Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaqub 2:5 - Mewar Alqawarang

5 Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

အခန်းကိုကြည့်ပါ။ ကော်ပီ




Yaqub 2:5
54 ပူးပေါင်းရင်းမြစ်များ  

Pugumku a na maari, zu̱ɓtiku a yiri, nu̱ khaati gwaanji kwa khar shakhshakh, tuurangku a tu̱k ɓalari, mu̱tikwang nakhari, nu̱ nungndiku a tu̱k labar mu̱nkandang.


“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.


Tu̱ ku̱s zu̱ran za, “Barkya ve nduki nu̱ zu̱nki katar ɓaanda mbu̱ jiimba, ku̱me kwaaɗar ɓu̱ Magham ɗya ɓaanda.


Nu̱ Yesu qaki ndukikwang khang nu̱ gume nda tu̱k, tu̱ ze wor za, “Tun kap gwa ma dlu̱mdonu ya mbari, tun daa mbu̱ ɗyi nu̱ke ngaa ma zu̱ran ye nu.


“Nang ke ɗyi nu̱ke ka gwaki aa nyi njif nu̱ tabaki gu̱nar ye varan yang gu̱naran she Magham ɓa.”


“Shi nu sawa ɓa tun shapir rakhndi, jiwa Zhinonu a kashari ma vu̱r nji kwaaɗarang ye nu.


“Sarchi mu̱ti ɓu̱ nu̱ khuti nang, tu̱ nu̱ ru̱ktiku ɓu̱ Magham da nda tu̱ ɗu̱ ndu̱ chin she Yibram (ye maa khar mu̱nkandi.) Gana fan, tu̱ nu̱ gu̱narang mu̱ɗ tu̱k, tu̱ pa nda gha.


“Tu̱ Yibram tlogha yenda za, ‘Yi ɓanga, mbu̱ ta kori, ta woɗa dlu̱ ɗye ɓi ɓa mbarkandi mbu̱ khar viti no shiki larji. Yang chin Liazaru za kya bonye, wonji yang meeni wa gwa du̱ngndi memu̱na, ɓa yang ta mbu̱ bonye.


Nga vu̱r zalale kwaaɗar ye nu leendang ba wa nu̱ Zhinkir ɓang vu̱rki ya.


Kom tu̱ Yesu dambu̱r nu̱ she nu̱ mburi nda kwa za, “Barkya ve nu tun nun ka naki katar ɓaanu mbe shir shimndi ɓu̱ Magham ku̱me kwaaɗar ɓu̱ Magham ɗya ɓaanu.


Tun wa na aa da chele ɓu̱ dlegumeku ndu̱ Pariseku wa maita nda mu?


Tu̱ tlogha za, “Nyeezaku ndu̱ zhinkirku ɓanga, gwa ma dlu̱mndonu ya! Magham nu̱ zhaaji wa wut ɗyinang ye zhikanerem Yibram sarchi nu̱ke a mbu̱ dlar ghai Mesopotamiya me ku̱ khan mbu̱ ghai Khaaran.


Yang nu̱ke chem qusonggi ɓaran, chem wa kha ma nu̱ gwar shakhti ɗye mbu̱ ge. Nang wa wut nu̱ ɗyine, chem ka gwa ɗye mbu̱ ge barkeku ɓu̱ Magham, chem a khar mu̱dlenki ndu̱ Masiya mbe shakhti ɗye mbu̱ gerang. Yang mbu̱ chem ka gwa zhaaji su̱yen ndu̱ Masiya wa ku̱s ku̱ zami bonye su̱yen ndu̱ chin.


Yang a nje bu̱laran ba wanang nu̱ zu̱ki za, “Ɗyi nu̱ Magham daasaki ye nduki nu̱ke a ndola nda nang, ɗya ɗyi nu̱ke nduk a nje nu̱ naki sar da ɓa, yang nduk a nje nu̱ tu̱kki ɓa. Yang nduk a nje nu̱ korki ka shi tun wanang ɓa.”


Ɗyiku nang shi kap ma ku̱ gwa nu boote ni, ma ku̱ nduki khang na mu̱nkir ɓu̱ Magham tu̱ kuna nda, tu̱ gwa zhaaji.


chem a su̱yen ndu̱ chiti mbu yang ba chem a kashari. Aa nu̱ke chem nungndan, yang chem sa nduki khang tu̱ shi gu̱na. Wa tun kha rem ɓa, yang aa nu̱m kap ɗya ɓaarem.


Tun wa zu̱n mu̱nkir ɓu̱ Zhinerem gwaanji Yesu Masiya. Aa nu̱ke gu̱naran, tu̱ gaɓ ndu̱ ɗyinan ma nu̱ nugun ku̱me tunu. Ma ku̱ kha nu gu̱naran gume Magham nu̱ ku̱nshe nungndi ɓaran.


Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.


Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.


Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.


Ɗyi nang kap a wutan za kumar ɓu̱ Magham ɗya kumar zhirekandi. Ma ku̱ gwa nu ku̱ shiga nu nu̱ mbu̱ nduki nu̱ke ka khaki nu̱ mbu̱ kwaaɗar ɓu̱ Magham. Ku̱me bonye nu̱ke tun a zaranang, tun a zaran ku̱me kwaaɗar ɓu̱ Magham.


Ze wor ku̱ shi me mbarkirku, tu̱ kha gu̱naran tu̱k mbe tlu̱nar mbarkandi, ku̱ ki vu̱rtan ye nduki khar wor nggaran, nu̱ shimndi shakhti ɗyi ɓa nda ndu̱ nduki.


Zhinkir gwaanji ka lawa nga ɓar mbe aa nyi ɗyi malkandi, ka khutlo nga, tu̱ ɗu̱ ndu̱ nga mbu̱ kwaaɗar ɓaran mbu̱ viɗi. Ku̱ zhaaji kha nda koɗokhsi shwat ɓa! Amin.


Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.


Nu̱ke wa sa memu̱naran nu̱ ɗyine ɗye ɓi nu̱ke a guma, tu̱ da bonye nyin zaki ku̱me Masiya ma ɗyi mbarkandi nu̱ dukki gu̱nar nu̱ke a mbu̱ ghai Masar.


Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.


Nyeezaku, ndolarku ɓanga, ku̱ njig nu tu̱ njif nggur lamba nu ɓa.


Nyeezaku, ndolarku ɓanga, zu̱n ma nu̱ ɗyine wa shipa ku̱ aaki kha ma nu̱ tu̱kki ɓala ɗau, yang ku̱ kha ma nu̱ lau me ɓa, yang nu̱ wakho shokhna ɓa.


Ku̱ mu̱dlerem nu̱ke nungndan chele ɓaarem shi wakhti nu̱ ɗyine Magham wa vu̱r zhaaji yenda.


Yang chem a sa memu̱narem ye gwar ɗye mbu̱ ge nu̱ Zhinkir gwaanji du̱ngki gha viɗi ku̱me qusonggi ɓaran. Yang du̱ngdi nang nu̱ka mu̱tl ɓa, nu̱ka shi su̱bu̱r ɓa, yang ɗyiman ɓu̱ vi ɓar ɓa.


Shir wanang ka sa tun gwa gaɗar mbarkandi ma viri nu̱ mbu̱ kwaaɗar ɓu̱ Zhinerem gwaanji nu̱ke nu̱ka shi woɗa ɓa ndu̱ nu̱ Nu̱ Ɗanar rem Yesu Masiya.


Nga zu̱n bonyeku nu̱ke ta mban ndu̱ nungndi ɓaaro, yang to gu̱naran (mbu̱ Jiimba). Nga zu̱n pooni su̱bu̱rti dlu̱m nu̱ke nduki nu̱ka qaki vaanda za wor Yakhudeku yang wanang ɓa, ɗya kib ghaari ghai ɓu̱ Sheɗan ku.


Njif nu̱ raki wute nang kap ka gwa ɗye mbu̱ ge khara, tang kha ma Maghamndi ɓaran, tu̱ kha ma yi ɓang tu̱k.


Nga vu̱r sawari yoro, ku̱ masa na ginarwe sha, ginarwe nu̱ shiɓki nu̱ gha ndu̱ ɓai, ma ku̱ gwa na gu̱nari, ndu̱ luktiku ɓongndi to san ve vaaro ma ku̱ za na kawar ɓu̱ so nu̱ke a nje nggaran nang. Moso kuzhi khaati yiti sha to san ve yitoro, ma ku̱ yitor na maari.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ