Yibraniyeku 10:25 - Mewar Alqawarang

²⁵ Ku̱ laada mi tabar ɓaarem ma ghaari ghai ye Magham, wa nu̱ ɓeenan ku su̱nki ndu̱ shiran ɓa. Me ɓu̱ nang ki mi pa du̱mbu̱r ye yen, chem shaata shir wanang nu̱ si ku̱me tun a naran nu̱ ɗyine Fu̱ɗar nang wa shi bing ɓari.

Yibraniyeku 10:25 ပူးပေါင်းရင်းမြစ်များ

Matta 10:15

Zhire nga zu̱ran ye nu, fu̱ɗar wuri, ka duk ndu̱ tu̱kti zhiyaye ɓu̱ Sodom ndu̱ Gomora ye nduki nu̱ mbu̱ ghai nang.

Matta 18:20

Ku̱me kap ye maa nu̱ nduki rap ma yir kunung tabaki nu̱ mbu̱ dlu̱ma, ngaa nje su̱yen ndu̱ wora.”

Yokhana 12:48

Njif nu̱ zhangki nga gha, yang nu̱ dlu̱ shogar ɓang tu̱k zu̱m ɓa, nu̱ kuma nda nje, ɓalar nang zu̱ki, chin ka kumaki nda fu̱ɗar wuri.

Tlu̱nar ɓu̱ Pudeku 16:16

Sarchi ngguri chem a yir ye maa barari chem gama ndu̱ wonkhar nggur nu̱ khu̱kheeti malkandi nu̱ka shiki nggu̱ti ye nduki. Nduki ɓu̱ wonkhar nang wa ka gwa mu̱zhindi maɗyi nu̱ ku̱nshe ɓu̱tli ghai nu̱ke wonkharang ka shikyang.

Tlu̱nar ɓu̱ Pudeku 2:1

Nu̱ fu̱ɗar Pentikos a ɓa ki, nu̱ mbu Yesu ku kap tabaran ye maa da.

Tlu̱nar ɓu̱ Pudeku 2:42

Tu̱ vu̱r vaanda ye shogar ɓu̱ Pudekwang ndu̱ khar ndu̱ yen, ndu̱ zu̱mndi ɗye zu̱mndi su̱yen kom ndu̱ barari.

Tlu̱nar ɓu̱ Pudeku 20:7

Ye fu̱ɗar nu̱ gumapaali mbu̱ qaandi mut chem taba ma shakh ɓu̱rti toliri. Tu̱ Bulus ki ɓalar ku̱me a shim yir varan vi dumaaran, tu̱ shi ɓalar ye wor ma yir chele virkiri.

Romeku 12:8

Mbu̱ ɗya nu̱ par du̱mbu̱r ye nduki, ku̱ ki pa du̱mbu̱r ye nduki. Mbu̱ yang ɗya nu̱ shaatar nduki, ku̱ shi khaaran nggaran. Mbu̱ ɗya nu̱ khar ma dle guma, ku̱ vu̱r ɗyinan ma kwaaɗar nu̱ zhire. Mbu̱ yang ɗya nu̱ wuti ɗaana, ku̱ shi memu̱naran da.

1 Korintiyeku 11:20

Alapa mbu̱ tun wa taba tun a zu̱mkya ɗye zu̱mndi ɓu̱ Zhinerem gwaanji ɓa.

1 Korintiyeku 14:23

Mbu̱ nu̱ mbu Yesu ku wa taba, tu̱ yang aaki ki ɓalar ndu̱ me ghai nggur zum. Tu̱ yang nduki nggur vi nu̱ she nu nu̱ke nu̱ zu̱n ɗyi nu̱ke tun a shiran ɓa, aa ɗya nduki nu̱ke ɗya nu̱ mbu Yesu ku ɓa, ɓu̱ zu̱ ku za tun wa gu̱r yir ɓa goma?

1 Korintiyeku 14:3

Yang njif nu̱ke a zu̱ ru̱kti ɓu̱ Magham a ɓalarang ndu̱ nduki ma ku̱ shaata wora, ku̱ pa du̱mbu̱r ye wora, ku̱ du̱ng memu̱na wora.

1 Korintiyeku 3:13

Mbari tlu̱nar nu̱ aaki shiki ka ɓa vi ye dalangi, du̱ndang kaɗa vi nu̱ dam ye Fu̱ɗar ɓu̱ Masiya. Ku̱me ɓai ka wutki tlu̱nar ɓu̱ aaki ɗo, ɓaiyang ka buu tlu̱nar nu̱ aaki shiki.

1 Korintiyeku 5:4

Sarchi nun tabaki nga nje su̱yen ndu̱ tunu mbu̱ jiimba, zalale ɓu̱ Zhinerem gwaanji Yesu a nje tu̱k.

Filipiyeku 4:5

Kha ma ndu̱ ɗu̱bar memu̱na ye aaki. Zhinerem gwaanji wa shi bing ɓari.

1 Tasalonikeku 4:18

Ku̱me nang tun pa du̱mbu̱r ye yen ndu̱ ɓalar nang.

1 Tasalonikeku 5:11

Ku̱me nang pa ma du̱mbu̱r ye yen, tun ki du̱n yen, ba wa nu̱ke tun a shiran leendang.

Yibraniyeku 10:24

Bu taata mi yen ma ku̱ pa mi du̱mbu̱r ye yen nu̱ ku̱nshe wuti ndolar ndu̱ tlu̱nar dambi.

Yibraniyeku 10:37

Jiwa ɓu̱ shoɓ ɓa, “Nu̱ ɓar nang ka ɗa ɓa, ɓu̱ mab ɓa.

Yibraniyeku 13:22

Nyeezaku, Nga khutonu, tun shi kaɗanyi ndu̱ wuro nu nang shiki, ku̱me nang bu̱la ɓalar kirkandi ye nu ɓa ɗo.

Yibraniyeku 3:13

Tun ki pa du̱mbu̱r ye yen aa nyi fu̱ɗa. Shi ma boote ndu̱ aa nyi sarchi nu̱ka qaki za “Meeni”, ma ku̱ aa da chele ɓaanu kha ndu̱ kaaku̱ɗakh memu̱na nu̱ ku̱nshe lambar ɓu̱ sola ɓa.

Yaqub 5:8

Tun kha ndu̱ kanaɗyi tu̱k. Tun ching gha shanggu̱ɗang, ku̱me ɓar ɓu̱ Zhinkir gwaanji wa shi bing.

1 Biturus 4:7

Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

2 Bitu̱rus 3:11

Yang nu̱ke ka ɓa su̱ya ɗyiku nang nu̱gha kap wanang, shipa ku̱ khar ɓaanu kha kikimndana? Shi ma khar viti shakhshakhndi, tun vu̱r vaanu ye sawar Magham mbe aa nu̱m.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

2 Bitu̱rus 3:9

Ɓeeni nduki a zu̱ran za Zhinkir gwaanji a ku̱ɗa ku̱ɗa ndu̱ alqawar nu̱ shiki. Yang ɗyen wanang ɓa, a shikya kaɗanyi ndu̱ tunu nu̱ shim ku̱ aaki su̱ya ɓa, a shim ku̱ aaki nggoɗi.

Yakhuda 1:19

Wor ke nu̱ shakh ɗyinonu, ka mbukya shimndi ɓu̱ man va. Jiimbi shakhshakhndi a nje su̱yen ndu̱ wor ɓa.”