Yaqub 3:17 - Mewar Alqawarang

¹⁷ Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

Yaqub 3:17 ပူးပေါင်းရင်းမြစ်များ

Matta 23:28

Tun ba wanang, dam, ndukya na nu̱ wa tun nu̱ dambi, yang mbu fara, tun nyeedlan ndu̱ mu̱narku ndu̱ ɗye shir malkandi.

Matta 5:8

Barkya ve nduki nu̱ke memu̱na wor shakhshakh, ku̱me wor ka ɓa naki Magham.

Matta 5:9

Barkya ve nu̱ somtarku, ku̱me ka qa wor qusonggi ɓu̱ Magham.

Luka 21:15

Ku̱me nga vu̱r ɓalarku ndu̱ kaɗari ye nu nu̱ke nduk a nje chele ɓu̱ nu̱ zhangndi ɓaanu nu̱ke ka ɗu̱maki mbu̱m ɓalar ɓaanu nu̱ gha tu̱ keela ɗyi nun zu̱ki ɓa.

Luka 6:36

Tun kha ma nu̱ tu̱kti zhiyaye ba wa nu̱ke zhinonu nu̱ viɗi ɗya nu̱ nar zhiyaye.

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:47

Nu̱ Yesu naki Nataniyel a ɓar she nda tu̱ zu̱ za, “Na ma khuzi Israile zhirekandi nu̱ke song zhire nje mbe nda ɓa.”

Tlu̱nar ɓu̱ Pudeku 11:24

Barnaba ɗya nduk mbarkandi, nyeedlan ndu̱ Jiimbi shakhshakhndi ndu̱ maito. Tu̱ nduki khang a gaɓ nu̱ she Zhinerem gwaanji.

Tlu̱nar ɓu̱ Pudeku 9:36

Yang nu̱ mbu Yesu nggur a nje mbu̱ ghai Joppa dlu̱man za Tabita nang ke Dorka. Nokhzi nang wa shi mbarkir ye nduki tu̱ shaata nu̱ nungndi ku khang.

Romeku 12:18

Shi ma ɗyi nu̱ke tun ka ɗu̱maki kap, mbu̱ ka shi, tun kha mu̱n ndu̱ aaki.

Romeku 12:9

Bu ku̱ ndolar zhirekandi kha chele ɓaanu. Tun zhang ɗyi malkandi gha, tun khuɓ ɗyi mbarkandi maɗyi.

Romeku 15:14

Nyeezaku, nga ndu̱ ɗyina nga saida nu̱ ɗyine tun nu̱ mbarkir maɗyikandi, wonji tun nyeedlan ndu̱ zu̱ndi maɗyikandi tu̱k, tun wa khu̱l ma ku̱ shoga nu ye yen.

1 Korintiyeku 12:8

Njif nggur wa gwa vu̱rti nu̱ke ɓalar ɓaran aakochi nyeedlan ndu̱ kaɗari, nu̱ ku̱nshe Jiimbi shakhshakhndi, tu̱ njif nggur gwa ɓalar nu̱ke nyeedlan ndu̱ zu̱ndi nu̱ ku̱nshe chin Jiimbi dandi nang.

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Korintiyeku 6:6

Mbe khar wakakandi, mbe dar mbu̱ tunu, mbe kanaɗyi ndu̱ mbarki, nu̱ ku̱nshe Jiimbi ɓu̱ Magham ndu̱ ndolar zhirekandi.

2 Korintiyeku 7:11

Na ma ɗyi nu̱ su̱bu̱rti mbi nu̱ Magham njigki ku̱ gwaanu nang a ɓa ki si ye nu. Wa sa nu tun wut maa nu̱ke nun shi torop ɓa. Wa sa tun shi shokhnari, tun tu̱k sawar tu̱k. Wa sa tun sa memu̱na nu, nun ndola vaanu ɓa. Tun daasaran ma ku̱ wu nu aaki nu̱ shiki zop wa nu̱ shipaki. Ve ɓalar nang tun wa wut mbe anyi njiva nu̱ ɗyine nun shi zop ɓa.

2 Korintiyeku 9:10

Magham ke nu̱ vu̱r pooni ye nu̱ ghuti tu̱ kaɓi, tu̱ vu̱r ɗye zu̱mndi yenda tu̱k. Ku̱me nang Magham ka vu̱r ye pooni ye nu ma kaɓ nu, chin ka saki tu̱k tun ku̱m boote khang ku̱me dambi ɓaanu.

Afiseku 5:9

(ku̱me yarang ke nu̱ vu̱r boote maɗyikandi mbe tlu̱nar mbarkandi, ndu̱ khar dambi, ndu̱ ɓalar zhire)

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

1 Tasalonikeku 2:7

yang chem wa wut ɓu̱tokh memu̱na chele ɓaanu, ba wa nu̱ke manki ka nggu̱tki qusonggi ɓaran.

1 Timoti 5:21

Nga ɓalar nang yoro gume Magham ndu̱ Masiya Yesu ndu̱ nu̱ ru̱ktiku ɓu̱ Magham nu̱ datki, yang to mbu ɗyiku nang ndolar ɗyin su̱ ɓa, yang wut na ta shim njif nggur tu̱ duk njif nggur ɓa.

2 Timoti 2:24

Ku̱ nu̱ tlu̱nar ɓu̱ Magham kha ma nu̱ keele ɓa, ku̱ kha ma nu̱ mbarkir ye aaki, ku̱ kha ma njif nu̱ke ka ɗu̱maki shoga ɓara, yang nu̱ zhangndi nduk ɓa.

Titus 1:15

Aa nu̱m shakhshakh she nduki nu̱ke memu̱na wor shakhshakh. Yang tun a nje shakhshakh she nduki nu̱ zop nu̱ke nu̱ maita ku ɓa, ku̱me memu̱na wor ndu̱ kwaari ɓaanda zopan.

Titus 3:2

Ku̱ zu̱ ɓalar malkandi nu̱ ve aaki ɓa, ku̱ shi khar ɓaanda mbe qaandi memu̱na, ku̱ kha ku ndu̱ kadu̱ri ku̱ kha ma nu̱ ɗu̱bar memu̱nar nduki.

Yibraniyeku 12:11

Wuri nu̱ shiki yerem kap wa ka khaterem, nyem ka tu̱k mu̱ndan ye sarchi nang ɓa. Yang qu̱rsan wa ka nggoɗ nduku tu̱ kha ndu̱ dambi ndu̱ qaandi memu̱na mbu̱ nu̱ zhin wa shoga tun mban.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

Yaqub 1:17

Aa nyi vu̱rti mbarkandi, ndu̱ vu̱rti nyeelkandi a vi mbu̱ viɗi. A zhur she Magham Zhinkir nu̱ du̱ngki fu̱ɗa, ndu̱ chera ndu̱ anjinjeku kap. Yang chin nu̱ka shi nggot ɓa.

Yaqub 1:5

Mbu̱ ke nduk a nje chele ɓaanu nu̱ke kaɗari ve nda ɓa, ku̱ khuɗ Magham nu̱ka vu̱rki ye aaki kharan nggaran yang nu̱ka zham me nduk ɓa, ka vu̱r yenda.

Yaqub 2:13

Jiwa ye sarchi kumari, Magham ɓu̱ wut ɗaana ye nduki nu̱ke nu̱ ka shi ɗaanar ku ɓa. Yang ba, ɗaana ka ɓa raki kuma.

Yaqub 2:4

Ai nang, tun a wutkya ndola ye njif nggur tu̱ duk njif ngguri chele ɓaanu, tun a kumar ndu̱ kwaari malkandi ɓa goma?

Yaqub 3:15

Pooni kaɗari nang ɗya kaɗari nu̱ka ɓa ki viɗ ɓa, ɗya nu̱ larji. Ɗya nu̱ jiimba ɓa, ɗya ɓu̱ Sheɗan.

Yaqub 4:8

Kha ma bing ndu̱ Magham, Magham ka shi bing ndu̱ tunu. Tun nu̱ solar ku, tun kwaɗa ɗye shir ɓaanu tun kha wakaran. Tun nu̱ke memu̱nanu rap rap yang, shiɓ ma memu̱na nun gha

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 2:1

Ku̱me nang shakh ma ɗyinonu ndu̱ aa nyi maatli khali, ndu̱ wollo, ndu̱ mu̱na ndu̱ zhiri, ndu̱ aa nyi pu̱ziku bam bam.

1 Biturus 2:18

Maaviku, mbu ma zu̱r ɓu̱ zhinonu nu̱ rafa tun vu̱r zhaaji ye wor aa nyi sarchi, tun ka shi nang ye nduki nu̱ka shiki mbarkir ye nu ndu̱ nu̱ ɓu̱tokh memu̱na ɗyenda ɓa, shi ma ye nu̱ dakhla tu̱k.

1 Yokhana 3:18

Tun qusonggi ɓang nu̱ke nga ndolaran wut nu ndolar ɓaanu ve me ɗyenda ɓa, wut ma mbu̱ tlu̱nar ɓaanu ndu̱ shir zhire.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.