Yaqub 4:11 - Mewar Alqawarang

¹¹ Nyeezaku, njig ma pu̱zi yen. Ku̱me aaki pu̱zki mu̱dlen nu̱ mbu Yesu, bai tu̱ du̱ng zop nggur nu̱ ɗyine nda gom, a pu̱zkya Bibiti ɓu̱ Magham, a du̱ngkya zop ye Bibiti ɓu̱ Magham tu̱k. Mbu̱ yang ta pu̱z Bibiti ɓu̱ Magham ta kha ma nu̱ zhangndi mburan gha. Kom ta gaɓ ndu̱ ɗyino ma nu̱ du̱ngndi zop ye bibitang tu̱k.

Yaqub 4:11 ပူးပေါင်းရင်းမြစ်များ

Luka 6:37

“Kuma nu aaki ɓa, yang nduk ɓu̱ kuma nu zum ɓa. Vu̱r nu zop ye aaki ɓa, yang nduk ɓu̱ vu̱r zop ye nu zum ɓa. Ndu̱m ma zop ɓu̱ aaki ye wora, wor tu̱k ka ndu̱m ye nu.

Romeku 2:1

Ku̱me nang, to nu̱ nggu̱ti mu̱dlo ndu̱ zop, ɓala kha ɓa, aa to ki. Ku̱me sarchi nu̱ke ta nggu̱t mu̱dlo nu̱ zop, ta dlakya kumar nu̱ ɗyine vaaro, ku̱me ɗyi nu̱ke ta kuma mu̱dlo ɗyinanang, nang ke ɗyi nu̱ke ta shiran tu̱k.

Romeku 2:13

Jiwa tu̱kti Bibitang ka saki tu̱ nduk kha ma nu̱ dambi gume Magham ɓa, tlu̱nar ɗyi nu̱ Bibitang zu̱ki ka saki tu̱ qa wor nu̱ dambi.

Romeku 7:7

Yang ɗa, chem ka zu̱ nyem za nu̱m ɗo? Bibitang ɗya sola mu? Wanang sar da ɓa! Mbu̱ ku̱me Bibitang ɓa, ngga zu̱n ɗyi nu̱ke ɗya sola kikimndana? Mbu̱ tu̱ga nu̱ bibitang zu̱ za, “Shi na melakh ɗyi ɓu̱ njif nggur ɓa” Ai, ngam ɓu̱ zu̱n nu̱m ke melakh ɗyi ɓu̱ njif nggur ɓa.

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

2 Korintiyeku 12:20

Nga sawa bai mbu̱ nga ɓa tang gwa tun wa mbu̱m tun kha zum ndu̱ ɗyi nang shimki nu si, tun yang gwa nga zum ndu̱ ɗyi nun shimki nga si tu̱k. Nga sawa gwa nu mbu̱ keele ndu̱ zhiri, ndu̱ memu̱nar malkandi ndu̱ ndolar ɗyin, ndu̱ pu̱zi nduki bam bam ndu̱ ndaane, ndu̱ dar ɗyin, ndu̱ rokhdlar maari.

Afiseku 4:31

Shakh ma ɗyinonu ndu̱ ɗyooti mbu, ndu̱ chiti memu̱na, ndu̱ shokhna, ndu̱ gangndi dakhlari, ndu̱ pu̱ziku bam bam, ndu̱ aa nyi pooni mu̱na.

1 Timoti 3:11

Ku̱ nusuki ɓaanda tu̱k kha ndu̱ zhaaji, ku̱ kha ma nu̱ gu̱ndi virki ku ɓa, ku̱ ku̱s vaanda tu̱ shi zhire mbe ɗyi nu̱ke a shiran ku kap.

2 Timoti 3:3

nu̱ song ndola, nu̱ khubti yen nu̱ mbu̱ memu̱na wora. Nu̱ su̱bu̱rti dlu̱m nduki, nu̱ song ku̱si ɗyin ku, nu̱ mu̱nar ku, nu̱ kare ku ndu̱ ɗyi mbarkandi.

Titus 2:3

Wanang tu̱k tun shoga ye geema nusuki ku̱ shi khar viti ku nu̱ shipaki ɓu̱ nusuki nu̱ mbu Yesu. Ku̱ kha ma nu̱ kotama ku ɓa, ku̱ zar ɗyema kha ma ɗye shir ɓaanda ɓa. Ku̱ shogakya ɗyi nu̱ke mbarkandi ɓara,

Yaqub 1:16

Nyeezaku, ndolarku ɓanga, ku̱ njig nu tu̱ njif nggur lamba nu ɓa.

Yaqub 1:19

Nyeezaku, ndolarku ɓanga, zu̱n ma nu̱ ɗyine wa shipa ku̱ aaki kha ma nu̱ tu̱kki ɓala ɗau, yang ku̱ kha ma nu̱ lau me ɓa, yang nu̱ wakho shokhna ɓa.

Yaqub 1:25

Yang njif nu̱ vu̱rki ɗyinan tu̱ laɓ mbu̱ shogar ɓu̱ Labar mbarkandi, nu̱ke ɗya njiv nyelkandi nu̱ka ɓa ki ndu̱ dli ɗyin. Yang nu̱ka tu̱k tu̱ mona ɗyen ɓa, tu̱ka var varan nu̱ si a tlu̱na ɗyi nu̱ zu̱ki, ka sa barke yenda mbu̱ ɗyi nu̱ke a shiran kap.

Yaqub 2:8

Ka shi mbar mbu̱ tun wa mbu bibiti nu̱ kwaaɗar ɓu̱ Magham nu̱ke a nje bu̱laran mbu̱ bu̱lar Ɓalar ɓu̱ Magham za, “Ndolo nu̱ bing ɓaaro wa vaaro.”

Yaqub 5:10

Nyeezaku, shoga ma she annabiku nu̱ shiki ɓalar mbu̱ dlu̱m Zhinkir gwaanji. Tun shoga pooni gu̱ndi memu̱nar ɓaanda mbe bonye.

Yaqub 5:7

Ku̱me nang, nyeezaku, shi ma khar kanaɗyi ma ɓar ye sarchi nu̱ke Zhinkir gwaanji ka ɗa gaɓki. Nggu̱t ma pooni kaɗanyi nu̱ke nu̱ ghuti ka shiki sarchi nu̱ke a bu dam ɓaran ku̱ vu̱r boote mbarkandi. Wa ka shi kaɗanyi tu̱ bu romndi nu̱ gumapaali ndu̱ nu̱ gana.

Yaqub 5:9

Nyeezaku, njig ma ruru chele ɓaanu, ma ku̱ kuma nu ɓa. Wonji nu̱ kumarang a shi bing ɓari, a nje me viri.

1 Biturus 2:1

Ku̱me nang shakh ma ɗyinonu ndu̱ aa nyi maatli khali, ndu̱ wollo, ndu̱ mu̱na ndu̱ zhiri, ndu̱ aa nyi pu̱ziku bam bam.