Yaqub 3:15 - Mewar Alqawarang

¹⁵ Pooni kaɗari nang ɗya kaɗari nu̱ka ɓa ki viɗ ɓa, ɗya nu̱ larji. Ɗya nu̱ jiimba ɓa, ɗya ɓu̱ Sheɗan.

Yaqub 3:15 ပူးပေါင်းရင်းမြစ်များ

Luka 16:8

“Tu̱ nu̱ rafti ɓu̱ nu̱ song zhiryang makhta nda ku̱me ghu̱rti nu̱ shikyang. Nduki nu̱ mbu̱ larji meeni wa duk nduki nu̱ kya mbu̱ yarang ghu̱rti mbu̱ pooni ɓaanda.

Yokhana 3:17

Ji Magham na ru̱k Yi ɓaran nu̱ mbu̱ larji ma ku̱ kuma larji ɓa, a ru̱k nda ma ku̱ larji ɗana nu̱ ku̱nshe nda.

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Tlu̱nar ɓu̱ Pudeku 13:10

tu̱ zu̱ za, “To yi ɓu̱ Sheɗan! Nu̱ zhangndi ɗyi nu̱ke toropndi! To nyeedlan ndu̱ nyiglar maari, ndu̱ mu̱na ɗyenda. Tom njig su̱bu̱r njiv toropndiku ɓu̱ Magham nu̱gha de?

Romeku 1:22

Aa nu̱ke a zu̱ran ku za wor ghu̱rtan, yang nggu̱bu̱ngan ku.

1 Korintiyeku 1:27

Magham wa dat ɗyiku nu̱ nduk tamanki za ɗya me nggu̱bu̱ng ma ku̱ nu̱ ghu̱rti ku nu̱ larji tu̱k kawa. Tu̱ dat ɗyiku nu̱ nduki naki wa du̱mbu̱r ɓaanda kata ma ku̱ nu̱ du̱mbu̱r ku tu̱k kawa.

1 Korintiyeku 2:14

Njif nu̱ke Jiimba kya zalale ndu̱ chin ɓa, ɓu̱ dlu̱ ɗyiku na viki she Jiimbi shakhshakhndi ɓa, ku̱me a na wa ɗya me nggu̱bu̱ng, yang ɓu̱ gwa mban tu̱k ɓa, ku̱me Jiimbyang ka saki tu̱ nduk gwa mban.

1 Korintiyeku 3:19

Me ghu̱rti ɓu̱ larji nang ɗya me nggu̱bu̱ng she Magham, ku̱me a nje bu̱laran za, “Wa ka ku̱s nu̱ ghu̱rti ku mbe shaandi ɓaanda.”

1 Korintiyeku 3:3

ku̱me aa leendang ɗye shir ɓaanu ɗya ɗye shir ɓu̱ manva ɓa goma? Ma nu̱ke tun a zhiri ɓu̱ yen, tun a dakhlar chele ɓaanu, ai nang wa wut za ɗye shir ɓaanu ɗya ɗye shir ɓu̱ man va, nun nggoɗ ɓa ku̱me tun a shikya ɗyi nu̱ke nduki a shiran.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

Filipiyeku 3:19

Yang ka su̱ya ku ye lauɗar san. Mbu wor ke maghamndi ɓaanda. A worol ku ndu̱ ɗye kawar nu̱ shiki ku. Ɗyin larji ke damtar ɓaanda.

2 Tasalonikeku 2:9

Nduk ka da mbu̱ ɓar ɓu̱ kuji tonggu̱rong nang nu̱ ku̱nshe tlu̱nar ndu̱ zalale ɓu̱ Sheɗan, ka shi ɗye lazhamku, ndu̱ ɗye saiduku, ndu̱ ɗyiku nu̱ke nduk nu̱ su̱n nu̱ naran ɓa.

1 Timoti 4:1

Nang ɗo, Jiimbyang wa wut ye dalangi za ye lauɗar su̱ qaandi virkirku ɓeeni nduki ka njig maita ɗyi nyem maitaki, tu̱ mbu jiimbiku nu̱ lambari ndu̱ shogar ɓu̱ khu̱kheetiku.

Yaqub 1:17

Aa nyi vu̱rti mbarkandi, ndu̱ vu̱rti nyeelkandi a vi mbu̱ viɗi. A zhur she Magham Zhinkir nu̱ du̱ngki fu̱ɗa, ndu̱ chera ndu̱ anjinjeku kap. Yang chin nu̱ka shi nggot ɓa.

Yaqub 1:5

Mbu̱ ke nduk a nje chele ɓaanu nu̱ke kaɗari ve nda ɓa, ku̱ khuɗ Magham nu̱ka vu̱rki ye aaki kharan nggaran yang nu̱ka zham me nduk ɓa, ka vu̱r yenda.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

Yakhuda 1:19

Wor ke nu̱ shakh ɗyinonu, ka mbukya shimndi ɓu̱ man va. Jiimbi shakhshakhndi a nje su̱yen ndu̱ wor ɓa.”

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 2:24

Yang ɓeeni nduki chele ɓaanu nu̱ke a Tiyatira nu̱ke nu̱ mbu shogar malkandi ɓaran nang ɓa. Yang nu̱ shoga ɗyiku nu̱ke a qaran za ashiriku kirkandi ɓu̱ Sheɗan ɓa (Nga zu̱ran ye nu, ngam ɓu̱ du̱ng taɗar ngguri nu̱ ɗyinonu ɓa.)

Ɗyin mbu̱ tukari 9:11

Kujiri a nje nu̱ke a kwaaɗar ɗyine wora, chin ke nu̱ ru̱kti nu̱ vu̱rki zalale yenda ɗyine me ge gargha mboɓongndang. Dlu̱man ndu̱ me Yakhuda ke “Abadon”, ndu̱ me Gu̱rik ɗya “Apoliyon” mban za, “Nu̱ Su̱bu̱rti”.