Yaqub 5:15 - Mewar Alqawarang

¹⁵ Barar nu̱ shiki ndu̱ maito ka shaana nu̱ khaatang. Zhinkir gwaanji ka shaana nda nu̱ gha. Mbu̱ wa shi sola, Magham ka yaapa nda.

Yaqub 5:15 ပူးပေါင်းရင်းမြစ်များ

Matta 17:20

Yang tu̱ Yesu tlogha ye wor za, “Ku̱me maito ɓaanu wa shi koɗomma. Zhire ngaa zu̱ran ye nu, mbu̱ maito khanu nu̱ khu̱lki ye pooni mastad, aa nu̱ke chin dukki aa nyi ye pooni koɗomme, tun ka ɗu̱ma zu̱ran ye dleng nang ku̱ ji ɓar fan ma yir fara, yang ka ji. Tun a nje ka ku̱naki nu ɓa.”

Yokhana 5:14

Qu̱rsan tu̱ Yesu a gwa nda mbu̱ Rafti ɓu̱ Maghamang tu̱ ze nda za, “Nggu̱tka, ta shaana! Shi na sola tu̱k ɓa, ma ku̱ ɗyi nu̱ dukki nang gwa ɓa.”

Yokhana 6:39

Yang njif nu̱ ɗa ru̱kki ngang nu̱ shim ku̱ mbu̱ɗ nga da chele nduki nyin vu̱rki ya ɓa, a shim nakha nga wor fu̱ɗar wuri.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

2 Korintiyeku 4:14

Jiwa chem wa zu̱n nu̱ ɗyine Magham nu̱ jiiki ndu̱ Zhinerem gwaanji Yesu ɓar mbe mu̱ti, ka ji ndu̱ chem ɓar su̱yen ndu̱ Yesu, tu̱ ɗa ɓa ndu̱ chem gume nda su̱yen ndu̱ tunu.

Yaqub 1:6

Yang ku̱ khuɗ ndu̱ maito, ku̱ kha memu̱naran rap rap ɓa, ku̱me njif nu̱ke memu̱naran rap rap wa shipa pu̱rsi ɗyim nu̱ke khu̱kheeti a piiran a yakhta nda nu̱ aa fu̱n.

Yaqub 5:13

Nduk a nje chele ɓaanu nu̱ke a mbu̱ bonye mu? Mbu̱ a nje ku̱ shi barari. Nduk a nje nu̱ke a kashar mu? Mbu̱ a nje ku̱ qa nji taazi makhtari.

Yaqub 5:16

Ku̱me nang zu̱ma zop ɓaanu ye yen, tun ki barar ye yen, ma ku̱ shaana nu. Barar ɓu̱ nu̱ dambu wa ka shi tlu̱nar ndu̱ zalale maɗyi.

Yaqub 5:20

Ku̱ zu̱n nu̱ gha, njif nu̱ ɗa gaɓki ndu̱ nu̱ sola ve njiva wa ɗana nyifi ɓu̱ nu̱ solarang ɓar mbe mu̱ti, ka kha ma njiv yaapar solarku khang maɗyi.