Yibraniyeku 10:22 - Mewar Alqawarang

²² Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

Yibraniyeku 10:22 ပူးပေါင်းရင်းမြစ်များ

Matta 3:11

Ngaa baptisme ye nu ndu̱ ɗyim ma saidu nggooti njigti solar ɓaanu, Yang gaanja njif nu̱ dukki nga gwaari a ɓari, nu̱ke aa paghamndi ɓaran nang khu̱l ku̱ fed nga nu̱ gha ɓa. Chin ka ɓa shiki baptisme ye nu ndu̱ Jiimbi shakhshakhndi ndu̱ ɓai.

Luka 1:1

Nu̱ke nduki khang wa shi bu̱lar ɗyine ɗyiku nu̱ shiki chele ɓaarem,

Yokhana 3:5

Tu̱ Yesu tlogha yenda za, “Zhire zhire nga zu̱ran yoro, mbu̱ nu̱ kha nduk nu̱ ku̱nshe ɗyim ndu̱ Jiimba ɓa, ɓu̱ vi nu̱ mbu̱ kwaaɗar ɓu̱ Magham ɓa.

Yokhana 8:9

Nu̱ tu̱kki wanang ku, tu̱ nggasi lakhtar ku ndu̱ da da, ji ɗyin nduk kudaandi ma yir she qusonggi. Tu̱ njig Yesu chin ɗyenda, ndu̱ nokhzang chingndan gume nda.

Tlu̱nar ɓu̱ Pudeku 22:16

Yang ta bu kya nu̱ma? Ju tu̱ shi baptisme yoro tu̱ shiɓ solar ɓa yor nu̱ gha nu̱ ku̱nshe qar dlu̱m Zhinerem gwaanji.’

Tlu̱nar ɓu̱ Pudeku 8:21

Tun a nje nu̱ tabaki ndu̱ tlu̱nar nang ɓa, ku̱me memu̱na torop she Magham ɓa.

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Afiseku 3:12

Mbe nda kom ndu̱ mbe maitar nyem shiki yenda chem wa gwa du̱mbu̱r ɓar she Magham ndu̱ shokhku̱rokh me bu̱n sawa su̱ ɓa.

Afiseku 5:26

Ma ku̱ vu̱r nji nda shakhshakh ye Magham nu̱ ku̱nshe ɓalar ɓaran qu̱rse wa gaɓ ndu̱ chin tu̱ kha shakhshakh nu̱ ku̱nshe shiɓti nda nu̱ gha nu̱ shiki ndu̱ ɗyimi.

Afiseku 6:5

Tun maaviku, mbu ma zu̱r ɓu̱ zhinonu nu̱ rafa nu̱ larji nang. Tun vu̱r zhaaji ye wora, tun mbu zu̱r ɓaanda mbe aa nu̱m, ndu̱ memu̱na nu da, ba wa tun a shikya tlu̱nar ɓu̱ Masiya.

1 Timoti 4:2

Pooni shogarku nang kaɗa vi she nu̱ lambarku nu̱ mu̱nar bamndi nu̱ke konyi mbarkandi ɓaanda mu̱tan, wa no za va nu̱ gha ndu̱ vi nu̱ke ɓai a si.

Titus 3:5

tu̱ Magham ɗana rem. Yang shi nang ku̱me dambi ɓaarem ɓa, shi ku̱me ɗaanar ɓaran tu̱ ɗana rem nu̱ ku̱nshe wurti nu̱ Jiimbi shakhshakhndi nu̱ saki tu̱ khaarem mewa chem kha ndu̱ mewar nyifiri.

Yibraniyeku 10:1

Bibitang ɗya jiimbi ɗyiku mbarkandi nu̱ke a ɓar gana, chin ke jenggu̱reng ɗyikwang ɓa. Nang ke ɗyi nu̱ saki maatar vu̱rti sadkyang nu̱ka shiki sonyi nu̱ sonyiri ɓu̱ sa wor tu̱ kha torop mbu̱ ghaari ghai ɓaanda ɓa.

Yibraniyeku 10:19

Ku̱me nang, nyeezaku, ɗye maitar a nje khaarem du̱mbu̱rkandi ma ku̱ vi mi nu̱ mbu̱ Kib Nu̱ Dukki shakhshakh nu̱ ku̱nshe tom ɓu̱ Yesu.

Yibraniyeku 11:28

Maito saki tu̱ Musa shi Tabar peetar ɗyinang, tu̱ batl tom ma ku̱ nu̱ tlaghar gomirkwang su̱ɓa qusa Israila ɓa.

Yibraniyeku 12:24

Tun a ɓakya she Yesu nu̱ daasaki mewar alqawar chele ɓu̱ Magham ndu̱ nduki ɓaran, kom tu̱ batl tom nu̱ka shiki ɓalar mbarkandi tu̱ duk tom ɓu̱ Khabila.

Yibraniyeku 4:16

Ku̱me nang, ku̱ kha mi ndu̱ shokhku̱rokh memu̱na. Chem a song nu̱ bing ndu̱ zhakhɗye mu̱nkir nu̱ kwaaɗar ɓu̱ Magham ma ku̱ na zhiyaye ɓaarem. Chem gwa mu̱nkir, nu̱ke ka shaataki rem mbu̱ sarchi nu̱ke chem a gang tunu.

Yibraniyeku 6:11

Chem a shim ku̱ aaki zu̱m guma ndu̱ shiran wanang ma yir ve lauɗar san, ma ku̱ nyel nu ɗyi nun saki memu̱na nu nu̱ ɗyinanang.

Yibraniyeku 7:19

(Jiwa bibitang ɓu̱ ɗu̱ma sa ɗyi nggur tu̱ kha nyeedlan ɓa). Nang ke ɗyi nu̱ saki tu̱ daasa ɗyi nu̱ dukki mbaari nu̱ke chem ka saki memu̱na rem nu̱ ɗyinan ma ku̱ song mi nu̱ bing ndu̱ Magham.

Yibraniyeku 9:10

Yang ɗyiku nang ɗya ɓalar zu̱mndi ndu̱ zari, ndu̱ shibtiku zum zum. Ɗyiku nang ɗya bibitiku ɓu̱ nduku nu̱ shiki me ku̱ sarchi ɓu̱ mewar ɗyiku a ɓa.

Yibraniyeku 9:19

Qu̱rse Musa wa zu̱ ɗyi nu̱ke a mbu̱ bibitang ye ndukyang kap, tu̱ da tom ɓu̱ ye dleeku ndu̱ gunoku, tu̱ longga ndu̱ ɗyimi. Kom tu̱ da ndoɗyir khisop su̱yen ndu̱ wulu vyangndi tu̱ batl tomang nu̱ ɗyin lagarkati Bibitang ndu̱ ɗyine ndukyang kap.

Yaqub 1:6

Yang ku̱ khuɗ ndu̱ maito, ku̱ kha memu̱naran rap rap ɓa, ku̱me njif nu̱ke memu̱naran rap rap wa shipa pu̱rsi ɗyim nu̱ke khu̱kheeti a piiran a yakhta nda nu̱ aa fu̱n.

Yaqub 4:8

Kha ma bing ndu̱ Magham, Magham ka shi bing ndu̱ tunu. Tun nu̱ solar ku, tun kwaɗa ɗye shir ɓaanu tun kha wakaran. Tun nu̱ke memu̱nanu rap rap yang, shiɓ ma memu̱na nun gha

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 3:21

Yang ɗyim nang a khar wa baptisme nu̱ka ɗanaki nu. Tun yang tun wa gwa ɗanar nu̱ ku̱nshe ɗyim baptismyang. Yang ɗanar nyem gwaki nang chem gwa ku̱me shiɓti ru̱gnar ɓar ve vaarem ɓa. Chem gwa ɗanarang ku̱me alqawar chele ɓaarem nu̱ Magham ndu̱ memu̱nar mbarkandi, kom ndu̱ jiiri ɓu̱ Yesu Masiya ɓar mbe mu̱ti.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.