Yaqub 1:19 - Mewar Alqawarang

¹⁹ Nyeezaku, ndolarku ɓanga, zu̱n ma nu̱ ɗyine wa shipa ku̱ aaki kha ma nu̱ tu̱kki ɓala ɗau, yang ku̱ kha ma nu̱ lau me ɓa, yang nu̱ wakho shokhna ɓa.

Yaqub 1:19 ပူးပေါင်းရင်းမြစ်များ

Matta 5:22

Yang nga zu̱ran ye nu, aaki shiki shokhnar nu̱ mu̱dlen ka kuma nda. Njif nu̱ qaki mu̱dlen nduk ‘Bamndi,’ ka ɗu̱ ndu̱ chin gume kumari, njif nu̱ qaki mu̱dlen za ‘Nggu̱bu̱ng’ shipakya giɗim ɓai.

Markus 12:37

Nu̱ ke Annabi Dauda nu̱ ɗyinan wa qa nda za Zhinkir ɓaran Gwaanji, Masiya kaa kha ma Zhikan Dauda kikimnda? Tu̱ tabar ndukyang tu̱k Yesu ndu̱ ɓong memu̱na ndu̱ ɗyine wor tu̱k kyang.

Markus 2:2

Ta ɓa ku tu̱ taba khang nu̱ke maarang nu̱ da wor ɓa. Ku̱me aa me virang nyeedlan ndu̱ nduki tu̱ ku̱s waazu labar mu̱nkandi ye wora.

Luka 15:1

Sarchi ngguri, tu̱ nu̱ dlu̱r zhaanggalku, ndu̱ ɓeena nu̱ tlu̱nar solarku, ta ɓa ku ma tu̱k shogar ɓu̱ Yesu.

Luka 19:48

Yang nu̱ gwa njiv shiran ku ɓa ku̱me aakya shim tu̱k ɓalar ɓaran maɗyi.

Tlu̱nar ɓu̱ Pudeku 1:15

Mbu̱ qaandiku naandang tu̱ Biturus ji tu̱ chin gha chele nu̱ mbu Yesu ku (nu̱ke khang ɓaanda wa khu̱l won ndu̱ ɗyirap).

Tlu̱nar ɓu̱ Pudeku 10:33

Nang ke ɗyi nu̱ saki tang ru̱k nu̱ sho ɗau, yang wa shi mbar nu̱ke ta ɓa. Yang leendang wonji rem gume Magham ma tu̱k mi ɗyi nu̱ke zu̱ki za zu̱na yerem.”

Tlu̱nar ɓu̱ Pudeku 13:48

Nu̱ nduki nu̱ke ɗya Yakhudeku ɓa tu̱kki wanang, tu̱ kasha ku maɗyi, tu̱ vu̱r zhaaji ye ɓalar ɓu̱ Magham tu̱ nduki nu̱ datki wora ma gwa nyifi nu̱ke ɓu̱ shi woɗa ɓa ndang maita ku.

Tlu̱nar ɓu̱ Pudeku 17:11

Yang nduk Biriya wa duk nduki nu̱ Tasalonika ku, ku̱me wa dlu̱ ɓalar ɓu̱ Magham ku khar wor rap. A nggu̱t mbu̱ bu̱lar ɓalar ɓu̱ Magham aa nyi fu̱ɗa ma na nda mbu̱ ɗyi nu̱ Bulus zu̱kyang ɗya zhire.

Tlu̱nar ɓu̱ Pudeku 2:42

Tu̱ vu̱r vaanda ye shogar ɓu̱ Pudekwang ndu̱ khar ndu̱ yen, ndu̱ zu̱mndi ɗye zu̱mndi su̱yen kom ndu̱ barari.

Afiseku 4:26

Mbu̱ memu̱na nu wa su̱bu̱ri, ku̱ njig nu tu̱ sa nu ma sola ɓa. Ku̱ fu̱ɗar nggu̱ɗ tu̱ na shokhna ɓa.

Afiseku 4:31

Shakh ma ɗyinonu ndu̱ ɗyooti mbu, ndu̱ chiti memu̱na, ndu̱ shokhna, ndu̱ gangndi dakhlari, ndu̱ pu̱ziku bam bam, ndu̱ aa nyi pooni mu̱na.

Kolosiyeku 3:15

Qaandi memu̱nar nu̱ Masiya ka vu̱rki ma ku̱ mbu ndu̱ tun mbe ɗyi nu̱ke tun a ma shiran kap, jiwa Magham qa nun mbu̱ man var da ku̱me qaandi memu̱nar nang, tun kha ma nu̱ kunar Magham aakochi.

Kolosiyeku 3:8

Yang leendang wa ku̱s ku̱ shakh nu ndu̱ ɗye shir malkandiku nang kap. Njig ma shokhna ndu̱ khang shimndi ɗyiku bam bam ndu̱ maatli memu̱na. Ku̱ pu̱zi bam bam ndu̱ maatli ɓalar a vi mbu̱ me nu ɓa.

1 Tasalonikeku 2:13

Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.

Yaqub 1:16

Nyeezaku, ndolarku ɓanga, ku̱ njig nu tu̱ njif nggur lamba nu ɓa.

Yaqub 1:2

Nyeezaku, da ma aa nyi bonye nu̱ gwaki nu ma ɗye kasha,

Yaqub 1:26

Mbu̱ nduka tamandan za chin nu̱ ghaari ghai maɗyi, yang nu̱ka ku̱s men ɓa, a lambakya ɗyinan, ghaari ghai ɓaran wa kha bam.

Yaqub 2:1

Nyeezaku, ndola nu njif nggur tu̱ duk njif nggur chele ɓaanu ɓa, nu̱ke tun wa maita Zhinerem gwaanji Yesu Masiya, nu̱ke chin ke nu̱ zhaaji.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

Yaqub 3:10

Chem ka shi khamndang ndu̱ me rem dandi nang, chem gaɓ chem shi pu̱zi su̱ tu̱k. Wush, nyeezaku! Ai, nu̱ shipa ku̱ ɗyen kha wanang ɓa.

Yaqub 4:11

Nyeezaku, njig ma pu̱zi yen. Ku̱me aaki pu̱zki mu̱dlen nu̱ mbu Yesu, bai tu̱ du̱ng zop nggur nu̱ ɗyine nda gom, a pu̱zkya Bibiti ɓu̱ Magham, a du̱ngkya zop ye Bibiti ɓu̱ Magham tu̱k. Mbu̱ yang ta pu̱z Bibiti ɓu̱ Magham ta kha ma nu̱ zhangndi mburan gha. Kom ta gaɓ ndu̱ ɗyino ma nu̱ du̱ngndi zop ye bibitang tu̱k.

Yaqub 5:12

Guma ndu̱ aa nu̱m kap, nyeezaku, mbu̱ tun a ma da alqawar shir tunu, sar da ku̱mnda nu ɓa. Ku̱mnda nu ndu̱ maa viɗi ɓa yang ndu̱ maa vu̱ghai ɓa, yang tu̱k ku̱mnda nu ndu̱ aa nu̱m zum ɓa. Tun ka zu̱ nun za, “I” ndu̱ “Auwo” ɗyenda, ku̱me ku̱ vi nun mbu̱ kumar ɓu̱ Magham ɓa.

Yaqub 5:19

Nyeezaku, mbu̱ da chele ɓaanu wa njig njiv zhire, tu̱ yang njif nggur chele ɓaanu a gaɓ ndu̱ chin ve njiva.

1 Yokhana 2:21

Nang bu̱la ye nu ku̱me nun zu̱n zhire ɓa ɓa, nga bu̱la ku̱me tun wa zu̱n zhire. Tun wa zu̱n nu̱ ɗyine zhire nu̱ka kha ma wollo ɓa.