Yaqub 5:16 - Mewar Alqawarang

¹⁶ Ku̱me nang zu̱ma zop ɓaanu ye yen, tun ki barar ye yen, ma ku̱ shaana nu. Barar ɓu̱ nu̱ dambu wa ka shi tlu̱nar ndu̱ zalale maɗyi.

Yaqub 5:16 ပူးပေါင်းရင်းမြစ်များ

Matta 21:22

Mbu̱ tun wa maita, aa nu̱m tun khuɗki she Magham mbe barari, tun ka gwa.”

Matta 3:6

a zu̱ solar ɓaanda, tu̱ ku̱s baptisme ye wora mbu̱ Gaawu Urdunang.

Markus 1:5

Tu̱ nduki nu̱ mbu̱ dlar ghai Yakhudiya, ndu̱ Urshalima kapa ɓa she nda a zu̱ solar ɓaanda tu̱ ku̱s baptisme ye wor mbu̱ Gaawu Urdun.

Luka 9:6

Tu̱ ɗu̱ ku a baara ghaiku, a wopa labar mbarkandang ndu̱ shaanar nu̱ khaatiku aa fu̱n.

Yokhana 9:31

Chem wa zu̱ni Magham nu̱ka tu̱k me nu̱ sola ɓa, yang wa ka tu̱k me njif nu̱ka gharki ghai yenda, a mbu̱ zu̱r ɓaran.

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 19:18

Tu̱ nduki khang nu̱ maitaki a ɓa ku a zu̱ ɗyi galkandi nu̱ wor shiki ye dalangi.

Tlu̱nar ɓu̱ Pudeku 8:24

Tu̱ Siman tlogha za, “Khuɗ ma Magham ya, ku̱ aa da mbu̱ ɗyiku nun zu̱ki nang kha ya wanang ɓa.”

Romeku 3:10

Ba wa nu̱ke a nje bu̱laran za, “Nu̱ dambu nje ɓa, a nje aa da shwat ɓa.

Romeku 5:19

Ba wa nu̱ nduki khang khaki ma nu̱ solar ku ku̱me zhangndi tu̱kti maa ɓu̱ nduk kaada, wanang tu̱k nduki khang ka kha waare sola gume Magham nu̱ ku̱nshe mburi zu̱r ɓu̱ Magham nu̱ nduk kaada shiki.

Kolosiyeku 1:9

Nang ke ɗyi nu̱ saki ba ye sarchi nyem tu̱kki labar nang, nyem laada shi barar ye nu ɓa. Chem a khuɗ Magham ku̱ wut shimndi ɓaran ye nu ye dalangi ma ku̱ gwa nu kaɗari ɓu̱ Jiimba, tun gwa dar mbu̱ aa nu̱m kap.

1 Tasalonikeku 5:17

Tun ki barar laada su̱ ɓa.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

1 Tasalonikeku 5:25

Nyeezaku, shi ma barar yerem.

Yibraniyeku 11:4

Maito saki tu̱ Khabila vu̱r sadke ye Magham nu̱ dukki ɓu̱ Kayinu mbaari. Shir wanangang saki tu̱ gwa dlu̱r she Magham nu̱ ɗyine chin nu̱ dambi, nu̱ke Magham wa dlu̱ sadke ɓaranang. Aa nu̱ke Khabila wa mu̱ɗi, yang a ɓalar ma ɓar meeni ku̱me maito ɓaran.

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

Yibraniyeku 12:13

Ku̱dma ma njiv mbarkandi ye saaronu ma ku̱ zu̱ɓtiku kwata zu̱ɓti ɓa, me ɓu̱ nang, ku̱ gwakya shaanar ku.

Yibraniyeku 13:18

Shi ma barar yerem. Chem wa maita nu̱ ɗyine nu̱ memu̱narem wut za chem wa shi zop ɓa. Chem a shim ku̱ shi mi ɗyi mbarkandi mbe tlu̱nar ɓaarem kap.

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

1 Yokhana 3:22

Chem wa ka gwa ɗyi nyem khuɗki she nda kap, ku̱me chem a mbu zu̱r ɓaran, chem a shi ɗyi nu̱ke a shimndan.