Yibraniyeku 1:14 - Mewar Alqawarang

¹⁴ Yang shwat ɗa, nu̱ ru̱ktiku ɓu̱ Magham ɗya jiimbiku nu̱ tlu̱nar ku ma shaata nduki nu̱ke a ma zu̱m ɗye mbu̱ ge ɗanar ɓa goma?

Yibraniyeku 1:14 ပူးပေါင်းရင်းမြစ်များ

Matta 1:20

A mbu̱ kwaari nang, tu̱ nu̱ ru̱kti ɓu̱ Magham a ɓa yenda mbu̱ zhine za, “Yusufu zhikan Dauda, sawa na ɓu̱r Maryam ma nokhzor ɓa, ku̱me ghu̱rɓandang ɗya ghu̱rɓandi nu̱ ku̱nshe Jiimbi shakhshakhndi.

Matta 13:41

Yi ɓu̱ nduk ka ɓa ru̱k nu̱ ru̱ktiku ɓaran tu̱ taba nduki nu̱ka saki nduki ma solari ndu̱ nu̱ tlu̱na ɗyi malkandiku kap, tu̱ komba wor ɓar mbu̱ kwaaɗar ɓaran.

Matta 18:10

“Ku̱r ma vaanu, ku̱ ndu̱m nu da chele qusonggiku na ɓa, ku̱me nga zu̱ran ye nu nu̱ ru̱ktiku ɓu̱ Magham nu̱ khutlo wor nu̱ke a mbu̱ viɗi sot a nggu̱t mbu̱ yiti Zhinkir ɓanga.

Matta 2:13

Gaanje peetar ɓaanda, tu̱ nu̱ ru̱kti ɓu̱ Magham a ɓa ye Yusufu mbu̱ zhine. A za, “Ju to da woyang ndu̱ man tun ɗan Masar, tun a khan fara kope nga zu̱ ɗye shir ye nu gana fan ku̱me Khiridus ka laɓ nyifi ɓu̱ woyang.”

Matta 24:31

Kaɗa ru̱k nu̱ ru̱ktiku ɓaran tu̱ pi domndi nu̱ qur maɗyi, tu̱ taba nduki nu̱ datki ɗokhatla ndu̱ mugu, kona ndu̱ zan ndu̱ aa fu̱n mbu̱ larji.

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Matta 4:11

Kom tu̱ Sheɗan njigti nda, tu̱ nu̱ ru̱ktiku ɓu̱ Magham a ɓa tu̱ shi shaatar yenda.

Markus 10:17

Nu̱ Yesu ku̱ski njiv maa yir varan, tu̱ njif nggur a ɓa ɗyin ɗa tu̱ kurum gha gume nda, tu̱ zham nda za, “Maalu̱m mbarkandi, shwat ngga shikya nu̱m ma gwa nga nyifi nu̱ke ɓu̱ shi woɗa ɓa?”

Luka 1:19

Tu̱ nu̱ ru̱kti ɓu̱ Maghamang ze nda za, “Nga ke Jibu̱railu nang ka chingki gha gume Magham. Magham a ru̱kki nga ma zu̱ labar mu̱nkandi nang yoro.

Luka 1:23

Yang Zakariya nu̱ gaɓ nu̱ kaa ɓaran ɓa, ba a nje mbu̱ kib ɓu̱ Maghamang kope gaanje woɗar me tlu̱nar ɓaran.

Luka 16:22

“Sarchi mu̱ti ɓu̱ nu̱ khuti nang, tu̱ nu̱ ru̱ktiku ɓu̱ Magham da nda tu̱ ɗu̱ ndu̱ chin she Yibram (ye maa khar mu̱nkandi.) Gana fan, tu̱ nu̱ gu̱narang mu̱ɗ tu̱k, tu̱ pa nda gha.

Luka 2:13

Tu̱ tabar nu̱ ru̱ktiku ɓu̱ Magham a zhur mbu̱ viɗi tu̱ gor dlu̱m Magham ku su̱yen ndu̱ nu̱ ru̱kti ɓu̱ Magham nu̱ gumapaalyang. A zu̱ran ku za,

Luka 2:9

Tu̱ nu̱ ru̱kti ɓu̱ Magham ruuma wora, tu̱ zhaaji ɓu̱ Magham shi yarang ɗyine wora, tu̱ ku̱zha ku maɗyi.

Tlu̱nar ɓu̱ Pudeku 11:22

Tu̱ labar ɓu̱ ɗyi nu̱ ɗatlki Antakiya vi nu̱ mbu̱ dlu̱mndi nu̱ mbu Yesu ku nu̱ Urshalima. Tu̱ nu̱ mbu Yesu kwang ru̱k Barnaba ku̱ ɗu̱ Antakiya.

Tlu̱nar ɓu̱ Pudeku 12:23

Fan ndu̱ fan tu̱ nu̱ ru̱kti ɓu̱ Magham nggur a ɓa tu̱ ghwat nda nu̱ yaghai, ku̱me nu̱ vu̱r gorkir ye Magham ɓa. Tu̱ khogdiku ki zu̱m nda tu̱ mu̱ɗi.

Tlu̱nar ɓu̱ Pudeku 12:7

Fan ndu̱ fan, tu̱ nu̱ ru̱kti ɓu̱ Magham wut varan, tu̱ yarang shi wuti mbu̱ kibang. Kom tu̱ nu̱ ru̱ktang yakhta Biturus ve ku̱bdan tu̱ Biturus ji nu̱ viɗi. Tu̱ nu̱ ru̱ktang ze nda za, “Ju ɗau!” Tu̱ yakhlikwang ghu̱r ɓar ve qura bu̱nankwang.

Tlu̱nar ɓu̱ Pudeku 13:2

Sarchi nu̱ke a ghar ghai ye Magham a zhumti ku, tu̱ Jiimbi shakhshakhndi zu̱ za, “Wa ka ma Barnaba ndu̱ Shawulu ya nu̱ konggol ku̱me tlu̱nar nu̱ke nga shim ku̱ shi ya ku.”

Tlu̱nar ɓu̱ Pudeku 16:26

Fan ndu̱ fan tu̱ maa vu̱ghai shi yakhtar nggur maɗyikandi tu̱ yakhta maa nu̱ saki saari du̱ndi Zhaaru̱mang nu̱ ɗyinanang. Tu̱ me vi ku nu̱ zhaaru̱mang kap qu̱n vaanda, tu̱ yakhliku nu̱ gu̱nki nduki khiikandang gha si kwang kol vaanda.

Tlu̱nar ɓu̱ Pudeku 27:23

Ku̱me mbu̱ɗa nu̱ ru̱kti ngguri ɓu̱ Maghamndi ɓanga nu̱ke nga ghar ghai yenda, tu̱k wa ching sha.

Tlu̱nar ɓu̱ Pudeku 5:19

Tu̱ nu̱ ru̱kti ɓu̱ Magham a ɓa mbu̱ virkirang tu̱ qu̱n me virikwang nu̱gha tu̱ ngga wor gha, tu̱ ze wor za,

Romeku 11:14

nga sa memu̱nara, shir wanang ka sa nduki ɓang Yakhudeku tu̱ shi zhiri, tu̱ sa ɓeenanku ku̱ gwa ɗanari.

Romeku 13:6

Nang saki tun ki dli zhaanggali, ku̱me nu̱ kwaaɗarku ɗya nu̱ tlu̱narku ɓu̱ Magham nu̱ke a vu̱r sarchi ɓaanda kap ma kwaaɗa.

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

Romeku 15:27

Wa kasha shir wanang ku, aa nu̱ke taɗaranang a ɗyine wora. Mbu̱ke nduki nu̱ke ɗya Yakhudeku ɓa wa gwa me ɓaanda mbu̱ jiimbi nu̱ barke ɓu̱ Yakhudeku, wa ku̱s tu̱k nu̱ke ma ku̱ shakh ɗyin me khar wora ndu̱ Yakhudekwang.

Romeku 8:17

Yang nu̱ke chem qusonggi ɓaran, chem wa kha ma nu̱ gwar shakhti ɗye mbu̱ ge. Nang wa wut nu̱ ɗyine, chem ka gwa ɗye mbu̱ ge barkeku ɓu̱ Magham, chem a khar mu̱dlenki ndu̱ Masiya mbe shakhti ɗye mbu̱ gerang. Yang mbu̱ chem ka gwa zhaaji su̱yen ndu̱ Masiya wa ku̱s ku̱ zami bonye su̱yen ndu̱ chin.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

2 Korintiyeku 9:12

Ai, tlu̱nar mu̱nkir nu̱ke tun a shiran nang, a shaatakya nu̱ mbu Yesu ɗyenda ɓa, nduki a kuna Magham ku̱men.

Galatiyeku 3:29

Yang mbu̱ tun ɓu̱ Masiya, tun wa kha ma pooni ɓu̱ Yibram, tun ka gwa ɗye mbu̱ ge ɓu̱ Magham viɗ ɗyine alqawarang.

Galatiyeku 3:7

Yang ɗo, zu̱n man gha nu̱ ɗyine nduki nu̱ maitaki Magham wor ke qusonggi ɓu̱ Yibram.

Galatiyeku 3:9

Wanang tu̱k aaki maitaki Magham wa shi barke yenda, su̱yen ndu̱ Yibram nu̱ maito.

Afiseku 3:6

Ɗyi tukakandi nang, chin ke nduki nu̱ke ɗya Yakhudeku ɓa wa kha ma nu̱ gwar shakhti ɗye mbu̱ ge su̱yen ndu̱ chem Israileku nu̱ ku̱nshe Labar mbarkandi ɓu̱ Masiya Yesu. Yakhudeku ndu̱ nduki nu̱ke ɗya Yakhude ku ɓa wa kha wa me bar ɓu̱ man var da. Kom tu̱k ka gwa me ɓaanda mbu̱ alqawar nu̱ Magham shiki nu̱ ku̱nshe Masiya Yesu.

Filipiyeku 2:17

Vu̱rti zhire ɓaanu ndu̱ tlu̱nar nun shiki mbe Zhinerem gwaanji a khar wa dlar sadka yenda, yang aa tom ɓang mbu̱ɗki ku̱me sadke nang, ngga tu̱k mu̱ndan, tang kasha ndu̱ tun kap tu̱k.

Filipiyeku 2:25

Nga na wa shipa a ru̱k nga Apafaroditus. Ɗya khata ndu̱ mu̱dla mbu̱ tlu̱nar nu̱ke nga shiran, yang ɗya mu̱dla mbu̱ wute ɓang tu̱k, ɗya ye ru̱kti ɓaanu nu̱ke tun a ru̱kki nda ma ku̱ shi tlu̱nar ya.

2 Tasalonikeku 1:7

yang tun nu̱ke a vu̱r bonye ye nu kwang, ka maasonu, ndu̱ chem kap. Ɗyi nang ka shi ye fu̱ɗar nu̱ Zhinerem gwaanji Yesu ka ɗa ɓa ki mbu̱ viɗi su̱yen ndu̱ zhizhonggir ɓai du̱mbu̱rkandi, ndu̱ nu̱ ru̱ktiku ɓu̱ Magham rututundi ku.

Titus 3:7

Shi wanangang ma ku̱ gwa mi khar waare zop gume Magham nu̱ ku̱nshe mu̱nkir ɓaran, chem zu̱m ɗye mbu̱ ge nyifiri nu̱ke nu̱ka shi woɗa ɓa nu̱ke memu̱na rem saran ɗyinan.

Yibraniyeku 10:11

Aa nyi kuru wa ka ching gha aa nyi fu̱ɗa a tlu̱nar kuru ɓaran, yang pooni vu̱rti sadke nu̱ka shiki tu̱ gaɓ tu̱ nggu̱rang nu̱ka shiɓ sola ɓa.

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

Yibraniyeku 6:12

Nyem shim kha nu ma tu̱sku̱n ɓa, yang mbu ma ɗyin sari wor nu̱ke nu̱ ku̱nshe maito ndu̱ kanaɗyi tu̱ dlu̱ ɗye alqawar nu̱ Magham shiki ye wora.

Yibraniyeku 6:17

Wanang tu̱k, nu̱ Magham shimki ku̱ wut nji ye nduki nu̱ke a ma zu̱m ɗye mbu̱ ge alqawarang nu̱ ɗyine, shwat ɗyi nyin daki ye memu̱naran ɓu̱ shi paata ɓa. Wut zhire ɓu̱ alqawar nang nu̱ ku̱nshe ku̱mndar nu̱ shiki.

Yibraniyeku 8:6

Yang leendang wa vu̱r tlu̱nar kuru nu̱ dukki ɓaanda mbaari ye Yesu, ba nu̱ke alqawar nu̱ Yesu chingki nu̱ chele ɓu̱ Magham ndu̱ nduki. Alqawar taɗakandi nang wa duk mbaari ku̱me shir nda nu̱ ɗyine alqawar mbarkandi.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

1 Biturus 1:4

Yang chem a sa memu̱narem ye gwar ɗye mbu̱ ge nu̱ Zhinkir gwaanji du̱ngki gha viɗi ku̱me qusonggi ɓaran. Yang du̱ngdi nang nu̱ka mu̱tl ɓa, nu̱ka shi su̱bu̱r ɓa, yang ɗyiman ɓu̱ vi ɓar ɓa.

1 Biturus 3:7

Wanang tu̱k tun khuzuku, tun shi khar ɓaanu ndu̱ nusuku ɓaanu ndu̱ kwaari. Vu̱r ma gorkir ye wora, nu̱ke du̱mbu̱ran ku wa tun ɓa. Jiwa tun ndu̱ nusuku ɓaanu kap, tun dlu̱ mu̱nkir gwaanji nu̱ nyifiri ɓu̱ Magham su̱yen. Shi ma wanang ma ku̱ ɗyi nggur nggu̱tl barar ɓaanu gwar dlu̱r ɓa.

Yakhuda 1:14

Enok tu̱k, nu̱ke chin ke nu̱ mut ji ɗyin Adamu, Magham wa shi ɓalar nu̱ ku̱nshe nda ɗyine ndukiku nang. Tu̱ zu̱ za, “Nggu̱t ma ɓa, Zhinkir gwaanji a ɓar ndu̱ nduki shakhshakhndi ɓaran aru ku̱na shiga,

Ɗyin mbu̱ tukari 5:6

Tang na Ye Gamndi ba wa quran dlaran, chingndan tala ɗyine zhakhɗyang, kararan ndu̱ nu̱ nyifi ku vatndi nang nu̱ ndukkudaandikwang. Domndi ɓaranang mut ndu̱ yitiku mut, nu̱ke ɗya jiimbiku mutndi ɓu̱ Magham nu̱ ru̱kki wor nu̱ mbu̱ larji kap.