Yaqub 5:13 - Mewar Alqawarang

¹³ Nduk a nje chele ɓaanu nu̱ke a mbu̱ bonye mu? Mbu̱ a nje ku̱ shi barari. Nduk a nje nu̱ke a kashar mu? Mbu̱ a nje ku̱ qa nji taazi makhtari.

Yaqub 5:13 ပူးပေါင်းရင်းမြစ်များ

Matta 26:30

Nu̱ Yesu ndu̱ nu̱ mburi nda kwang qaki taazi, tu̱ vi ku tu̱ ɗu̱ ku mbu̱ Dleng qu̱far Zaitun.

Luka 22:44

Yang ku̱me Yesu a mbu̱ bonye, tu̱ zu̱m guma ndu̱ barar maɗyikandi nu̱ke ku̱rku̱ɗyi ɓaranang a kuɗari wa tom a jiti yaghai.

Luka 23:42

Tu̱ yang ze Yesu za, “Zhinerem gwaanji, to kwaari nga mbu̱ ta vi nu̱ mbu̱ kwaaɗar ɓaaro.”

1 Korintiyeku 14:15

Yang shi nga kya nu̱ma? Ngga shi barar ndu̱ jiimba, yang ngga shi tu̱k ndu̱ kwaari ɓanga. Ngga shi taazi gwaari dlu̱m Magham ndu̱ jiimba, yang ngga shi ndu̱ kwaari ɓang tu̱k.

1 Korintiyeku 14:26

Yang tun ka shi kim ɗo nyeezaku? Mbu̱ tun wa taba kap, yang njif nggur a qa taazi gwaari dlu̱m Magham, njif nggur a shikya shogar ɓara, njif nggur a ɓalar ndu̱ mewar me ghin, njif nggur a zu̱kya ɗyi nu̱ Magham wutki yenda. Yang ɓu̱ njif nggur a zu̱kya mbu̱ ɗyi nu̱ke nu̱ mewar me ghayang a zu̱ran, shi ma aa nu̱m ma ku̱ nduki gwa shaata tu̱ gor ku.

Afiseku 5:19

tun shi ɓalar ye yen ndu̱ ɓalarku nu̱ke a mbu̱ Zabura, ndu̱ taazi khamndi ku, ndu̱ taaziku nu̱ mbu̱ Jiimba. Tun ki qa taazi khamndi ku ndu̱ Zabure ye Zhinkir gwaanji ndu̱ memu̱na nu kap.

Yibraniyeku 5:7

Sarchi nu̱ke Yesu a mbu̱ larji, wa shi bararku ndu̱ khutiku ndu̱ ghoori ndu̱ ɗyim ghoori maɗyikandi. Wa shi bararku ɓaran ye Magham nu̱ke ka ɗu̱maki lawa nda ɓar mbe mu̱ti. Ku̱me ɗya nu̱ vu̱rti gorki mbe sawar Magham, tu̱ Magham tlogha su̱ barar ɓaran.

Yaqub 5:10

Nyeezaku, shoga ma she annabiku nu̱ shiki ɓalar mbu̱ dlu̱m Zhinkir gwaanji. Tun shoga pooni gu̱ndi memu̱nar ɓaanda mbe bonye.

Ɗyin mbu̱ tukari 14:3

A qa taazi mewakandi ku gume zhakhɗyang, ndu̱ gume du̱ngdiku vatndi nu̱ nyifiri ku nang, ndu̱ gume ndukkudaandikwang. Nduk a nje nu̱ke ka ɗu̱maki shoga taazi nang ɓa, kope nduki du̱pu won ndu̱ ɗyin vat qu̱m vatndi nu̱ gwaki ɗanar mbu̱ larji nang ɗyenda.

Ɗyin mbu̱ tukari 7:10

Tu̱ da su̱qur wor nu̱ viɗi a zu̱ran ku za, “Ɗana ɗya ɓu̱ Maghamndi ɓaarem, chin nu̱ke a nje kharan ɗyine zhakhɗyang kom ndu̱ Ye gamndang!”