Yaqub 1:27 - Mewar Alqawarang

²⁷ Ghaari ghai nu̱ke wakaran nu̱ zhire she Magham Zhinki, chin ke, ku̱ nduk nggu̱t ku̱du̱wku ndu̱ maryirku mbu̱ bonye nu̱ke a zaran ku, kom ku̱ nduk waka varan ɓar mbe pooni khar viti malkandi nu̱ larji nang.

Yaqub 1:27 ပူးပေါင်းရင်းမြစ်များ

Matta 12:32

Aaki zu̱ki ɓalar ndu̱mndi nu̱ ve Yi ɓu̱ nduku, ka yaapa yenda, yang aaki zu̱ki ɓalar ndu̱mndi nu̱ ve Jiimbi shakhshakhndi ɓu̱ ndu̱m yenda ɓa, aa mbu̱ qaandi virkirku nang aa fu̱ɗar wuri.

Matta 5:8

Barkya ve nduki nu̱ke memu̱na wor shakhshakh, ku̱me wor ka ɓa naki Magham.

Luka 1:6

Ku̱lmbu̱r ɓaanda ɗya nu̱ sawar Magham ku, wa ka khutlo Wopar ɓu̱ Magham ndu̱ zu̱r ɓaran wa nu̱ shipaki.

Romeku 12:2

Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

Romeku 2:13

Jiwa tu̱kti Bibitang ka saki tu̱ nduk kha ma nu̱ dambi gume Magham ɓa, tlu̱nar ɗyi nu̱ Bibitang zu̱ki ka saki tu̱ qa wor nu̱ dambi.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Galatiyeku 3:11

Ɗyi nang a ye dalangi, nduk a nje ka khaki nu̱ dambi she Magham nu̱ ku̱nshe khutlo bibitang ɓa. Ku̱me a nje bu̱laran za, “Nu̱ jeembu ka gwa ɗana nu̱ ku̱nshe maito.”

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Galatiyeku 6:14

Yang ngam ɓu̱ shi wakhti sar da ɓa. Aa ngga shi, buka shi nga ndu̱ qu̱far kaatli ɓu̱ Zhinerem gwaanji Yesu Masiya. Jiwa mu̱ti ɓaran ɗyin qu̱far kaatlang saki tang mu̱t ye shimndi ɗyin larji tu̱ ɗyin larji kha mu̱tan sha.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

1 Timoti 5:4

Mbu̱ yang qusonggya nje kha ku̱du̱wang, aa ɗya zhikankirku, ku̱ qusonggyang nggasi shoga tlu̱nar ghaari ghai ɓaanda nu̱ ku̱nshe nggu̱ti kheeti ɓaanda. Shir wanang ka sa ku̱du̱wang tu̱ gwa shaatar ku ba wa nu̱ shaataki wor guma fara. Magham wa ka tu̱k mu̱ndan maɗyi.

Titus 2:12

Mu̱nkir nang a shogaran yerem za, ku̱ zhang mi ɗye shir ku nu̱ke ɗya ɓu̱ Magham ɓa, ndu̱ shimndi ɗyiku nu̱ larji gha, chem ku̱s ɗyinerem, chem kha ma nu̱ dambi, ndu̱ pooni ɗye shir ɓu̱ Magham mbu̱ larji nang.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

Yaqub 3:9

Chem ka kham Zhinkir gwaanji Zhinerem si, yang chem ka pu̱z nduki nu̱ Magham shiki wor mbu̱ shipar ɓaran si tu̱k.

Yaqub 4:4

Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.

2 Bitu̱rus 1:4

Nu̱ Ku̱nshe ɗyiku nang wa vu̱r alqawarku ɓaran gwaanji ku nu̱ zhaaji, ma ku̱ gwa nu me Maghamndi ɓaran nu̱ ku̱nshe ɗyiku nang, tun lawa mbe mu̱narku nu̱ke a larji nu̱ke shimndi ɗyiku malkandi ka ɓa ki si.

2 Bitu̱rus 2:20

Mbu̱ nduk wa zu̱n nu̱ ɗyine Zhinerem gwaanji Yesu Masiya ke nu̱ ɗana rem, tu̱ lawa mbe ɗye shir malkandi nu̱ larji nu̱ka saki tu̱ nduk gal gha. Tu̱ yang gaɓ nu̱ mbu̱ pooni ɗye shir malkandi ku nang qu̱rsan, tu̱ ɗyen duk du̱mbu̱r ɓaran, khar viti ɓu̱ njif nang ka duk nu̱ gumapaali maatli maɗyi.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

1 Yokhana 5:18

Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.