Yibraniyeku 1:13 - Mewar Alqawarang

¹³ Magham zu̱kya ye nyi nu̱ ru̱ktiku ɓaran za, “Khon ve ɗyin bu̱na nu̱ zu̱ma kope nga sa nu̱ kare ku ndu̱ to tu̱ kha ma ɗye khatli mbu̱ saaro ra?”

Yibraniyeku 1:13 ပူးပေါင်းရင်းမြစ်များ

Matta 22:44

“ ‘Zhinkir gwaanji wa ze Zhinkir ɓang gwaanji, “Khon ɗyin bu̱na nu̱ zu̱ma kope nga sa nu̱ ɗyine nu̱ zhangndiku ɓaaro.” ’

Markus 12:36

Yang Dauda wa zu̱ ndu̱ men nu̱ ku̱nshe Jiimbi Shakhshakhndi za, Magham wa ze Zhinkir ɓang gwaanji za, “khon ve bu̱na nu̱ zu̱ma, kope nga sa nu̱ zhangndi ɓaa ku, tu̱ kha ma ɗye du̱ngndi saroro.”

Luka 19:27

Gaanje nang tu̱k, a ɓa ma ndu̱ nu̱ kareku ɓang nu̱ zhangki za ku̱ kha nga ma kuji ɓaanda ɓa ndu̱ nang ya fan, tun tlagha wor nu̱gha gumera nga naran.’ ”

Luka 20:42

Ai Dauda ndu̱ men wa zu̱ mbu̱ Lagarkati Zabura za, ‘Zhinkir gwaanji wa ze Zhinkir ɓang gwaanji za, “Khon tleebi zu̱me ɓanga.

Tlu̱nar ɓu̱ Pudeku 7:55

Yang tu̱ Istafanus nyeedlan ndu̱ Jiimbi shakhshakhndi ghar yitan tu̱ nggu̱t maa viɗi, tu̱ na zhaaji ɓu̱ Magham ndu̱ Yesu chingndan ve bu̱n zu̱ma ɓu̱ Magham.

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Ɗyin mbu̱ tukari 20:15

Kap njif nu̱ke dlu̱man a nje mbu̱ Lagarkati Nyifiri ɓa, wa mbukti nda nu̱ mbu̱ giɗim ɓai.