Yaqub 3:13 - Mewar Alqawarang

¹³ Yang ki chele ɓaanu ke nu̱ kaɗari ndu̱ dar mbu̱ tuna? Ku̱ nu̱ zhin wut ku̱nshe khar viti mbarkandi, ndu̱ tlu̱nar mbarkandi nyin ka shiki mbu̱ ɓu̱tokh memu̱nar nu̱ nduk ka gwaki mbe kaɗari.

Yaqub 3:13 ပူးပေါင်းရင်းမြစ်များ

Matta 11:29

Da ma zu̱r ɓanga tun shoga sha, ku̱me nga nu̱ katar ɗyin ndu̱ ɓu̱tokh memu̱na, tun ka gwa maasi ye nyifi ɓaanu.

Matta 21:5

“Zu̱ma ye nduki nu̱ Sikhiyona nun za, ‘Wonji kuji ɓaanu a ɓar she nu, ɗya nu̱ katar ɗyin, dlaran ɗyine kooro, a yir ɗyine ye kooro.’ ”

Matta 5:5

Barkya ve nu̱ katar ɗyin ku, ku̱me wor ka ɓa gwaki ɗye mbu̱ ge larji nu̱ ɗyin mban ku.

Matta 7:24

“Ku̱me nang, njif nu̱ tu̱kki ɓalar ɓang nang tu̱ shi tlu̱nar si, ka kha wa nu̱ kaɗari nu̱ du̱nki rafti ɓaran nu̱ ɗyin tandal.

1 Korintiyeku 6:5

Nga zu̱ nang ma ku̱ tu̱k nu kawa, yang alapa aa da nu̱ kaɗari nje chele ɓaanu nu̱ke ka ɗu̱maki somta nu mbu̱ ɗyi nggur wa vi nu̱ chele ɓu̱ nu̱ mbu Yesu ndu̱ mu̱dlen ɓa?

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Korintiyeku 8:24

Wut ma ndolar ye nduki nang, ku̱me tabar ɓu̱ nu̱ mbu Yesu ku nu̱ ɗa ru̱kki wor ka tu̱k ɗyi nun shiki, tu̱ zu̱n nu̱ ɗyine makhtar nu nu̱ke chem a shiranang ɗya zhire.

Galatiyeku 5:23

ndu̱ katar ɗyin, ndu̱ ku̱si ɗyin. Ai, Bibitang nu̱ nggu̱tl ɗyiku nang ɓa.

Galatiyeku 6:1

Nyeezaku, mbu̱ wa ku̱s nduk a sola, tun nu̱ke tun a sawa Magham, tun taata nda tun a gaɓ ndu̱ chin ye njivi. Yang ku̱rma vaanu, ku̱ gaɓti nu̱ mu̱dlonu ye njivang sa tun nggu̱ɗ nu̱ mbu̱ buuri zum ɓa.

Galatiyeku 6:4

Ku̱ aaki buu tlu̱nar nyin shiki tu̱ na ka. Mbu̱ mbari, kom ka kasha tlu̱nar mbarkandi nyin shikyang, ɓu̱ buu ɗyinan ndu̱ njif nggur ɓa.

Afiseku 4:2

Tun kha ndu̱ katar ɗyin tu̱ memu̱na nu kha ɓu̱tokh ndu̱ kanaɗyi, ndu̱ dlu̱r yen mbe ndolari.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Kolosiyeku 3:12

Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.

1 Timoti 4:12

Njig na tu̱ njif nggur ndu̱mndor ku̱me to woi ɓa, yang to kha ma ɗye shoga chele ɓu̱ nu̱ mbu Yesu ku, mbe ɓala, ndu̱ khar viti ɓaaro, ndu̱ wuti ndola, ndu̱ maito, ndu̱ khar viti shakhshakhndi.

1 Timoti 6:11

Yang to njif ɓu̱ Magham, shokh ɗyinor ndu̱ ɗyiku nang, to sa ɗyinor ma laɓ ɗyi toropndi, ndu̱ khar viti nu̱ke Magham a shimndan, ndu̱ maito ndu̱ ndola, ndu̱ sar memu̱na mbe kaɗanyi, ndu̱ ɗu̱bar memu̱na.

2 Timoti 2:25

Kom ku̱ wu nduki nu̱ke a kare ndu̱ shogar ɓaran mbe ɓu̱tokh memu̱na, bai Magham ka vu̱r maa ye wor tu̱ nggoɗ ku tu̱ zu̱n zhire.

Titus 3:2

Ku̱ zu̱ ɓalar malkandi nu̱ ve aaki ɓa, ku̱ shi khar ɓaanda mbe qaandi memu̱na, ku̱ kha ku ndu̱ kadu̱ri ku̱ kha ma nu̱ ɗu̱bar memu̱nar nduki.

Yibraniyeku 13:5

Shakh ma ɗyinonu ndu̱ ndolar mu̱zhin, tun gu̱n memu̱nanu ndu̱ ɗyi nu̱ke a kha nu. Wonji Magham wa zu̱ za, “Sar da ngam ɓu̱ njigto nu ɓa, alambu̱ram, ngam ɓu̱ yaɓti nu gha ɓa.”

Yaqub 1:21

Ku̱me nang, wos ma kap ɗye shir malkandi nu̱ solari ndu̱ pooni mu̱narku gha, tun dlu̱ ɓalar nu̱ kaɓki nu̱ mbu̱ memu̱na nu nu̱ka vu̱rki ɗanar ye nu ndu̱ ɓu̱tokh memu̱na.

Yaqub 2:18

Ai, njif nggur ka ɗu̱ma zu̱ran za, “To nu̱ maito, yang ɓang tlu̱na kya khara.” Nu̱ke wanangang, wut maito ɓaa ya nu̱ke tlu̱na su̱ ɓa ndang, ɓang ngga wut maito ɓang yoro nu̱ ku̱nshe tlu̱nar ɓanga.

Yaqub 3:1

Nyeezaku, ku̱ nduki khang chele ɓaanu shim khar ma maalu̱mku ɓa, ku̱me tun wa zu̱n nu̱ ɗyine chem nyem ka shogaki ɓalar ɓu̱ Magham ɓara, ka kuma rem gu̱rgu̱r tu̱ duk ɓu̱ ɓeeni nduki.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

1 Biturus 1:15

Yang nu̱ke Magham nu̱ qaki nu shakhshakh, tun kha shakhshakh tu̱k mbe ɗye shir ɓaanu kap.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

1 Biturus 3:4

Me ɓu̱ nang ku̱ viri ɓaanu kha ma viri nu̱ke a memu̱na nu, chin ke viri nu̱ ɓu̱tokh memu̱na ndu̱ ku̱si ɗyin, nu̱ke nu̱ka shi vi ɓar ɓa, yang ɗya ɗye zhaaji maɗyikandi she Magham.