Yaqub 2:14 - Mewar Alqawarang

¹⁴ Nyeezaku, a fu̱n boote ku̱ nduk zu̱ za chin wa maita yang tlu̱nar ɓaran nu̱ wut wanang ɓa? Pooni maito ɓaran nang ka ɗana nda shoɗa?

Yaqub 2:14 ပူးပေါင်းရင်းမြစ်များ

Matta 5:20

Jiwa nga zu̱ran ye nu, mbu̱ nun duk Maalu̱mku ndu̱ Pariseku ndu̱ jeembu ɓa shwat tun ɓu̱ vi nu̱ mbu̱ kwaaɗar ɓu̱ Magham ɓa.

Luka 3:11

Tu̱ Yokhana tlogha ye wor za, “Njif nu̱ke luktiku a nje kha nda rap, ku̱ vu̱r dandang ye mu̱dlen nu̱ kya nje kha nda ɓa, njif nu̱ke ɗye zu̱mndi a nje kha nda tu̱ shaata mu̱dlen si.”

Luka 6:49

Yang aa nyi nduk nu̱ tu̱kki ɓalar ɓang, tu̱ zhang khutloran gha, wa shipa njif nu̱ du̱nki rafti ɓaran nu̱ ɗyin wuɗyiri. Nu̱ zoɗar a ɓa ki, tu̱ nyel nu̱ sa kibang, tu̱ ra su̱ kiba nu̱gha, tu̱ kiba gu̱ɗa ru̱m, gu̱ɗar malkandi.”

Tlu̱nar ɓu̱ Pudeku 15:9

Nu̱ shakh chele ɓaarem ndu̱ wor ɓa, ku̱me wa sa memu̱na wor tu̱ kha shakhshakh nu̱ ku̱nshe maitar Yesu nu̱ shiki ku.

Tlu̱nar ɓu̱ Pudeku 8:13

Tu̱ Siman ndu̱ ɗyinan maita. Qu̱rse nu̱ shiki baptisme yenda tu̱ ki mbu Filibus aa fu̱n a na ɗye lazhamku ndu̱ ɗye saiduku nu̱ke a shiranang tu̱ shi lazham maɗyi.

Tlu̱nar ɓu̱ Pudeku 8:21

Tun a nje nu̱ tabaki ndu̱ tlu̱nar nang ɓa, ku̱me memu̱na torop she Magham ɓa.

Romeku 2:25

Mbu̱ ta ka mbu Bibitang, dlarsi nu̱ shiki yorang wa kha ndu̱ boota. Mbu̱ yang no ka khutlo Bibitang ɓa, dlarsi nu̱ shiki yorang wa kha bam.

1 Korintiyeku 15:2

Tun gwa ɗanar ku̱men, mbu̱ tun wa khuɓ ɓalar nang zu̱ki ye nu mbari, mbu̱ wanang ɓa maito ɓaanu wa kha bam.

1 Korintiyeku 16:22

Kap njif nu̱ke a shim Zhinerem gwaanji ɓa ku̱ Magham mi barke ɓaran. A ɓo, Zhinerem gwaanji.

Galatiyeku 5:13

Nyeezaku, ɓaanu qa nu ma ku̱ ɗyinonu vi. Yang shi ma laya laya ma ku̱ vi ɗyin nun gwaki nang kha ma njiv mbu shimndi ɓu̱ manva ɓa. Me ɓu̱ nang bu ku̱ sa tun shi tlu̱nar wuti ndolar ye yen.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

1 Tasalonikeku 1:3

Chem a kor tlu̱nar maito ɓaanu gume Maghamndi ɓaarem, ndu̱ Zhinkir ɓaarem, ndu̱ wute nu̱ke tun a san ku̱me ndola. Kom ndu̱ sar memu̱nar mbe kanaɗyi ku̱me sar memu̱nar nun shiki ɗyine Zhinerem gwaanji Yesu Masiya aakochi.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

1 Timoti 4:8

Ɗakhti mbu̱ va boota su̱ koɗom, yang khar viti nu̱ke Magham a shimndan boota su̱ ve aa nyi njiva, ku̱me wa shi alqawar barke ye nduk mbu̱ khar viti ɓaarem fan larji ndu̱ fu̱ɗar wuri.

Titus 1:16

A zu̱ran ku ndu̱ me wor za wor wa zu̱n Magham, yang tlu̱nar ɓaanda wa ngga yen ndu̱ zu̱ndi Magham. Wa kha ma ɗye zhaane ku, nu̱ zhangndi tu̱kti maa, nu̱ shipa shir ɗyi mbarkandi ku ɓa.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

Yibraniyeku 11:17

Maito saki Yibram, sarchi nu̱ buuki nda, tu̱ vu̱r Yishaku ɓar ma dla sadke. Nang wa wut nu̱ ɗyine chin nu̱ dlu̱ki alqawarang wa daasa ma vu̱r nji woi ɓaran kaada fengtu̱lengndang ɓara.

Yibraniyeku 13:9

Ku̱ njig nu tu̱ mewar shogarku sa tun gal gha ɓa. Wa shipa ku̱ memu̱narem kha shokhku̱rokh nu̱ ku̱nshe mu̱nkir ɓu̱ Magham, yang nu̱ ku̱nshe mbu me ghai zu̱mndi ɗye zu̱mndi tu̱khu̱l ku ɓa. Pooni nang boota su̱ ye nduki nu̱ zu̱mki ɓa.

Yaqub 1:16

Nyeezaku, ndolarku ɓanga, ku̱ njig nu tu̱ njif nggur lamba nu ɓa.

Yaqub 2:16

Tu̱ yang da chele ɓaanu ze wor za, “Kha ma laya, ku̱ Magham vu̱r ɗye zu̱mndi ndu̱ ɗye sar ye nu,” yang nu̱ vu̱r aa nu̱m ye wor nu̱ke man var wor a gangndanang ɓa. Ɓalar nu̱ zu̱ki nang ka boota wor ve nu̱ma, nu̱ke nu̱ vu̱r ɗyi nu̱ke a gangndan kwang ye wor ɓa?

Yaqub 2:18

Ai, njif nggur ka ɗu̱ma zu̱ran za, “To nu̱ maito, yang ɓang tlu̱na kya khara.” Nu̱ke wanangang, wut maito ɓaa ya nu̱ke tlu̱na su̱ ɓa ndang, ɓang ngga wut maito ɓang yoro nu̱ ku̱nshe tlu̱nar ɓanga.

Yaqub 2:26

Ku̱me nang ba wa nu̱ke man var nduk nu̱ke nyifi su̱ ɓa mu̱tan, wanang tu̱k maito nu̱ke tlu̱na su̱ ɓa mu̱tan.

2 Bitu̱rus 1:5

Ku̱me nang, tun shi ɗyi nu̱ke tun ka ɗu̱maki shiran kap ma shaata mbarkir nu̱ ɗyine maito ɓaanu. Tun shaata zu̱ndi ɗyiku ɓu̱ Magham nu̱ ɗyine mbarkir ɓaanu.