyeku 12:10

Ku̱me nang nga kasha tu̱ɓti ɓang, ndu̱ gangndi dakhlar ndu̱ bonye ndu̱ kakanshi nu̱ke nduki a shiran ya ku̱me Masiya. Ku̱me nang khaki nu̱ song du̱mbu̱r nang ke maa nu̱ke ngga khaki ndu̱ du̱mbu̱ri.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

Filipiyeku 4:14

Yang kap ndu̱ nang tun wa shi torop nun shaataki nga mbu̱ bonye ɓanga.

1 Tasalonikeku 2:14

Jiwa nyeezaku, shoga ma tunu she tabar ɓu̱ nu̱ mbu Magham mbe Masiya Yesu, wor nu̱ke a mbu̱ dlar ghai Yakhudiya, nu̱ke tun wa za bonye kha nduki nu̱ mbu̱ ghai ɓaanu, ba wa nu̱ zaki ku mbu̱ khar Yakhudeku.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

Yibraniyeku 11:26

Nu̱ke wa sa memu̱naran nu̱ ɗyine ɗye ɓi nu̱ke a guma, tu̱ da bonye nyin zaki ku̱me Masiya ma ɗyi mbarkandi nu̱ dukki gu̱nar nu̱ke a mbu̱ ghai Masar.

Yibraniyeku 11:36

Tu̱ ɓeenan za maatli ɓalarku ndu̱ kurpi, tu̱ gu̱n ɓeenan gha ndu̱ yakhli, tu̱ mbuk ɓeenan nu̱ mbu̱ zhaaru̱m.

Yibraniyeku 12:4

Mbu̱ wute nu̱ke tun a ɗyinan ndu̱ sola, nun khu̱l ye maa nu̱ke tom ɓaanu ka mbu̱ɗki dong ɓa.

Yibraniyeku 13:13

Ku̱me nang vi mi ma yir she nda qu̱rsi ghayi, ndu̱ dar pooni wuti katar nu̱ daki.