Yaqub 2:18 - Mewar Alqawarang

¹⁸ Ai, njif nggur ka ɗu̱ma zu̱ran za, “To nu̱ maito, yang ɓang tlu̱na kya khara.” Nu̱ke wanangang, wut maito ɓaa ya nu̱ke tlu̱na su̱ ɓa ndang, ɓang ngga wut maito ɓang yoro nu̱ ku̱nshe tlu̱nar ɓanga.

Yaqub 2:18 ပူးပေါင်းရင်းမြစ်များ

Romeku 14:23

Yang njif nu̱ke memu̱naran rap rap ɗyine ɗyi nu̱ke chin a zu̱mndan, a dutkya kumar ɓu̱ Magham ye ɗyinan mbu̱ wa zu̱mi, ku̱me ɗyi nu̱ke a shiranang a shiran mbe maito ɓa. Yang ɗyi nu̱ nduk shiki kap nu̱ke shi ku̱me chin wa maita ɗyen ɓa, ɗya sola.

Romeku 3:28

Jiwa chem wa na nu̱ ɗyine nduk ka gwa khar waare sola gume Magham nu̱ ku̱nshe maito, nduk nu̱ka gwa nda nu̱ ku̱nshe mburi Bibitang ɓa.

Romeku 4:6

Nang ke mbu̱ ɓalar nu̱ Dauda zu̱ki ɗyine barke nu̱ke a ve njif nu̱ Magham qaki nda nu̱ dambu. Yang a ve tlu̱nar nu̱ njifang shiki ɓa. Nu̱ zu̱ki za,

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Romeku 9:19

Yang bai njif nggur ka zhamndi nga za, “Mbu̱ wanang nu̱m saki tu̱ Magham ka na zop ɓaaremang na? Ki ka ɗu̱maki zhang ɗyi nu̱ Magham shimki ku̱ na nda sa na?”

1 Korintiyeku 13:2

Aa nga ka zu̱ ɓalar ɓu̱ Magham, tang zu̱n ɗyi tukakandi kap, tang shi zu̱ndi ɗyine tun kap, aa maito ɓang maɗyi wa nu̱m gom, nu̱ke ngga ɗu̱ma ɓu̱t dlengku, yang za nga nu̱ ndola ɓa, nga aa nu̱m ɓa.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

Titus 2:7

Mbe aa nyi tunu to kha ma nduk nu̱ tlu̱nar ɗyi mbarkandi, tu̱ nduki ka shoga sho ro. To shi shogar ɓaaro ndu̱ ku̱si ɗyin to vu̱r va nu̱ si,

Yibraniyeku 11:31

Maito saki tu̱ man mu̱nggu̱l nu̱ka qaki nda za Rakhab ɗana, nu̱ mu̱t su̱yen ndu̱ nu̱ song maito ku nang ɓa, nu̱ke wa dlu̱ nu̱ nggu̱ti maa ku mbu̱ su̱nggaɗa wa ɗya raptan ku.

Yibraniyeku 11:33

Maito saki tu̱ nduki nang ra kwaaɗarku, tu̱ shi tlu̱nar dambi ku, tu̱ dlu̱ ɗyiku nu̱ shiki alqawaran. Tu̱ nduki nang za me mu̱zamndiku nu̱ gha,

Yibraniyeku 11:6

Nduk ɓu̱ gwa dlu̱r she Magham waare maito ɓa, ku̱me wa ku̱s ku̱ njif nu̱ songki bing ndu̱ Magham maita nu̱ ɗyine Magham a nje, yang chin ka ɓiiki nduki nu̱ke a laɓ maa nu̱ chin kap.

Yaqub 2:14

Nyeezaku, a fu̱n boote ku̱ nduk zu̱ za chin wa maita yang tlu̱nar ɓaran nu̱ wut wanang ɓa? Pooni maito ɓaran nang ka ɗana nda shoɗa?

Yaqub 3:13

Yang ki chele ɓaanu ke nu̱ kaɗari ndu̱ dar mbu̱ tuna? Ku̱ nu̱ zhin wut ku̱nshe khar viti mbarkandi, ndu̱ tlu̱nar mbarkandi nyin ka shiki mbu̱ ɓu̱tokh memu̱nar nu̱ nduk ka gwaki mbe kaɗari.