Yaqub 1:21 - Mewar Alqawarang

²¹ Ku̱me nang, wos ma kap ɗye shir malkandi nu̱ solari ndu̱ pooni mu̱narku gha, tun dlu̱ ɓalar nu̱ kaɓki nu̱ mbu̱ memu̱na nu nu̱ka vu̱rki ɗanar ye nu ndu̱ ɓu̱tokh memu̱na.

Yaqub 1:21 ပူးပေါင်းရင်းမြစ်များ

Matta 5:5

Barkya ve nu̱ katar ɗyin ku, ku̱me wor ka ɓa gwaki ɗye mbu̱ ge larji nu̱ ɗyin mban ku.

Yokhana 6:63

Jiimba ke nu̱ vu̱rti nyifi, zalale aa nu̱m kha manva ɓa. Ɓalarku nang zu̱ki ye nwang ɗya jiimba, ndu̱ nyifi.

Yokhana 6:68

Tu̱ Siman Biturus tlogha yenda za, “Zhinerem gwaanji, chem ka ɗu̱kya she kiya? To ke nu̱ ɓalar nu̱ka vu̱rki nyifiri nu̱ke ɓu̱ shi woɗa ɓa.

Tlu̱nar ɓu̱ Pudeku 10:33

Nang ke ɗyi nu̱ saki tang ru̱k nu̱ sho ɗau, yang wa shi mbar nu̱ke ta ɓa. Yang leendang wonji rem gume Magham ma tu̱k mi ɗyi nu̱ke zu̱ki za zu̱na yerem.”

Tlu̱nar ɓu̱ Pudeku 13:26

“Nyeezaku, zhikankirku ɓu̱ Yibram ndu̱ nu̱ sawar Magham ku nu̱ke ɗya Yakhude ku ɓa a ru̱k labar ɗanar nang yerem.

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 11:17

Mbu̱ke wa ku̱rta ɓeeni me bu̱n qu̱farku nu̱gha, yang tun nu̱ke ɗya qu̱far Zaitun nu̱ gar wa baatla nu tu̱ gu̱n ye man qu̱farang ma ɓu̱rti su̱yen ndu̱ ɓeeni me bu̱n qu̱farkwang. Tun a zu̱m kya boote ɓu̱ man qu̱farang nu̱ ku̱nshe dlu̱dlar sanang.

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

1 Korintiyeku 15:2

Tun gwa ɗanar ku̱men, mbu̱ tun wa khuɓ ɓalar nang zu̱ki ye nu mbari, mbu̱ wanang ɓa maito ɓaanu wa kha bam.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Afiseku 1:13

Tun wa kha ma nduki ɓu̱ Magham tu̱k nu̱ ku̱nshe Masiya, sarchi nun tu̱kki ɓalar zhire, nang ke Labar mbarkandi nu̱ ɗa ɓa ki ndu̱ ɗanar ye nu. Ye sarchi nun maitaki Masiya, Magham wa sa yitu̱m ɓaran nu̱ ɗyine nu nu̱ shiki alqawar vu̱rti Jiimbi shakhshakhndi ɓaran ye nu.

Afiseku 4:22

Ai, ɗyi nu̱ shogaki viɗ ɗyine khar viti ɓaanu nu̱ zhu chin ke, ku̱ shakh nu ndu̱ ɗye shir malkandi nu̱ke tun shiki gana fara. Pooni ɗye shir nu̱ khaki su̱bu̱rtan ku̱me ɗye lambarku nu̱ke a shimndan;

Afiseku 4:25

Ku̱me nang tun shakh ɗyinonu ndu̱ kotama! Tu̱ aaki ki zu̱ zhire ye nu̱ bing ɓaran, ku̱me chem me bar ɓu̱ yen ɗo.

Afiseku 5:4

Wanang tu̱k ku̱ shi nu me ku̱rji ndu̱ ɓalar bamndi ndu̱ ɗye mu̱si galkandi ɓa, ku̱me nu̱ shipa ɓa. Me ɓu̱ nang tun ki kuna Magham.

1 Tasalonikeku 1:5

ku̱me Labar mbarkandi nyem a ɓa ki su̱ ye nu. Nu̱ ɗa ɓa ye nu mbe ɓala ɗyenda ɓa, aa ɓa ye nu ndu̱ zalala, ndu̱ Jiimbi shakhshakhndi ndu̱ zhire nyelkandi shwat. Tun wa zu̱n pooni khar nyem shiki chele ɓaanu ma ku̱ gwa nu boote ni.

1 Tasalonikeku 2:13

Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.

Titus 2:11

Jiwa mu̱nkir ɓu̱ Magham nu̱ ɗanari a vi ye dalangi ma ɓar she nduki kap.

Yibraniyeku 12:1

Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

Yibraniyeku 4:2

Jiwa chem wa woɗa tu̱k Labar Mbarkandang ba wa nu̱ tu̱kki ku. Yang Labar mbarkandi nu̱ tu̱kki kwang nu̱ boota wor sar da ɓa, ku̱me nu̱ dlu̱ ku su̱yen ndu̱ maito ɓa.

Yaqub 4:8

Kha ma bing ndu̱ Magham, Magham ka shi bing ndu̱ tunu. Tun nu̱ solar ku, tun kwaɗa ɗye shir ɓaanu tun kha wakaran. Tun nu̱ke memu̱nanu rap rap yang, shiɓ ma memu̱na nun gha

Yaqub 5:20

Ku̱ zu̱n nu̱ gha, njif nu̱ ɗa gaɓki ndu̱ nu̱ sola ve njiva wa ɗana nyifi ɓu̱ nu̱ solarang ɓar mbe mu̱ti, ka kha ma njiv yaapar solarku khang maɗyi.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 1:9

ku̱me tun a dlu̱kya ɗyi nun saki nu̱ guma mbu̱ maito ɓaanu nang ke gwar ɗanar ɓu̱ nyifi ɓaanu.

1 Biturus 2:1

Ku̱me nang shakh ma ɗyinonu ndu̱ aa nyi maatli khali, ndu̱ wollo, ndu̱ mu̱na ndu̱ zhiri, ndu̱ aa nyi pu̱ziku bam bam.

1 Biturus 2:11

Raptaku nu̱ke nga ndolaran, nu̱ke tun a shikya khar runggu mbu̱ larji nang, maa kha nu fan ɓa, nga khutonu, shakh ma ɗyinonu ndu̱ ɗye shir malkandi nu̱ melakh ɓu̱ nduku, ɗye shir nang a wute ndu̱ jiimbonu.