Yibraniyeku 10:24 - Mewar Alqawarang

²⁴ Bu taata mi yen ma ku̱ pa mi du̱mbu̱r ye yen nu̱ ku̱nshe wuti ndolar ndu̱ tlu̱nar dambi.

Yibraniyeku 10:24 ပူးပေါင်းရင်းမြစ်များ

Tlu̱nar ɓu̱ Pudeku 11:29

Tu̱ nu̱ mbu Yesu kwang shi sawari ku̱ shaata nda nyeezi wor nu̱ke a Yakhudiya, yang aaki ka vu̱rkya ɗyi nu̱ke du̱mbu̱r ɓaran ka ɗu̱maki.

Romeku 11:4

Yang Magham tlogha yenda za nu̱ma? Tlogha yenda za, “Nga du̱ng nduki du̱pu mut (7,000) gha nu̱ke nu̱ zu̱ me purmi wor yaghai ma ghar ghai ye mu̱lu̱m nu̱ka qaki nda za Ba'al ɓa.”

Romeku 12:15

Tun shi kashar su̱yen ndu̱ nduki nu̱ gwaki ɗye kasha, tun shi chiti memu̱na tu̱k su̱yen ndu̱ nduki nu̱ke ɗye chiti memu̱na gwaki wora.

1 Korintiyeku 10:33

Tun shi ba wa nang ka shiki. Nga shim ku̱ aaki tu̱k mu̱ndi mbu̱ ɗyi nu̱ke nga shiran kap, yang nga shiran ku̱me ɗyina ɓa, nga shiran ma boote ɓu̱ aaki ma ku̱ nduki khang gwa ɗanar ku.

1 Korintiyeku 9:22

She nduki nu̱ke maito ɓaanda kata, tang kha wa nga wanang ma a dut nga wora, Nga kha ma aa nyi tun she ndukiku zum zum ma ɗana nga ɓeenan a kikimndi.

2 Korintiyeku 8:8

Nga shikya ranna nu ku̱ shi nu ɓa, nga shim ku̱ buu nga kya komkomi ɓaanu ndu̱ ɓu̱ ɓeena nduki, ku̱me nang ka wutki pooni ndolar nu̱ke tun a shiran.

2 Korintiyeku 9:2

ku̱me nga zu̱n tun wa da ye memu̱na nu, nang ke ɗyi nu̱ saki tang makhta nu gume nduki nu̱ Makidoniya. Nga ze wor nga za ma ji sonyi nu̱ peetaki nduki nu̱ Akaya a shim shaata nu. Komkomi ɓaanu wa sa tu̱ ji ku nu̱ viɗi ma daasa vaanda.

Galatiyeku 5:13

Nyeezaku, ɓaanu qa nu ma ku̱ ɗyinonu vi. Yang shi ma laya laya ma ku̱ vi ɗyin nun gwaki nang kha ma njiv mbu shimndi ɓu̱ manva ɓa. Me ɓu̱ nang bu ku̱ sa tun shi tlu̱nar wuti ndolar ye yen.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Galatiyeku 6:1

Nyeezaku, mbu̱ wa ku̱s nduk a sola, tun nu̱ke tun a sawa Magham, tun taata nda tun a gaɓ ndu̱ chin ye njivi. Yang ku̱rma vaanu, ku̱ gaɓti nu̱ mu̱dlonu ye njivang sa tun nggu̱ɗ nu̱ mbu̱ buuri zum ɓa.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

1 Tasalonikeku 1:3

Chem a kor tlu̱nar maito ɓaanu gume Maghamndi ɓaarem, ndu̱ Zhinkir ɓaarem, ndu̱ wute nu̱ke tun a san ku̱me ndola. Kom ndu̱ sar memu̱nar mbe kanaɗyi ku̱me sar memu̱nar nun shiki ɗyine Zhinerem gwaanji Yesu Masiya aakochi.

1 Tasalonikeku 5:11

Ku̱me nang pa ma du̱mbu̱r ye yen, tun ki du̱n yen, ba wa nu̱ke tun a shiran leendang.

2 Tasalonikeku 3:9

Nang nu̱ wut nu̱ ɗyine ɗya khalandi ɓaarem ɓa ɓa, auwo, chem shi wanang ma ku̱ kha mi ma ɗyi nu̱ke tun ka naki she rem, tun shoga.

1 Timoti 6:18

Ze wor ku̱ shi me mbarkirku, tu̱ kha gu̱naran tu̱k mbe tlu̱nar mbarkandi, ku̱ ki vu̱rtan ye nduki khar wor nggaran, nu̱ shimndi shakhti ɗyi ɓa nda ndu̱ nduki.

Titus 2:4

ma ku̱ shoga ye nusuki pichichindi ku̱ ndola zhime nda ndu̱ qusonggi ɓaanda.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

Yibraniyeku 13:1

Zu̱m ma guma ndu̱ wuti ndolar khachinkir ye yen.

Yibraniyeku 13:3

Tun kor ndu̱ nduki nu̱ke a nje khiiran zhaaru̱m, ba wa tun khiiran su̱yen ndu̱ wora. Tun kor ndu̱ nduki nu̱ke a za bonye ba wa no za tun kya za bonyang.

Yibraniyeku 3:13

Tun ki pa du̱mbu̱r ye yen aa nyi fu̱ɗa. Shi ma boote ndu̱ aa nyi sarchi nu̱ka qaki za “Meeni”, ma ku̱ aa da chele ɓaanu kha ndu̱ kaaku̱ɗakh memu̱na nu̱ ku̱nshe lambar ɓu̱ sola ɓa.

1 Yokhana 3:18

Tun qusonggi ɓang nu̱ke nga ndolaran wut nu ndolar ɓaanu ve me ɗyenda ɓa, wut ma mbu̱ tlu̱nar ɓaanu ndu̱ shir zhire.