Yaqub 1:25 - Mewar Alqawarang

²⁵ Yang njif nu̱ vu̱rki ɗyinan tu̱ laɓ mbu̱ shogar ɓu̱ Labar mbarkandi, nu̱ke ɗya njiv nyelkandi nu̱ka ɓa ki ndu̱ dli ɗyin. Yang nu̱ka tu̱k tu̱ mona ɗyen ɓa, tu̱ka var varan nu̱ si a tlu̱na ɗyi nu̱ zu̱ki, ka sa barke yenda mbu̱ ɗyi nu̱ke a shiran kap.

Yaqub 1:25 ပူးပေါင်းရင်းမြစ်များ

Luka 11:28

Tu̱ Yesu tlogha yenda za, “Nduki nu̱ ka tu̱kki ɓalar ɓu̱ Magham tu̱ tlu̱na wa duk ndu̱ barke.”

Yokhana 13:17

Nu̱ke tun wa zu̱n ɗyi ku nang leendang tun ka shi barka mbu̱ tun wa tlu̱na.

Yokhana 8:36

Ku̱me nang, mbu̱ woyang wa dli ɗyinonu, tun ka gwa dli ɗyin zhirekandi.

Tlu̱nar ɓu̱ Pudeku 13:43

Nu̱ tabarang lakhtaki, tu̱ Yakhudeku khang ndu̱ nduki nu̱ke ɗya Yakhudeku ɓa yang wa vi nu̱ mbu̱ ghaari ghai ɓu̱ Yakhudekwang mbu gaanje Bulus ndu̱ Barnaba. Tu̱ yang shi ɓalar ndu̱ wora tu̱ pa du̱mbu̱r ye wor ku̱ zu̱m guma ndu̱ khar viti ɓaanda mbu̱ mu̱nkir ɓu̱ Magham.

Tlu̱nar ɓu̱ Pudeku 2:42

Tu̱ vu̱r vaanda ye shogar ɓu̱ Pudekwang ndu̱ khar ndu̱ yen, ndu̱ zu̱mndi ɗye zu̱mndi su̱yen kom ndu̱ barari.

Tlu̱nar ɓu̱ Pudeku 26:22

Yang tu̱ Magham shaata nga ma ɓar meeni, nang ke ɗyi nu̱ saki nga saidu nang ye nduki rututundi ndu̱ nu̱ katar du̱mbu̱r. Nga zu̱kya ɗyi nggur zum ndu̱ ɗyi nu̱ annabiku ndu̱ Musa zu̱ki za ka ɗatlang ɓa.

Romeku 11:22

Chem ka na me mbarkir ɓu̱ Magham ndu̱ chingndi gha shanggu̱ɗang nu̱ka shiki ve nang. Wa kha shanggu̱ɗang ɗyine nduki nu̱ njimki, tu̱ yang wut mbarkir ɓaran yoro, mbu̱ ta zu̱m guma mbe mbarkir ɓaranang. Mbu̱ yang no zu̱m guma su̱ ɓa, ka ku̱rta ɓar tu̱k ve man qu̱farang.

Romeku 2:13

Jiwa tu̱kti Bibitang ka saki tu̱ nduk kha ma nu̱ dambi gume Magham ɓa, tlu̱nar ɗyi nu̱ Bibitang zu̱ki ka saki tu̱ qa wor nu̱ dambi.

Romeku 7:12

Ku̱me nang chin bibitang shakhshakh, zu̱r ɓu̱ Magham shakhshakh, torop, yang mbar tu̱k.

Romeku 8:15

Jiwa Jiimbi nu̱ vu̱rki ye nwang ɗya nu̱ khar maava ɓa, nu̱ke tun ka tu̱kki sawa ɓa. Ɗya Jiimbi nu̱ gaɓki ndu̱ chem ma qusonggi ɓu̱ Magham, chem a qa Magham, nyem za, “Aba! Zhinki!”

Romeku 8:2

Nu̱ke bibiti ɓu̱ Jiimbi nu̱ka vu̱rki nyifiri wa lawa nga mbe bibiti solar ndu̱ mu̱ti nu̱ ku̱nshe Masiya Yesu.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

2 Korintiyeku 13:5

Buu ma ɗyinonu ma zu̱n nu mbu̱ tun a mbu Masiya Yesu mbe zhire; tun ki buu ɗyinonu. Alapa nun zu̱n za Masiya a nje mbe nu ɓa goma? A nje shwat, mbu̱ nun nggu̱ɗ mbu̱ buuri nang ɓa.

Galatiyeku 2:4

Ɓalar ku̱ nduk dla san nu̱gha nang a vi she nduki nu̱ kotaran ku za wor nyeezerem, nu̱ ɗa viki nu̱ chele ɓaarem mbu̱ tuka. Yang a vi ku ma su̱bu̱r dli ɗyin nyem gwaki nu̱ ku̱nshe Masiya Yesu nu̱ gha. A shim gaɓ ndu̱ chem ku ma maava,

Galatiyeku 5:1

Masiya dli ɗyineremang ma ku̱ kha mi vaarem zu̱ran. Ku̱me nang tun ching gha shaanggu̱ɗang, vu̱r nu vaanu ma tlu̱nar maava tu̱k ɓa.

Galatiyeku 6:2

Da ma kuɗar ɓu̱ yen, shir wanangang ka sa tun nyel bibiti ɓu̱ Masiya.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

1 Timoti 2:15

Yang kap ndu̱ nang ka ɗana nusuku nu̱ ku̱nshe khar qusongga, mbu̱ wa zu̱m guma mbu̱ maito ndu̱ ndola ndu̱ khar shakhshakhndi, ndu̱ ku̱si ɗyin.

1 Timoti 4:16

To ku̱r vaaro ndu̱ shogar nu̱ke ta shiran. Gu̱n soro to zu̱m guma ndu̱ ɗyiku nang, ku̱me mbu̱ ta shi wanang, to ka ɗana vaaro ndu̱ nduki nu̱ke a gwa dlu̱mdi wor yoro.

Yibraniyeku 12:15

Ku̱r ma vaanu ma ku̱ aaki mbu̱ɗ gwar mu̱nkir ɓu̱ Magham ɓa. Ku̱ aaki kha ndu̱ ɗyooti mbi nu̱ka ɓa ki ndu̱ su̱bu̱rti tu̱ka su̱bu̱r nduki khangang ɓa.

Yaqub 2:12

Ku̱ ɓalar mbu̱ me nu ndu̱ tlu̱nar ɓaanu wut za tun nduki nu̱ke ka ɓa kumaki nu ndu̱ bibiti nu̱ka vu̱rki dli ɗyin.

1 Biturus 2:16

Shi ma khar ɓaanu wa nduki nu̱ke ɗya maava ɓa, yang ku̱ gaɓ nu ndu̱ nang tu̱ kha ma njiv shir ɗyi nu̱ke galkandi ɓa. Shi ma khar nu̱ke ka wutki za tun maaviku ɓu̱ Magham.

1 Yokhana 2:24

Zu̱m ma guma ndu̱ mbu shogar nun tu̱kki ji vu̱ nggarsan. Mbu̱ shogar nun dlu̱ki gumapaali a nje memu̱na nu, tun ka khan mbe Woyang ndu̱ Zhinkirang tu̱k.

Ɗyin mbu̱ tukari 14:13

Tang gaɓ tang tu̱k su̱qur ɓalar nggur viɗi a zu̱ran za, “Bu̱lo nang. Barkya ve nduki nu̱ke ka mu̱tki ku mbu̱ tlu̱nar ɓu̱ Zhinkir gwaanji ji ɗyin leendang!” Jiimbyang za, i “Shwat! Ka mas ku mbe bonye ɓaanda, ku̱me tlu̱nar ɓaanda ka mbu wora!”

Ɗyin mbu̱ tukari 22:14

“Nduki nu̱ shiɓki luktiku ɓaanda nu̱ gha, ma ku̱ gwa zalale nji qu̱far nyifiri, tu̱ vi ku nu̱ mbu̱ ghayang ve me viri, ɗya nu̱ barka ku.